Kurdî  ■  كوردی  ■  عربي
WED, 24 JUL 2019 10:40 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Biro: Guhertineke mezin li Rojavayê Kurdistanê çêdibe
| KDP.info


Rojavayê Kurdistanê-KDP.info- Berpirsê Pêwendiyên Derve yên ENKSê Îbrahîm Biro ragihand ku guhertineke mezin li Rojavayê Kurdistanê û li rojhilatê Ferat dê çêbibe û dê îdareyeke nû ava bibe.

Îbrahîm Biro ji malpera KDP.info re ragihand: “Amerîka hinekî vekişandina xwe ji Sûriyê paş dixe û nahêle rêjîma Sûriyê vegere rojhilatê Feratê, ji bo ku rêjîmê neçar bikin danûstandinên siyasî bike. Tê pêşbînîkirin ku şerekî giran li Idlib biqewime û Amerîka û Ewropa jî ew şer derkeve. Rûsya jî dê di wî şerî de beşdar bibe ji ber hêzên tundrew li wir hene. Lewma jî eger şer derkeve dê hejmareke mezin ji xelkê koçber bibin. Ji aliyê din ve jî nûnerê Amerîka kar dike ku bilez komîteya nivîsandina destûrê Sûriyê ava bibe û dest bi kar bike û herwiha Kongreya Cinêf jî dîsa civînên xwe bike.”

Biro wiha got: “Em wek ENKS ku beşek in ji şanda oposizyonê ya danûstandinan, em di hemû civîn û hevdîtinên derbarê destûrê Sûriyê de, em kar li ser mafê gelê Kurd li Sûriyê dikin. Ji bo Rojhilatê Feratê jî, em hewl didin ku rola Kurdan di danîna Navçeya Aram de sereke be. Amerîka jî soz daye Tirkiyê ku sînorên wê parastî be, lê hêj nexuya ye ku dê kî sînor biparêze. Tirkiye razî nabe ku PYD li ser sînor be û em jî dibêjin pêwîst e xelkê navçeyê bi xwe li wir bin û ne kesê biyanî bin û ti şer li ser sînor dernekeve. Em dibêjin ku divê îdare û parasineke nû bê avakirin û Pêşmergeyên Roj û pêkhateyên din navçeyê biparêzin û îdareya wê jî ji hemû pêkhateyan be.”

Îbrahîm Biro wiha domand: “Piraniya welatan dibînin ku ew pêşniyara me baş e, ku xelkê cih bi xwe rêveberiya Navçeya Aram bikin û biparêzin, ne xelkê biyanî, lê hêj rêkeftina dawî li ser wê navçeya aram nehatiye kirin, ji ber ku hêj PYD li wir e û PYD bi kesî re lihev nake û dixwazin her tişt di destê wan de be, lê guhertineke mezin dê çêbibe û PYD li ser sînor namîne û dê îdareyeke nû ava bibe, ji ber ku am nahêlin tişta ku Efrînê çêbû, dûbare bibe.”

 




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP