Kurdî  ■  كوردی  ■  عربي
WED, 24 JUL 2019 10:35 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Ji ber PKK balafirên Tirkiyê li gundekî Xristiyanan dan
| KDP.info


Zaxo-KDP.info- Careke din balafirên şer ên Tirkiyê li devera Zaxo dan. Rêvebirê Nahyeya Derkarê ya ser bi Zaxo ve jî dibêje, balafiran gelek ziyan gihandin wî gundê ku lê dane.

Zêrevan Şerefanî Rêvebirê Nahyeya Derkarê ji malpera KDP.info re ragihand: “Şevê din û îro serê sibehê balafirên şer ên Tirkiyê li herdû gundên Şeranş û Eblehî yên ser bi Zaxo ve, dan û di encamê de ziyaneke madî mezin gihîşt wan gundan, ku çend xanî û otomobîlên welatiyan hatin wêrankirin.”

Şerefanî wiha got: “Îsal ev cara dûyem e ku balafirên Tirkiyê li devera Zaxo didin, ew jî ji ber hebûna PKK li wan navçeyan. Lê bombebarana îro gundê Şeranş jî li xwe girtiye, ku gundekî birayên me yên Xristiyan e û yek ji cihên geştiyarî yê Herêma Kurdistannê ye, ku salane bi hezaran geştiyar serdana wir dikin.”

Ji ber ku çekdarên PKK cih û navendên xwe tînin nêzîkî gundên Başûrê Kurdistanê, balafirên Tirkiyê jî dema ku li wan didin, gelek ziyan dighên wan gundên Başûrê Kurdistanê, lewma ji nêzîkî 300 gundên Başûr bê xizmet û avedanî mane û ji ber şerê PKK û artêşa Tirkiyê xelkê Başûr dibin qurbanî.




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP