Kurdî  ■  كوردی  ■  عربي
MON, 22 JUL 2019 13:32 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

jîrtirîn gelê dîrokê
| KDP.info


 

 

Zikrî Mûsa

 

Eger xelkê Holanda gul û penêr didin cîhanê û xelkê Australyayê jî goşt û hirya pezê xwe, xelkê Îranê herwiha bi ferş û sicadê tên naskirin û heta dawiya dunyê berhemên wan diçin. Ereb jî petrolê didin hemû cîhanê. Fûtbol û şekir û qehweya Berazîlyayê jî binav û deng in. Eger her neteweyek, her cografyayek dewlet be û xwedî serwer be û bi her awayekî beşdar be di karwanê mirovayetiyê de, erê erkê Kurdan çi ye.

Nayê zanîn bi hûrî çi erkê Kurdan e di nava mirovayetiyê de, lê tiştekî zelal e ku barê ku li ser milê Kurdan e eger li ser milê her miletekî din ba, dê zû de dawiya wî hatbû û hilya bû.

Niha Kurd divê parêzgariyê li nasnameya xwe bikin. Divê Kurd dagîrkariyê û cîranên xwe yên xwîngiran û şovînî tehemûl bikin. Divê di rûyê terorê de rabin. Divê zimanê xwe biparêzin û hînî zimanên Erebî û Farisî û Tirkî û herî kêm Ingilîzî jî bibin. Divê ligel hovtirîn rêjîm ku rêjîma Sedam bû liber xwe bide. Divê Kurd ha ji dezgeha herî zehmet a îstexbaratê li navçeyê hebin.

Di heman demê de, divê Kurd xwe bijînin, xwe dewlemend bikin. Çek û sîlahan bi dizî bikirin. Divê mirovê Kurd hewl bide ku xwe pêş bixe û xwe hînî teknelojiya bike. Divê li hemberî wan hemû gef û guvaş û azarên ku ji encama nakokî û navçegerî û caşîtiyê derdikevin, li ber xwe bide.

Divê berdewam hizreke wî li cem serxwebûn û serweriyê ve û qet jibîr neke û kar jê re bike. Divê Kurdistan derguşa pêkvejiyanê be û bihuşta pêkhateyên netewî û olî be. Nabe Kurd tundrew bin û hemêza xwe ji terorê re vekin. Nabe Kurd zilm û dagîrkarî û bi erebkirin û bi firiskirin û bi tirikirinê qebûl bikin.. Divê. Divê. Divê…

Vêga hûn bi xwe hukmê xwe bidin, di sedeya 21ê de kîja netewe li seranserî cîhanê bi qasî Kurdan erk û barên giran li ser milê wî ye?

Ligel wê yekê jî, eger Kurd ji vê riya dijwar û pir kosp bi serkeftî derbas bibin, bêguman dê bibin jîrtirîn û bihêztirîn gelê di nava dîrokê de.




Nûçeyên din

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 
Peyamek ji Serok Barzanî

SATURDAY, 20 JULY 2019 23:07:00

Hewlêr-KDP.info-Piştî kirdara terorîstiya roja çarşem 17.07.2019 ku li yek ji xwaringeheke Hewlêrê rûda û dîplomatkarekî Tirkiye û dû hemwelatiyên sîvîlê Kurdistanê bûne qurbanî, xweşbextane îro hêzên Asayîş û Dije Terorê Kurdistanê karîn encamderê serekiyê tawanê û hevkarekî wan destgîr bikin.

 
Fermandarê Hêzên Ser Sînor: Divê PKK ji navçeyê sînorî derkeve

SATURDAY, 20 JULY 2019 14:07:10

Duhok-KDP.info- Fermandarê Hêzên Pasevanî yên Ser Sînorê Herêma Kurdistanê, ku ser bi Hikûmeta Iraqê ve ye, ragihand ku ji ber PKKê 400 gundên ser sînor li Herêma Kurdistanê vala bûne û pêwîst e PKK ji wan navçeyan derkeve ji ber ku ziyanê dighîne Herêma Kurdistanê.

 



 
© 2018 Kurdistan Democratic Party, KDP