Kurdî  ■  كوردی  ■  عربي
MON, 22 JUL 2019 13:53 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Şêwirmendê Sekreterê NY: Tawanên DAIŞê li Kurdistanê jenosayd in
| KDP.info


 

Hewlêr-KDP.info- Serok Barzanî pêşwaziya Yarîdeder û Şêwirmendê Taybetî yê Sekreterê Giştî yê Rêxistina Neteweyên Yekgirtî kir û di wê hevdîtinê de şanda mêvan got ku tawanên DAIŞê li Iraq û Kurdistanê dikevin xala çarçoveya jenosaydê de.


Îro Sêşema 18.06.2019 li Selaheddîn Serok Mesûd Barzanî pêşwaziya Kerîm Esed Ehmedxan Yarîdeder û Şêwirmendê Taybetî yê Sekreterê Giştî yê Rêxistina Neteweyên Yekgirtî yê ji bo lêkolîna li tawanên DAIŞê û şanda pê re kir.


Di hevdîtinê de Şêwirmendê Taybetî yê Sekreterê Giştî yê Rêxistina Neteweyên Yekgirtî yê ji bo lêkolîna li tawanên DAIŞê, pesnê rola Serok Barzanî di rûbirûbûna terorîstên DAIŞê de kir û pêzanînên xwe ji bo qehremanî û qurbanîdana Hêzên Pêşmergeyên Kurdistanê di şikandina terorîstên DAIŞê de hebû.

Kerîm Esed Ehmedxan Serok Barzanî li erk û karê xwe agahdar kir ku ji aliyê Sekreterê Giştî yê Rêxistina Neteweyên Yekgirtî ve ji bo lêkolîna li tawanên DAIŞê pê hatiye raspardin û destpêkirina proseya dadgehkirina wan endamên DAIŞê ku destên wan di tawanan da hebûye. Ji bilî balkişandina ser şikandina DAIŞê li rûyê serbazî ve got ku ew tawanên li Iraq û Kurdistanê ji aliyê DAIŞê ve hatine encamdan diçin çarçoveya jenosaydê.

Herwiha tekez jî li wê yekê kir ku hewla rêxistina Neteweyên Yekgirtî ji bo dadgehkirina tawanbarên DAIŞê, bi navê cûdakirina tawanbaran û çêkirina bingeha aştevayî niştîmanî ye.

Daxwaz jî kir ku aliyên pêwendîdar ên li Herêma Kurdistan û Iraqê hevkarê tîma rêxistina Neteweyên Yekgirtî bin. Herwiha ragihand ku di vê erkê de pêwîstî bi berdewamiya şîret û rênîşandana Serok Barzanî heye.

Ji aliyê xwe ve Serok Barzanî ji bilî pêzanîna wê biryara rêxistina Neteweyên Yekgirtî, bi erkekî pîroz da zanîn û piştevaniya xwe ya tevahî ya bi navê dadgehkirin û sizadana tawanbarên DAIŞê ji bo vê hengavê ragihand.

Her di vê civînê de Serok Barzanî amaje bi qurbanîdana gelê Kurdistan û Pêşmerge di şerê terorîstan de û tekezî li ser wê yekê kir ku ji bilî wan hemû êşên li ser gelê Kurdistanê hatine, gelê Kurdistanê bi navê vekirina rûpeleke nû û aştevayî da tu demekî dest ji bo tolhildanê nebiriye.

Di dirêjahiya axaftina xwe de Serok Barzanî ronahî xiste ser gefên DAIŞê û ragihand ku rast e DAIŞê li rûyê serbazî ve şikaye lê belê gefên DAIŞê her mane û ew gef tevahiya cîhanê kiriye armanc. Serok Barzanî eve jî bi şanda mêhvan ragihand ku armanca terorê dirustkirina nakokî û dijayetiya di navbera olan e û evyek jî mijareke metirsîdar e, ji bo wê yekê rûbirûbûna wê metirsiyê hewl û hemahengiya hemû aliyên navdewletî pêwîst e.




Nûçeyên din

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 
Peyamek ji Serok Barzanî

SATURDAY, 20 JULY 2019 23:07:00

Hewlêr-KDP.info-Piştî kirdara terorîstiya roja çarşem 17.07.2019 ku li yek ji xwaringeheke Hewlêrê rûda û dîplomatkarekî Tirkiye û dû hemwelatiyên sîvîlê Kurdistanê bûne qurbanî, xweşbextane îro hêzên Asayîş û Dije Terorê Kurdistanê karîn encamderê serekiyê tawanê û hevkarekî wan destgîr bikin.

 
Fermandarê Hêzên Ser Sînor: Divê PKK ji navçeyê sînorî derkeve

SATURDAY, 20 JULY 2019 14:07:10

Duhok-KDP.info- Fermandarê Hêzên Pasevanî yên Ser Sînorê Herêma Kurdistanê, ku ser bi Hikûmeta Iraqê ve ye, ragihand ku ji ber PKKê 400 gundên ser sînor li Herêma Kurdistanê vala bûne û pêwîst e PKK ji wan navçeyan derkeve ji ber ku ziyanê dighîne Herêma Kurdistanê.

 



 
© 2018 Kurdistan Democratic Party, KDP