Kurdî  ■  كوردی  ■  عربي
MON, 22 JUL 2019 13:36 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berdevkê PDKê: Divê parêzgarê Kerkûkê berbijêrê YNK û yê PDK jî be
| KDP.info


 
Hewlêr-KDP.info- Berdevkê fermî yê Partiya Demokrata Kurdistanê (PDK) Mehmûd Mihemed ragihand ku divê berbijêrê ji bo kursiyê parêzgarê Kerkûkê berbijêrê PDK û YNKê be.
 
Berdevkê PDKê Mehmûd Mihemed di hevpeyvînekê de ligel Dengê Amerîka ragihandiye: “Rêkeftina siyasî hatiye kirin di navbera PDK û partiyên ku dê di hikûmetê de beşdar bibin û niha Mesrûr Barzanî serdana wan partiyan dike ji bo ku ew partî navê xwe amade bikin ji bo nava hikûmetê. Her kesek ku bibe serokê hikûmetê dixwaze hikûmeta wî serkeftî be ji bo ku bernameya xwe ya hikûmî cîbicî bike, lewma jî pêwîstiya wî bi wezîrên jêhatî û pispor heye, da ku karibe xizmeta xelkê Kurdistanê bikin, lewma jî dema partiyên siyasî navê xwe pêşkêş bikin eger têbîniyên serokê hikûmetê li ser navekî hebe, dibe ku bi hevahengî ligel wî partiyê daxwaza guhertina navê wî bike.”
 
Mehmûd Mihemed wiha dibêje: “Roja 1ê meha 7an dê bêhinvedana havînî ya Parlamentoya Kurdistanê destpê bike û divê heya wê demê Mesrûr Barzanî hikûmeta xwe amade kiribe ji bo parlamentoyê. Lê ya rastî ew e ku partiyên siyasî lihev kirine û wezaret û kursî hatine parvekirin û tenê maye ku navê berbijêran bê diyarkirin û ev yek jî bivê heya serê mehê bidawî hatibe. Cem PDK ti pirsgirêk tune ye û navên me dê amade bin dema ku serokê hikûmetê daxwaza nava bike. Emê navê berbijêrên xwe li ser bingeha jêhatîbûnê û pisporbûnê diyar bikin. Herwiha dê navên me ji hemû navçeyên Kurdistanê bin. Herwiha beşek mezin ji wan Cviyên ku di nava PDKê de hatine pêşêşkirin, navê jinên PDKê ne, ku jinên jêhatî û şareza û pispor in û dixwazin di nava hikûmetê de kar bikin.”
 
Derbarê meric û daxwazên YNKê li ser yekalîkirina kursiyê parêzgarê Kerkûkê ji bo ku YNK di hikûmetê de beşdar bibe, Berdevkê PDKê wiha ragihandiye: “Me û YNK lihev kiriye ku Serok Mesûd Barzanî û Kosret Resûl mijara Kerkûkê û parêzhar çareser bikin. Ji zû de me ji YNKê re gotiye ti pêwendiya pirsa Kerkûkê û pirsên kursiyên Bexdayê bi avakirina hikûmeta Kurdistanê tune ye û pêwîst e her mijarek bi tenê bê çareserkirin. Niha ya baş Serok Barzanî û Kosret Resûl pirsa danîna parêzgarê Kerkûkê çareser bikin. Gerek pirs wisa çareser bibe ku berbijêrê ji bo parêzgarê Kerkûkê, berbijêrê me herdû aliyan be, ku nabe YNK bêje ev berbijêrê min e û dê ev kes bibe parêzgar. Bila em û YNK û partiyên din ên Kurdistanê û pêkhateyên Kerkûkê jî bi hevre kesekî bikin parêzgarê Kerkûkê, da ku bi rola xwe rabe û xwedî bandor be û xwedî piştgîrî be jî. Herwiha divê Bexda jî wî kesî qebûl bike û divê em kar bikin ji bo ku em bihêlin Bexda wî qebûl bike.”
 



Nûçeyên din

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 
Peyamek ji Serok Barzanî

SATURDAY, 20 JULY 2019 23:07:00

Hewlêr-KDP.info-Piştî kirdara terorîstiya roja çarşem 17.07.2019 ku li yek ji xwaringeheke Hewlêrê rûda û dîplomatkarekî Tirkiye û dû hemwelatiyên sîvîlê Kurdistanê bûne qurbanî, xweşbextane îro hêzên Asayîş û Dije Terorê Kurdistanê karîn encamderê serekiyê tawanê û hevkarekî wan destgîr bikin.

 
Fermandarê Hêzên Ser Sînor: Divê PKK ji navçeyê sînorî derkeve

SATURDAY, 20 JULY 2019 14:07:10

Duhok-KDP.info- Fermandarê Hêzên Pasevanî yên Ser Sînorê Herêma Kurdistanê, ku ser bi Hikûmeta Iraqê ve ye, ragihand ku ji ber PKKê 400 gundên ser sînor li Herêma Kurdistanê vala bûne û pêwîst e PKK ji wan navçeyan derkeve ji ber ku ziyanê dighîne Herêma Kurdistanê.

 



 
© 2018 Kurdistan Democratic Party, KDP