Kurdî  ■  كوردی  ■  عربي
FRI, 26 APR 2019 19:35 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî pêşwazî li Seroka Şaredariya Parîs kir
| KDP.info


Hewlêr-KDP.info- Serokwezîrê Herêma Kurdistanê Nêçîrvan Barzanî pêşwazî kir li Seroka Şaredariya Parîs Xanim An Hîdalgo û şanda pê re kir.

Îro danê nîvro Şemiya 13.4.2019 Nêçîrvan Barzanî pêşwazî kir li Xanim An Hîdalgo û di wê hevdîtinê Xanim An Hîdalgo jibilî ku kêfxweşiya xwe bi serdana Herêma Kurdistanê nîşan da û behsa bernameya serdana xwe kir ku dixwazin pêwendiyeke baş di navbera wan û parêzgeha Hewlêrê û parêzgehên din ên Herêma Kurdistanê de hebe.

Seroka Şaredariya Parîs da zanîn ku ew dixwazin di warê enerjiya paqij û kiltûr û veguhestin û gihandin û di hemû warên din de alîkariya Herêma Kurdistanê bikin. Herwiha spasiya hikûmet û xelkê Kurdistanê kir ku pêşwazî kirin li hejmareke pir mezin ji koçber û penaberan. Herwiha bergîriya Pêşmerge li ser asta hemû cîhanê û di parastina nirxên pêkvejiyan û lêborîn û aştî û tebayîyê de deng veda ye. Lewma jî hêviya pêşketinên zêdetir ji Herêma Kurdisatanê re xwest.

Ji aliyê xwe ve, Nêçîrvan Barzanî spasiya Fransa û civaka navdewletî kir ku di şerê DAIŞê de alîkariya Herêma Kurdistanê kirin û eger ne ji wan alîkariyan ba dê serkeftin bidest nehata. Nêçîrvan Barzanî tekez kir ku pêwîst e di vê qonaxê de hizra DAIŞî bê jinavbirin.

Herwiha serokwezîrê Kurdistanê spasiya serokê Fransa kir ku piştî bûyerên Cotmeha 2017 ji aliyê siyasî ve piştgiriya Herêma Kurdistanê kirin û deriyên siyasî li pêşiya Hewlêrê vekirin, lewma jî di encamê de beşek ji pirsgirêkên ligel Bexdayê çareser bûn û deriyê gotûbêjan vebû.

Nêçîrvan Barzanî tekez kir ku Herêma Kurdistanê pêşwaziyê dike bi kiltûra pêkvejiyanê û aştî û hevqebûlkirinê û lêborînê. Xelk û Hikûmeta Herêma Kurdistanê jî bi hemû şêweyekî vî kiltûrî diparêzin. Derbarê vê yekê de jî Nêçîrvan Barzanî amaje bi vekirina dêreke Ermenan di hefteya derbasbûyî de li Hewlêrê kir.

 




Nûçeyên din

ENKS: Em piştgiriyê li destpêşxeriya Fransa dikin

THURSDAY, 25 APRIL 2019 23:04:55
Duhok-KDP.info- Serkirdeyê Partiya Demokrat a Kurdistan – Sûriye (PDK-S) Mihemed Îsmaîl ragihand ku ew wek ENKS piştgiriyê li destpêşxeriya Fransa ya jihevnêzîkbûna ENKS û PYD, dikin.
 
Nêçîrvan Barzanî û şandekê Kongrîsa Amerîka rewşa Kurdistanê û navçeyê gotûbêj kirin.

THURSDAY, 25 APRIL 2019 22:04:49
Hewlêr-KDP.info- Serokwezîrê Herêma Kurdistanê Nêçîrvan Barzanî pêşwazî li şandekê ji Kongrîsa Amerîka kir û di wê hevdîtinê de herdû aliyan rewşa siyasî û ewlehî ya Herêma Kurdistanê û navçeyê bi giştî gotûbêj kirin.
 
Berdevkê PDKê: Hefteya bê dê rêkeftina dawî ya avakirina hikûmetê bê îmzekirin

THURSDAY, 25 APRIL 2019 14:04:40

Hewlêr-KDP.info- Berdevkê PDKê Mehmûd Mihmed derbarê rêkeftina di navbera PDK û YNKê de ragihand, hefteya bê dê rêkeftina dawî bê kirin. Herwiha dibêje, rêkeftina ku beriya niha di navbera herdû aliyan de hatibû kirin rêkeftina siyasî bû û niha dê rêkeftin li ser kursiyan jî bê kirin.

 
Zêbarî: Kurdistan dê bibe xwedî yek hêza leşkerî

WEDNESDAY, 24 APRIL 2019 23:04:18

Hewlêr-KDP.info- Proseya yekxistina Hêzên Pêşmergeyên Kurdistanê destpê kiriye û serfermandarê berê yê Iraqê jî dibêje, Herêma Kurdistanê dê bibe xwedî yek hêza yekgirtî.

 
Serok Barzanî û Nuceyfî: Divê bilez pirsgirêkên Mûsilê çareser bibin

WEDNESDAY, 24 APRIL 2019 23:04:41

Hewlêr-KDP.info- Serok Mesûd Barzanî pêşwazî li siyasetmedarê Sunne yê Iraqê Usama Nuceyfî kir û di wê hevdîtinê de herdû aliyan tekez kir ku pêwîst e pirsgirêkên Mûsilê çareser bibin û derfet ji terorsîtan re careke din dernekeve ku gefê li asayişa wê parêzgehê bikin.

 


 
© 2018 Kurdistan Democratic Party, KDP