Kurdî  ■  كوردی  ■  عربي
WED, 24 JUL 2019 10:39 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin
| KDP.info


 

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

Di civînê de Serok Barzanî gotarek pêşkêşî amadebûyên civînê kir û behsa qurbanîdan û berxwedana devera Zumarê ya li hember êrîşên terorîstên DAIŞê û neyaran di salên derbasbûyî de kir û balkêşande ser girîngiya devera Zumarê di şerê dijî terorîstên DIŞIê de û ragihand ku kilîla têkbirina DAIŞê li Zumarê bû û têkçûna terorîstên DAIŞê li Zumarê destpê kir.

Serok Barzanî di berdewamiya gotara xwe de behsa çanda bihevre jiyanê li deverê de kir û anî ziman ku cêyê kêfxweşiyê ye ku terorîst û nehez nikarîn çanda bihevre jiyan li deverê tune bikin.

Seork Barzanî tekezî li ser vê yekê kir ku nabe nakokiyên siyasî li gel desthilat û hikûmet bibin sedema nakokiyên navbera netewe û pêkhateyên olî.

Di beşeke din ji gotara xwe de Serok Barzanî hevdem ligel balkêşandine ser metirsiya terorê tekezî li ser vê yekê kir ku çanda bihevrejiyanê baştirîn çeke bo ji nav birina hizira radîkal û terorê û lazime hizra radîlak û terorê were jinavibirin û li Kurdistanê de em weke mirov birayên hevin û cudatiya netewî û olî nebûye kêşe û nabe kêşe û şîrove kirina mirov jî li ser esasê piratîk û kiriyarên vî ne ne li ser esasê bîr û baweriyên vî.

Derbarê çarenivîsa deverên madeya 140 de jî Serok barzanî diyar kir ku eger destûr hatiba cîhbicîh kirin niha rewşa Îraqê gelek baştir dibû û got: “Pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.”

Di dirêjahiya civînê de Serok Barzanî behsa rewşa siyasî ya Iraqê û bûyerên piştî referandumê kir û diyar kir ku piştî hilbijartinên Iraqê rewşeke din ya nû çê bûye û tevahiya aliyan hewl didin daku fêde ji vê rewşa han ya nû bistînin bo cîhbicîh kirina pirensîbên biratî, bihevre jiyanê û nehêştina terorê.

Di beşeke din ya civînê de amadebûyên civînê nêrîn û pêşniyarên xwe bo çareser kirina kêşeyên heyî yên şêniyên deverê bo Serok Barzanî diyar kirin û Serok Barzanî jî bi liber çav girtina rewşa baş ya di navbera Hewlêr û Bexdayê de şîretên pêwîst bo çareserkirina wan kêşeyan li amadebûyan kir.




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP