Kurdî  ■  كوردی  ■  عربي
WED, 24 JUL 2019 10:35 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berdevkê PDKê: Hikûmeta nû ya Kurdistanê dê çareserkirina pirsa Kerkûkê ligel Bexdayê gotûbêj bike
| KDP.info


 

Hewlêr-KDP.info- Berdevkê PDKê Mehmûd Mihemed ragihand, piştî ku hikûmeta nû ya Kurdistanê ava bibe dê di cih de şandekê bişîne Bexdayê û gotûbêjan li wir bike ji bo çareserkirina rewşa Kerkûkê.

Mehmûd Mihemed ku herwiha Endamê Polîtbûroya PDKê ye, di hevpeyvînekê de ligel Govara Gulan de, ragihandiye: “Pêwîst e di hemû qonaxan de daxwazên Kurdistanê bên diyarkirin û kar ji bo cîbicîkirina wan bê kirin. Di qonaxa niha de jî divê em yekîtiya xwe biparêzin û PDK û YNK bihevtre kar bikin, ji ber ku bi beşdariya YNKê di hikûmeta nû de, dê hêz û piştevaniya ji bo hikûmeta nû zêdetir bibe.”

Mehmûd Mihemed wiha gotiye: “Di serî de me ji YNKê re got pêwîst e di avakirina hikûmeta Kurdistanê de, rêkeftineke cuda di navbera PDK û YNKê de çêbibe, ku avakirina hikûmeta Kurdistanê ne girêdayî avakirina hikûmeta Iraqê û danîna parêzgarekî ji bo Kerkûkê be. Destpêkê YNK razî nebû lê piştre me lihev kir ku her pirsek cuda were çareserkirin. Hewlên me ji bo wê yekê ne ku bilez hikûmeta Kurdistanê bê avakirin. Hikûmeta Kurdistanê divê bilez ava bibe ji bo ku jibilî çareserkirina rewşa jiyana xelkê baş bibe, herwiha hejmareke pirs hene di navbera Hewlêr û Bexdayê de û divê bên çareserkirin û hikûmeta nû dê bi wî karî rabe.”

Berdevkê PDKê wiha dibêje: “Parlamentoya Kurdistanê jî karê xwe dike ji bo ku hikûmeta nû ava bibe û di serî de niha kar dike ji bo cîbicîkirina yasaya serokatiya Kurdistanê û dê serokê Herêma Kurdistanê di nava parlamentoyê de bê hilbijartin û piştre jî dê navê berbijêrê ji bo serokatiya hikûmeta Kurdistanê bê destnîşankirin, ku PDK Mesrûr Barzanî diyar kiriye ji bo wî kursî û dê hikûmeta xwe ava bike. Dema ku PDK û YNK rêkeftina xwe ya dawî îmze bikin dê avakirina hikûmetê bilez bibe û dê astengî li pêşiya wê nemînin.”

Mehmûd Mihemed wiha didomîne: “PDK hewl daye ku rewşekê çêbike ku hemû partiyên siyasî razî bike, ji bo ku daxwazên xelkê Kurdistanê bên cîbicîkirin, lewma jî PDK li cihna ziyan dîtiye, lê em vê yekê wek ziyan nabînin û em dibînin ku serkeftineke ji bo xelkê Kurdistanê.”

Berdevkê PDKê ragihand: “Piştî ku hikûmeta nû ya Kurdistanê ava bibe dê di cih de şandekê bişîne Bexdayê û gotûbêjan li wir bike ji bo çareserkirina rewşa Kerkûkê, ku PDK û YNK jî li ser vê yekê lihev kirine. Divê rewşa Kerkûkê zû baş bibe û xelkê wê vegerin ser mal û warê xwe. Divê asayişa Kerkûkê bikeve destê xelkê Kerkûkê û dagîrkariya leşkerî li ser Kerkûkê bidawî were. Divê em bi hikûmeta Iraqê re kar ji bo normalkirina û asayîkirina rewşa Kerkûkê bikin.”

Mehmûd Mihemed wiha got: “Ew partiyên Kurdî yên ku li Kerkûkê ne, nikarin bi azadî karê xwe bikin. Rewşa xerab a ku niha li Kerkûkê heye, ne di berjewendiya ti aliyekî netewî û olî yên bajêr de ye. Herwiha ne di berjewendiya hikûmeta Iraqê de ye. Rewşa Kerkûkê wiha berdewam bike dê pirsgirêk û arîşe zêdetir bibin û tenê rêya gotûbêjan li pêşiya çareseriyê ye.”

 




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP