Kurdî  ■  كوردی  ■  عربي
TUE, 12 NOV 2019 03:25 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berhem Salih: Pêgeha Mesûd Barzanî dibe sedema dermankirina birînên navmala Kurd
| KDP.info


 

Hewlêr-KDP.info- Serokomarê Iraqê Berhem Salih di rêûresma sûndxwarina Serokê Herêma Kurdistanê de ragihand, ev boneyeke dîrokî û girîng e û pîrozbahî li Serokê Herêma Kurdistanê Nêçîrvan Barzanî kir û got: “Rola Serok Barzanî wek yekem Serokê Herêma Kurdistanê bilind dinirxînim û pêgeha wî ya bi bandor û mezin di siyaset û pêşhatên navçê de heye.”

Berhem Salih diyar kir: “Rol û bandor ne girêdayî pileya siyasî ye, ji ber wê kak Mesûd di dahatû de rola wî zêdetir dibe, ku zêdetir ji 50 salî ve xebata xwe heye û Serokê Herêma Kurdistanê jî çaverêyî piştevaniya Serok Barzanî ye.”

Herwiha got: “Pêgeha kak Mesûd dibe sedema dermankirina birînên navmala Kurdî û yekxistina navxweya Kurdistanê.”

Hevdem jî amaje bi pêgeha Mam Celal û Neşîrwan Mustefa jî kir, ku rola wan di pêgeha Herêma Kurdistanê de hebû.

Amaje bi tawanên enfala Germiyan û Barzan û bi hezaran gundên wêrankirî kir, ku sedema hebûna van destkeft û azadiya îro ya Kurdistanê ne û divê ev destkeft bêne parastin.

Berhem Salih wiha got: “Bi yekrêziya gelê me û bi hevkarî û hevahengiya serokê nû yê Herêma Kurdistanê û Serokê Hikûmeta dahatî ya Kurdistanê, çaksaziyên bingehîn bi awayekî baş destpê dikin.”

Serokomarê Iraqê pîrozbahî li Serokê Herêma Kurdistanê Nêçîrvan Barzanî jî kir û got: “Nêçîrvan Barzanî xwedan ezmûneka dirêj a hikûmetdarî û dîplomatîk e. Em ji Kak Nêçîrvan hêvî dikin ku di bihêzkirina pêwendiyên Hewlêr û Bexdayê de roleka aktîf û bi bandor bilîze.”




Nûçeyên din

Mesrûr Barzanî û Mesûd Tek: Divê pirsa Kurdî bi aştî û dadperwerî were çareserkirin

MONDAY, 11 NOVEMBER 2019 19:11:28

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li şandeke pilebilind a Partiya Sosyalist a Kurdistanê (PSK) bi serokatiya Serokê wê partiyê Mesûd Tek kir.

 
Nêçîrvan Barzanî serperiştiya proseya yekxistina hêzên Pêşmerge dike

MONDAY, 11 NOVEMBER 2019 19:11:31

Hewlêr-KDP.info- Serokê Herêma Kurdistanê Nêçîrvan Barzanî tekezî li prosêsa çaksaziyê di Wezareta Pêşmerge de, herweha rêkxistina Pêşmerge kir û ji bo vê mebestê jî aliyên pêwendîdar yên Serokatiya herêma Kurdistanê û Wezareta Pêşmerge radispêre, Komîteyek Taybet bo bidûvçûna prosêsê pêk bînin. Pêngavên praktîkî jî, di rêkxistina warên îdarî, yasayî û dariştina peykera wezaret, hêz û pêkhateyên Pêşmerge jî bavêj in.

 
Li Qamişlo 3 teqîn çêbûn.. 5 kes şehîd bûne

MONDAY, 11 NOVEMBER 2019 18:11:41

Qamişlo-KDP.info- Li bajarê Qamişloyê yê Rojavayê Kurdistanê 3 teqîn çêbûn û hejmareke kes şehîd bûne û herwiha hejmareke kes jî birîndar bûne.

 
Mesûd Tek bo Polîtbûroya PDKê: Gelê Kurdistanê xwedî yek derd û yek armanc e

MONDAY, 11 NOVEMBER 2019 18:11:08

Hewlêr-KDP.info- Serokê Giştî yê Partiya Sosyalist a Kurdistanê (PSK) Mesûd Tek ji Polîtbûroya PDKê re got ku gelê Kurdistanê xwedî yek derd û yek êş û yek armanc e, ew jî jiyana bi serfirazî ye li ser axa Kurdistanê û gelê Kurdistanê ji kevin de daxwaza jiyana bi aramî û pêkvejiyana bi aştiyê dike.

 
Iraq deyndarê 120 milyar dolar e.. 900 milyar dolar jî winda ye

MONDAY, 11 NOVEMBER 2019 18:11:42

Bexda-KDP.info- Parlamentera berê ya Iraqê Necîba Necîb ragihand ku di nava 15 salên derbasbûyî de ji ber gendeliyê 900 milyar dolar pereyên Iraqê winda ne û vala çûne, herwiha Hikûmeta Iraqê jî bi qasî 120 milyar dolar deyndar e.

 


 
© 2018 Kurdistan Democratic Party, KDP