Kurdî  ■  كوردی  ■  عربي
THU, 23 MAY 2019 06:31 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî bo Çavuşoglu: Pêwendiyên Herêma Kurdistanê û Tirkiyê girîng û stratejîk in
| KDP.info


Hewlêr-KDP.info- Nêçîrvan Barzanî û Mevlut Çavuşoglu civiyan û di wê hevdîtinê de spasiya Tirkiyê kir ku di dema zehmet de alîkarî û piştgiriya Herêma Kurdistanê kir.

Serokwezîrê Herêma Kurdistanê Nêçîrvan Barzanî îro Duşemî 29ê Nîsanê li Hewlêrê pêşwazî li Wezîrê Derve yê Tirkiyeyê Mevlut Çavuşoglu kir.

Di wê hevdîtinê de herdû aliyan pêşxistina pêwendiyên Herêma Kurdistanê û Iraqê ligel Tirkiyê û bilindkirina asta bazirganî û hewldana ji bo vekirina deriyên zêdetir ên sînorî û alîkarî û hevahengiya di warê rûbibûyê metirsiyên terorê û rewşa Kerkûkê û navçeyên madeya 140 û pêkhateyan û rewşa Herêma Kurdistanê û Iraqê, gotûbêj kirin.

Serokwezîrê Herêma Kurdistanê spasiya Tirkiyê kir ku di demên zehmet û dijwar de alîkarî û piştgiriya Herêma Kurdistanê kiriye. Heriwha daxwaz kir ku pêwendiyên Herêma Kurdistanê û Tirkiyê pêş bikevin û ji bo vê yekê jî Hikûmeta Kurdistanê amade ye ku derfetê bide şirket û veberhênerên Tirkiyê ku li Herêma Kurdistanê kar bikin. Nêçîrvan Barzanî got ku pêwendiyên Herêma Kurdistanê û Tirkiyê girîng û stratejîk in.

Mevlut Çavuşoglu jibilî ku kêfxweşiya xwe bi serdana Herêma Kurdistanê nîşan da, herwiha tekez ku di demên zehmet de wan pişta Herêma Kurdistanê berneda, niha jî dixwazin pêwendiyên xwe ligel Iraq û Herêma Kurdistanê pêş bixin.

Çavuşoglu got ku, şirketên Tirkiyê jî dikarin di proseya avakirinê de û bi taybetî jî li wan navçeyên ku ji ber şerê DAIŞê ziyan dîtine, kar bikin.

Wezîrê Derve yê Tirkiyê behsa serdana xwe ji bi Bexdayê jî kir û amaje bi civînên xwe ligel berpirsên Iraqê kir û got ku hevkarî û hevahengiya Tirkiye û Iraqê girîng e, nexasim jî di prsa avê de.

Di hevdîtina Nêçîrvan Barzanî û Mevlut Çavuşoglu de, herwiha rewş û pêşhatên navçeyê bi giştî hatin gotûbêjkirin.




Nûçeyên din

Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 
Nêçîrvan Barzanî ji Netewên Yekgirtî û Encûmena Asayişê re nameyek şand û çend daxwazan ji wan dike

MONDAY, 20 MAY 2019 18:05:58

Hewlêr-KDP.info- Di nameyekê de bo Sekreterê Giştî yê Netewên Yekgirtî, Serokwezîrê Herêma Kurdistanê Nêçîrvan Barzanî pênc xalên sereke derbarê karê Ofîsa Netewên Yekgirtî ya li Iraqê ku weke UNAMI tê naskirin, pêşniyar dike.

 
Nêçîrvan Barzanî û Konsulê Amerîka behsa pêwendiyên Hewlêr û Waşinton kirin

SUNDAY, 19 MAY 2019 18:05:09

Hewlêr-KDP.info- Serokwezîrê Herêma Kurdistanê Nêçîrvan Barzanî û Konsulê Giştî yê Amerîkayê yê li Herêma Kurdistanê Steven Fagin civiyan û behsa peywendiyên Hewlêr û Waşintonê kirin.

 
Wezareta Pêşmerge: Têkeliyên me û Amerîka pir bihêz in..Amerîka dixwaze Pêşmerge bihêz be

SUNDAY, 19 MAY 2019 14:05:49
Hewlêr-KDP.info- Berpirsekî Wezareta Pêşmerge dibêje, biryar ji Amerîka derketiye ku hêzên wê dîsa dest bi perwerdeya leşkerî ya Hêzên Pêşmerge bikin. Herwiha tekez dike ku Hevpeymaniya Navdewletî û Amerîka dixwazin Hêzên Pêşmerge zêdetir bihêz bibin û Kurdistan bibe xwedî yek hêza leşkerî.
 


 
© 2018 Kurdistan Democratic Party, KDP