Kurdî  ■  كوردی  ■  عربي
WED, 21 AUG 2019 02:33 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

“Daxwaza vegera Pêşmerge bo Xaneqîn gihîştiye Parlamentoya Iraqê”
| KDP.info


 

Hewlêr-KDP.info- Pêncşema derbasbûyî komîteyeke taybet bi rewşa Xaneqîn ji Parlamentoya Iraqê serdana Xaneqîn kir û Serokê wê komîteyê jî dibêje, rewşa Xaneqîn ji hemû aliyekî ve xerab e û tê daxwazkirin ku Hêzên Pêşmerge vegerin navçeyê.

Serokê Komîteya Parlamentoya Iraqê ya taybet bi pirsgirêka Xaneqîn Nasir Yûsif ji malpera KDP.info re ragihand: “Ji ber aloziyên rojên derbasbûyî li sînorê Xaneqîn, ku genim û ceh û bax û zeviyên Kurdan dihatin şewitandin, serokê Parlamentoya Iraqê komîteyek ava kir û şand Xaneqîn, ku ez serokê komîteyê bûm û roja Pêncşemê em çûn Xaneqîn. Me dît ku xelkê wê navçeyê di rewşeke pir xerab de ne, ji aliyê xizmetan de û ti baweriya wan bi Hikûmeta Iraqê nemaye.”

Nasir Yûsif wiha got: “Jibilî nebûna xizmetan, rewşa ewlehî li wir nearam e û divê rewş li wir bê guhertin û hêzeke ji Pêşmerge û hêzên Iraqê bi hevre wê navçeyê biparêzin û nava bajêr jî bikeve destê polîs de. Me ev yek ji fermandarê artêşa Iraqê jî re got, ku cihê artêşê ne nava bajar e û pêwîst e artêş û Heşda Şeibî ji bajarê Xaneqîn derkevin.”

Yûsif wiha domand: “Em û rêxistinên navçeyê û pêkhateyên Xeneqîn û îdareya bajrê gihîştin encama dawî ji bo çareserkirin pirsgirêkên Xaneqîn û pêwîst e Pêşmerge vegerin navçeyê û me ev daxwaza vegera Pêşmerge û normalkirina rewşa Xaneqîn gihand Parlamentoya Iraqê.”




Nûçeyên din

Hikûmeta Kurdistanê bang li Tirkiye û PKKê dike: Êdî ziyanê neghînin xelkê me

TUESDAY, 20 AUGUST 2019 09:08:27

Hewlêr-KDP.info- Hikûmeta Herêma Kurdistanê bi daxuyaniyekê bang li Hikûmeta Tirkiyê û PKKê kir ku nebin sedema ziyangihandina welatiyên Herêma Kurdistanê.

 
Serokatiya Herêma Kurdistanê teqîna terorîstî ya li Qamişlo şermezar kir

MONDAY, 19 AUGUST 2019 09:08:24

Hewlêr-KDP.info- Serokatiya Herêma Kurdistanê, teqîna îro ya li bajarê Qamişloyê yê Rojavayê Kurdistanê wek "teqîneke terorîstî" bi nav dike û vê teqînê bi tundî şermezar dike.

 
ENKS li ser Navçeya Aram bi Wezareta Derve ya Amerîka re dicive

SUNDAY, 18 AUGUST 2019 15:08:10

Mosko-KDP.info- Berpirsê Ofîsa Pêwendiyên Derve ya ENKSê Kamîran Haco dibêje, şandek ji ENKSê dê derbarê Navçeya Aram û rewşa Rojavayê Kurdistanê û Sûriyê ligel Wezareta Derve ya Amerîka bicive.

 
Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 


 
© 2018 Kurdistan Democratic Party, KDP