Kurdî  ■  كوردی  ■  عربي
FRI, 20 SEP 2019 13:26 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokê Parlamentoya Iraqê: Nêçîrvan Barzanî dê di çareserkirina pirsgirêkan de serkeftî be
| KDP.info


Hewlêr-KDP.info- Serokê Parlamentoya Iraqê Mihemed Helbûsî pîrozbahî li Serokê Herêma Kurdistanê Nêçîrvan Barzanî kir û got ku ew bi hêvî ye ku Nêçîrvan Barzanî dê di çareserkirina pirsgirêkan de serkeftî be.

Îro Duşema 10 Hezîranê Serokê Parlamentoya Iraqê Mihemed Helbûsî di merasîma sondxwarina Serokê Herêma Kurdistanê Nêçîrvan Barzanî gotarek pêşkeş kir û jê re serkeftin xwest.

Mihemed Helbûsî got: “Em pîrozbahiya rêzdar bira Nêçîrvan Barzanî, weke Serokê Herêma Kurdistana Iraqê dikin. Ev hilbijartin gaveke girîng e bo bihêzkirina proseya siyasî û nimûneyeke zindî ye bo rêzgirtina destûr û îradeya gel. Li aliyekî din, bihêzkirina rola nifşê nû ye di proseya siyasî de ku ezmûneke girîng di dema karên xwe de ligel serkirdeyên nifşê yekem di proseya siyasî de bidest xistin.

Helbûsî destnîşan kir ku ji bo yekalîkirina doseyên asê û welatî jî bikarin mafên xwe bidest bixin, erkê berdewamîkirina diyalogê û pêwendîkirina ligel Bexdayê li benda Nêçîrvan Barzanî ye.

Serokê Parlamentoya Iraqê diyar kir ku ew di wê baweriyê de ye ku Nêçîrvan Barzanî dê çareserkirina pirsgirêkan de serkeftî be û wiha pê de çû: “Ji ber ku gelek tehdayên mezin li pêşiya me nin, birayê Serok, weke çawa xebat kiriye ku hun bigihêjin demokrasiyê, niha ji bo pêşketin û avakirinê, xebateke din li pêşiya me ye. Divê em kar ji bo siberojeke geştir û baştir bo Iraqiyan tevî Herêma Kurdistanê bikin, ev jî ji me tê xwestin ku em kar li ser dîtina çareseriyên bilez bo pirsgirêkên asê bikin.”

Di berdewamiya axaftina xwe de Helbûsî got: “Herêma Kurdistanê ji gelek welatên cîran pêşketîtir e, û welatiyên wê, xwedî maf û azadî û xizmetan in. Herwiha cihekî aram bû, ku hemû Iraqê berê xwe didan wê. Di dema rûbirûbûna DAIŞa terorîst de, xwîna hemû şehîdên me yên qehreman tevlî hev bû.”




Nûçeyên din

Mesrûr Barzanî bo xwendekarên Kurdistanê: beşdar bin di avakirina Kurdistaneke bihêz de

THURSDAY, 19 SEPTEMBER 2019 23:09:05

Hewlêr-KDP.info- Serokwezîrê Hikûmeta Herêma Kurdistanê, perwerde û fêrkirin, weke ji girîngritîn karên kabîneyê binav kirin û ragihand ku di heyama vê kabîneyê de ew dê girîngiyeke taybet bi xwendina bilind bidin.

 
Nêçîrvan Barzanî û Helbûsî rewşa Iraqê guftûgo kirin

THURSDAY, 19 SEPTEMBER 2019 15:09:25

Birêz Nêçîrvan Barzanî Serokê Herêma Kurdistanê û birêz Mihemed El Helbûsî Serokê Encumena Nûnerên Iraqê rewşa siyasî û emnî ya Iraqê guftûgo kirin û tekez li ser parastina aramiya siyasî û aramiya emnî ya Iraqê û girîngiya berdewamiya diyaloga Hewlêr û Bexda ya ji bo çareserkirina kêşeyan li çarçêweya destûra Iraqê da kirin.

 
Serok Barzanî û Serokê Parlamentoya Iraqê rewşa Iraqê û ya navçeyê gotûbêj kirin

THURSDAY, 19 SEPTEMBER 2019 15:09:26

Hewlêr-KDP.info- Serok Mesûd Barzanî pêşwaziya Serokê Encûmena Nûnerên Iraqê (Parlamentoya Iraqê) kir û di wê hevîdtinê de herdû aliyan rewşa Iraqê û ya navçeyê û pêwesndiyên di navbera Hewlêr û Bexdayê de gotûbêj kirin.

Serok Barzanî û Berhem Salih li ser rewşa navçeyên Kurdistanî yên madeya 140 axivîn

WEDNESDAY, 18 SEPTEMBER 2019 22:09:38

Hewlêr-KDP.info- Serok Mesûd Barzanî pêşwaziya Serokomarê Iraqê Berhem Salih kir û di wê hevdîtinê de herdû aliyan rewşa navçeyên Kurdistanî yên madeya 140 gotûbêj kirin.

 
Mesrûr Barzanî û Berhem Salih: Niha derfeteke baş ji bo çareseriyê heye

WEDNESDAY, 18 SEPTEMBER 2019 22:09:49

Hewlêr-KDP.info- Serokwezîrê Herêma Kurdistanê Mesrûr Barzanî û Serokomarê Iraqê Berhem Salih civiyan û di wê hevdîtinê de herdû aliyan tekez kir ku pêwîst e pirsgirêkên Hewlêr û Bexdayê çareseriyeke bingehîn ji wan re bê dîtin û Destûrê Iraqê bi temamî were cîbicîkirin.

 


 
© 2018 Kurdistan Democratic Party, KDP