Kurdî  ■  كوردی  ■  عربي
THU, 22 AUG 2019 15:12 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hêzên leşkerî bilez neghên Mûsilê dê carek din bikeve destê DAIŞê
| KDP.info


 

Mûsil-KDP.info- Nûnerekî Parêzgeha Mûsilê di Parlemantoya Iraqê de hişyariyê dide li ser rewşa xerab a navçeyên Mûsilê û dibêje eger hêza leşkerî bilez neghê Mûsilê dê parêzgeh wek sala 2014an bikeve destê DAIŞê de.

Parlemanterê Mûsilê Ehmed Medlûl nameyek ji serokwezîrê Iraqê re şandiye û tê de amaje bi wê yekê kiriye ku rewşa Mûsilê pir xerab e û DAIŞ berdewam tawanan li dijî xelkê navçeyê dike û xelkê direvînin lewma jî xelk neçar dibin ku ji gundên xwe bar bikin, ji ber ku di van çend rojên dawî de tevgera DAIŞê pir zêde bûye.

Medlûl dibêje, DAIŞê sala 2014 Mûsil dagîr kir û hejmareke mezin ji xelkê sivîl bûn qurbanî destê wan, lewma niha jî eger bilez hêza leşkerî neçe navçeyên Behac û Telebte û Hezer û çend navçeyên din ên rojavayê Mûsilê, dê tişta ku sala 2014 çêbû, dîsa dûbare bibe.

Ji aliyê xwe ve, Cîgirê Serokê Komîteya Asayiş û Bergîriyê ya Encûmena Parêzgeha Mûsilê Haşim Birîfkanî ji malpera KDP.info re ragihand: “Metirsî li ser Mûsilê heye û şaneyên veşartî yên DAIŞê li nava Mûsilê pir in û tevgera wan zêde bûye. Rojane çekdarên DAIŞê li nava Mûsilê tên girtin, lewma jî pêwîst e hêzên ewlehiyê zêdetir agahdar bin û zêdetir ewlehiyê biparêzin.”

Haşim Birîfkanî wiha got: “Baştirîn çareserî ji bo rêgirîkirina li DAIŞê ew e ku Heşda Şeibî ji sînorê Sûriye û Iraqê vekşe û hêzek ji artêşa Iraqê biçe ser sînor û sînor asêtir bibe, da ku çekdarên DAIŞê bi kêfa xwe sînor derbas nekin. Metirsiya DAIŞê pir mezin e û pir cidî ye.”




Nûçeyên din

Hikûmeta Kurdistanê bang li Tirkiye û PKKê dike: Êdî ziyanê neghînin xelkê me

TUESDAY, 20 AUGUST 2019 09:08:27

Hewlêr-KDP.info- Hikûmeta Herêma Kurdistanê bi daxuyaniyekê bang li Hikûmeta Tirkiyê û PKKê kir ku nebin sedema ziyangihandina welatiyên Herêma Kurdistanê.

 
Serokatiya Herêma Kurdistanê teqîna terorîstî ya li Qamişlo şermezar kir

MONDAY, 19 AUGUST 2019 09:08:24

Hewlêr-KDP.info- Serokatiya Herêma Kurdistanê, teqîna îro ya li bajarê Qamişloyê yê Rojavayê Kurdistanê wek "teqîneke terorîstî" bi nav dike û vê teqînê bi tundî şermezar dike.

 
ENKS li ser Navçeya Aram bi Wezareta Derve ya Amerîka re dicive

SUNDAY, 18 AUGUST 2019 15:08:10

Mosko-KDP.info- Berpirsê Ofîsa Pêwendiyên Derve ya ENKSê Kamîran Haco dibêje, şandek ji ENKSê dê derbarê Navçeya Aram û rewşa Rojavayê Kurdistanê û Sûriyê ligel Wezareta Derve ya Amerîka bicive.

 
Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 


 
© 2018 Kurdistan Democratic Party, KDP