Kurdî  ■  كوردی  ■  عربي
MON, 22 JUL 2019 13:40 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Milet dê wan ceza bike
| KDP.info


Dr. Salar Usman

Xelk, hilbijartin, avakirina hikûmeta nû û bernameyê wê hikûmetê. Çar mijar in ku bi hev girêdayî ne û pir girîng in. Ew 4 mijar civaka siyasî ya saxlem û nesaxlem jihev cuda dikin.

Di serî de pêwîst e em wê yekê zelal bikin ku civaka siyasî ya saxlem, ew civak e ku bêarîşe yan bi hinek arîşe hikûmeta xwe ya nû ava dike, bi manayekî zelaltir, ew civak e ku partiyên wê yên siyasî bi dengên xwe yên ku di hilbijartinan de anîne, razî dibin û nakin bolebol.

Civakên siyasî yên nesaxlem jî ew civak in ku partiyên wê rêzê li encamên hilbijartinan nagrin, tenavê astengiyan jî jê re derdixin û dixwazin bêtir ji heqê xwe bistînin.

Civaka siyasî ya Herêma Kurdistanê jî, yek ji wan civakên nesaxlem û bi bolebol e, ku partiyên wê yên siyasî bi encamên hilbijartinan razî nabin. Berdewam ev karê me ye. Ji yekem hilbijartin ku piştî Raperîna 1991ê li Kurdistanê çêbû û heta niha ev tas û ev himam e. Wê demê YNK bi encamên hilbijartinên demokrat razî nebû û heta niha ev karê wê ye. Ev razînebûna YNK bi encamên hilbijartinan bûye pirsgirêk û berdewam ev pirsgirêk ji laş û canê demokrasiyê li Herêma Kurdistanê dixwe. Niha jî em hemû li hêviya vê trajîdyayê ne ku YNKê bê û di hikûmetê de beşdar bibe.

Trajîdya ye, erê trajîdya ye ku partiyeke siyasî tevlî proseya hilbijartinan bibe û rêzê li milet negre. Her milet deng dide û biryara xwe eşkere dike, û hema vî xelkî biryara wê yekê daye ku:

- Qet YNK nebe partiya yekem di hilbijartinan de.

- Carek Tevgera Goran bibe partiya duyemîn û carekê YNK.

- Yekgirtûya Îslamî ya Kurdistanê carekê dengê wê baş bin û careke din dengê wê dakevin nêvî.

Dengdan biryar e. Xelk di hilbijartinan de biryara xwe didin, piştre jî xelk li hêviya berhema deng û biryara xwe ne:

- Gelo partiyên siyasî dê çawa û bi çi nêtê hikûmeta nû ava bikin?..

- Bernameya hikûmeta nû çi ye û çawa ye û dê jiyan di bin siya hibijartinan de çawa ber bi başiyê ve biçe?..

- Kî pirsgirêkan derdixe û kî çareseriyê dike?..

- Kî dev ji dengê ku jê re hatiye, berdide û kî jî dengê xwe zêdetir dike?..

- Kî di xizmeta welat û milet de ye û kî jî tenê xema kursî û pêrîka xwe dixwe?.

Xelk van pirsan dikin, bi aramî hizir dikin, berê xwe didin rewşê, di serê xwe de şirove dikin, kar û reftaran dixwînin, bi hûrî li pey bersiva pirsên xwe digerin, bersivan dibînin, piştre li gorî wan pirs û bersivan baweriyê li cem xwe çêdikin, û bi wêbaweriyê diçin hilbijartinan û biryara xwe didin. Biryar didin ku dengê xwe bidin kê û kê ceza bikin. Wan partiyan ceza bikin yên ku:

- Rêz li dengê wan negirtine.

- Demokrasî kirêt kirine.

- Ji dengê xwe zêdetir daxwaza kursiyan dikin.

- Bûne asteng û girêk li pêşiya avakirina hikûmetê.

- Girift û arîşeyan derdixin.

- Bandoreke xerab li ser jiyan û abûriya Kurdistanê kirine.

- Milet ji destê wan westiya ye û hêrs bûye.

Erê dê milet wan ceza bike, lê kengî?. Di hilbijartinên bê de û li ser sinduqan..




Nûçeyên din

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 
Peyamek ji Serok Barzanî

SATURDAY, 20 JULY 2019 23:07:00

Hewlêr-KDP.info-Piştî kirdara terorîstiya roja çarşem 17.07.2019 ku li yek ji xwaringeheke Hewlêrê rûda û dîplomatkarekî Tirkiye û dû hemwelatiyên sîvîlê Kurdistanê bûne qurbanî, xweşbextane îro hêzên Asayîş û Dije Terorê Kurdistanê karîn encamderê serekiyê tawanê û hevkarekî wan destgîr bikin.

 
Fermandarê Hêzên Ser Sînor: Divê PKK ji navçeyê sînorî derkeve

SATURDAY, 20 JULY 2019 14:07:10

Duhok-KDP.info- Fermandarê Hêzên Pasevanî yên Ser Sînorê Herêma Kurdistanê, ku ser bi Hikûmeta Iraqê ve ye, ragihand ku ji ber PKKê 400 gundên ser sînor li Herêma Kurdistanê vala bûne û pêwîst e PKK ji wan navçeyan derkeve ji ber ku ziyanê dighîne Herêma Kurdistanê.

 



 
© 2018 Kurdistan Democratic Party, KDP