Kurdî  ■  كوردی  ■  عربي
WED, 26 JUN 2019 22:01 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Zilma ku li navçeyên 140 li Kurdan tê kirin nayê qebûlkirin
| KDP.info


Hewlêr-KDP.info- Serok Barzanî peyamek li ser rewşa jiyana welatiyên li deverên Kurdistanî yên li derveyî îdareya Herêma Kurdistanê belav kir û ragihand: “Sepandina vê rewşê li ser cotyaran û xelkê sivîlê wan navçeyan bi ti awayekî nayê qebûlkirin.”

Peyama Serok Barzanî ya ji bo raya giştî

Bi navê Xwedayê mezin û dilovan

Şewitandina dexl û danên hemwelatiyên Kurd li navçeyên maddeya 140 û herwiha kuştin û azardan û birîndarkirina xelkê Kurd li wan navçeyan ku ev demek e bûye diyarde û rojane tê encamdan, tawanekî mezin e û zulmekî eşkere ye li hemwelatiyên bêtawan ên Kurd tê kirin.

Tiştê li van navçeyan tê jiyîn, binpêkirina yasa û destûr û bihayên mirovayetiyê ye û zengê metirsiyê ye jî ji bo jiyana xelk û paşaroja wan navçeyan. Ev zilma ku rojane tê kirin, sizadan û hilkişandina xelkê ye ji ser nasnameya neteweyî.

Sepandina vê rewşê li ser cotyaran û xelkê sivîlê wan navçeyan bi ti awayekî nayê qebûlkirin û pêwîst e civaka navdewletî û aliyên peywendîdar li ser vê rewşa neasayî bêne deng û Hikûmeta Iraqê jî divê berpirsiyariyê hilbigrê û dawî bi wê sîtem û yasaşikandinê bîne ku li navçeyên Kurdistanî yên derveyî îdareya Herêma Kurdistanê li dijî hemwelatiyên Kurd tê encamdan.

Mesûd Barzanî

30.05.2019”




Nûçeyên din

“Piştî serdana Nêçîrvan Barzanî bo Bexdayê hewlên çareseriyê zêde bûne”

WEDNESDAY, 26 JUNE 2019 15:06:05

Bexda-KDP.info- Cîgirê Serokê Parlamentoya Iraqê Dr. Beşîr Hedad dibêje, piştî serdana Serokê Herêma Kurdistanê Nêçîrvan Barzanî bo Bexdayê êdî hewlên çareserkirina kêşe û pirsgirêkên di navbera Hewlêr û Bexdayê de zêde bûne û ji bo vê yekê jî 2 komîte hatine avakirin.

 
Xelkê Sîdekan: Ji ber PKKê em ji gundê xwe derketine

WEDNESDAY, 26 JUNE 2019 15:06:52

Sîdekan-KDP.info- Ji 15ê meha 5an ve rojane artêşa Tirkiyê ji ber hebûna PKKê li navçeyên sînorî yên Başûrê Kurdistanê, gund û navçeyên Sîdekan bombebaran û topbaran dikin, ku ji ber vê yekê heya niha 115 gund li Devera Bradost vala bûne.

 
Goran: Beriya 27ê mehê emê navên xwe bidin Mesrûr Barzanî

WEDNESDAY, 26 JUNE 2019 15:06:20

Hewlêr-KDP.info- Parlamentera Tevgera Goran Aşna Ebdulah dibêje, hewl zêde bûne ku beriya 30ê vê mehê hikûmeta nû ya Herêma Kurdistanê bê avakirin û Goran beriya 27ê mehê dê hemû navên xwe bide Mesrûr Barzanî Serokwezîrê erikdarkirî ji bo avakirina kabîneya nû ya Hikûmeta Kurdistanê.

 
Ji ber penaberên Rojava, Yekîtiya Ewropa 22 milyon Euro dide Herêma Kurdistanê

WEDNESDAY, 26 JUNE 2019 15:06:05

Hewlêr-KDP.info- Nûnerê Hikûmeta Herêma Kurdistanê li Yekîtiya Ewropa Dilawer Ajgeyî dibêje, Yekîtiya Ewropa biryar daye ku 22 milyon Euro bide Herêma Kurdistanê ji bo temamkirina çend pirojeyên ku nîvcî mane.

 
Turkman: Mesrûr Barzanî dê biser keve û em piştgiriyê lê dikin

TUESDAY, 25 JUNE 2019 18:06:53

Hewlêr-KDP.info- Serokê Partiya Tevgera Demokrat a Turkmanî Kerxî Altê Birmag dibêje, di hikûmeta nû ya Kurdistanê de dê pêkhateyên Kurdistanê xwedî roleke bihêz bin û Serok Barzanî li pişt wê yekê ye ku mafê pêkhateyên Kurdistanê parastî ye.

 


 
© 2018 Kurdistan Democratic Party, KDP