Kurdî  ■  كوردی  ■  عربي
WED, 24 JUL 2019 10:34 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Newroza we pîroz û bi xêr û xweşî be
| KDP.info


Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

Peyama Newrozê ya Serok Barzanî bi vî awayî ye:

“Bi navê xwedayê mezin û dilovan

Bi helkefta cejna netewy ya Newrozê û hatina biharê û nûbûna xweza û sirûştê germtirîn pîrozbahiyên xwe pêşkêşî hemwelatiyên xweşewîst ên Kurdistanê û malbatên serbilind ên şehîdan û Pêşmergeyên qehreman û hemû têkoşer û niştimanperwerên Kurdistanê dikim.

Newroz ji bo gelê Kurdistanê herdem mizgîniya destpêkeke nû û hêviyeke nû û serkeftinê bûye bi ser sitemkaran û dijwariyan de. Xelkê Kurdistanê di salên derbasbûyî de di şerê dijî terorîstan de û li hember zilma nehezan û kêşe û qeyran û guzeraniya xirab, xweragir bûne û ew xweragiriya wan cihê rêzê ye.

Bi boneya vê cejnê ji hemû alî û partiyan daxwaz dikim ku wek wefayek ji bo xwîna şehîdan û qehremaniya Pêşmerge û xweragiriya gelê Kurdistanê, pêşkeftin û parastina Kurdistanê ji xwe re bikin karên sereke.

Niha qonaxeke din di jiyana gelê Kurdistanê de heye û pêwîstiyên vê qonaxê wiha dixwazin ku berev binyatnana Kurdistaneke bihêz û geş gav bavêjin. Di rastiyê de jî daxwaza rastîn a hemû hemwelatiyên Kurdistanê ew e û pêwîst e rêz li vê îradeyê bê girtin. Ji ber ku ew azadî û destkeftên niha hene berhema xwîna şehîdan û xweragiriya xelkê Kurdistanê ne.

Bi vê helkeftê tekezî li ser parastina çanda pêkvejiyan û birayetî û tebayî ya di navbera pêkhateyên Kurdistanê de dikin û hêviya bihêzbûna vê çanda bi biha ya gelê Kurdistanê dixwazin.

Jibilî spasiyên min ên ji bo zehmet û keda hêzên polîs û asayişê ya di xizmetkirina xelkê û dabînkirina asayişê di cejin û helkeftan de, daxwazê ji hemû xelkê me yên xwoşewîst dikim ku; parastina jîngehê û xweşikiya welatê me erkê wan yê sereke be.

Hêvîdar im Newroza îsal bibe destpêkek ji bo bexteweriya hemû xelkê Kurdistanê û hêvî dikim vê Newrozê û hemû cejn din jî bi şadî û bexteweriyê pîroz bikin. Newroza we pîroz û bi xêr û xweşî be.

Mesûd Barzanî

12 Adara 2019”

 




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP