Kurdî  ■  كوردی  ■  عربي
WED, 26 JUN 2019 22:00 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Ji ber PKKê di mehekê de 6 welatiyên Başûr bûne qurbanî..“Başûr ne meydana xebata PKKê ye”
| KDP.info


 
 
Hewlêr-KDP.info- Çekdarên PKKê binke û navendên xwe li nêzîkî gundên Başûrê Kurdistanê danîne û ji ber wê yekê jî artêşa Tirkiyê li gundên Başûr didin ku tenê di nava mehekê de 6 welatî bûne qurbanî. Parlamenterekî Kurdistanê jî dibêje bila êdî PKK hencetê nede welatên navçeyê ku welatên Başûrê Kurdistanê bikin qurbanî û Başûr ne meydana xebata PKKê ye.
 
Tenê di nava mehekê de ji ber cih û navendên PKKê li nava axa Herêma Kurdistanê 2 welatî şehîd bûne, ku yek li sînorê qeza Mêrgesor bû û yê din jî di yekem roja cejnê de li Zaxo şehîd bû. 4 welatî jî birîndar bûne. Herwiha 2 gund li sînorê Zaxo vala bûne û metirsiya valabûnê li ser nêzîkî 100 gundên Mêrgesor û Sîdekan û Amîdiyê heye.
 
Welatî ji Mêrgesor bi navê Barzan Şêxmûs ji malpera KDP.info re ragihand: “Hebûna PKK li ser sînorê Herêma Kurdistanê ziyaneke mezin ji gundiyên ser sînor re çêkiriye. Berdewam zarokên me li ber dengê top û bombeyan e. Bandoreke mezin li ser wan dike. Herwiha em nikarin ji malên xwe derkevin, ji ber ku berdewam metirsî li ser canê me heye.”
 
Parlamenterê PDKê li Kurdistanê Dr. Zêdan Biradostî ji malpera KDP.info re dibêje: “Em piştgiriyê li xebata aştiyane ya Kurdên herçar perçeyên Kurdistanê dikin, lê em naxwazin pirsgirêkên siyasî ji bo Herêma Kurdistanê çêbibin ji ber PKKê. Meydana xebata PKKê ne Başûrê Kurdistanê ye û ne navçeyên sînorê yê Başûr in. Mixabin ji ber cih û navendên wan ziyaneke mezin gihîştiye xelkê Herêma Kurdistanê.”
 
Wî parlamenterê PDKê wiha got: “Bi sedan gundên Başûrê Kurdistanê ji ber şerê PKK û Tirkiyê mane bê avedanî û bi salan e ku artêşa Tirkiyê ji ber PKKê li gund û navçeyên Başûrê Kurdistanê dide û berdewam xelkê Başûr dibin qurbanî wî şerî. Ew jî jibilî ziyanên madî. PKK jibilî ku gumrik û pereyan ji xelkê Başûr distîne, berdewan hincetê dide welatên navçeyê ku sînor derbas bikin û li Başûrê Kurdistanê bidin. Pêwîst e PKK ji wan navçeyên sînorê derkeve û xelkê wan gundan vegerin ser mal û zeviyên xwe.”



Nûçeyên din

“Piştî serdana Nêçîrvan Barzanî bo Bexdayê hewlên çareseriyê zêde bûne”

WEDNESDAY, 26 JUNE 2019 15:06:05

Bexda-KDP.info- Cîgirê Serokê Parlamentoya Iraqê Dr. Beşîr Hedad dibêje, piştî serdana Serokê Herêma Kurdistanê Nêçîrvan Barzanî bo Bexdayê êdî hewlên çareserkirina kêşe û pirsgirêkên di navbera Hewlêr û Bexdayê de zêde bûne û ji bo vê yekê jî 2 komîte hatine avakirin.

 
Xelkê Sîdekan: Ji ber PKKê em ji gundê xwe derketine

WEDNESDAY, 26 JUNE 2019 15:06:52

Sîdekan-KDP.info- Ji 15ê meha 5an ve rojane artêşa Tirkiyê ji ber hebûna PKKê li navçeyên sînorî yên Başûrê Kurdistanê, gund û navçeyên Sîdekan bombebaran û topbaran dikin, ku ji ber vê yekê heya niha 115 gund li Devera Bradost vala bûne.

 
Goran: Beriya 27ê mehê emê navên xwe bidin Mesrûr Barzanî

WEDNESDAY, 26 JUNE 2019 15:06:20

Hewlêr-KDP.info- Parlamentera Tevgera Goran Aşna Ebdulah dibêje, hewl zêde bûne ku beriya 30ê vê mehê hikûmeta nû ya Herêma Kurdistanê bê avakirin û Goran beriya 27ê mehê dê hemû navên xwe bide Mesrûr Barzanî Serokwezîrê erikdarkirî ji bo avakirina kabîneya nû ya Hikûmeta Kurdistanê.

 
Ji ber penaberên Rojava, Yekîtiya Ewropa 22 milyon Euro dide Herêma Kurdistanê

WEDNESDAY, 26 JUNE 2019 15:06:05

Hewlêr-KDP.info- Nûnerê Hikûmeta Herêma Kurdistanê li Yekîtiya Ewropa Dilawer Ajgeyî dibêje, Yekîtiya Ewropa biryar daye ku 22 milyon Euro bide Herêma Kurdistanê ji bo temamkirina çend pirojeyên ku nîvcî mane.

 
Turkman: Mesrûr Barzanî dê biser keve û em piştgiriyê lê dikin

TUESDAY, 25 JUNE 2019 18:06:53

Hewlêr-KDP.info- Serokê Partiya Tevgera Demokrat a Turkmanî Kerxî Altê Birmag dibêje, di hikûmeta nû ya Kurdistanê de dê pêkhateyên Kurdistanê xwedî roleke bihêz bin û Serok Barzanî li pişt wê yekê ye ku mafê pêkhateyên Kurdistanê parastî ye.

 


 
© 2018 Kurdistan Democratic Party, KDP