Kurdî  ■  كوردی  ■  عربي
THU, 21 MAR 2019 09:25 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî û Sedat Onal pêşxistina pêwendiyên Kurdistan û Tirkiyê gotûbêj kirin
| KDP.info


Hewlêr-KDP.info- Serokêwezîrê Herêma Kurdistanê, Nêçîrvan Barzanî di hevdîtinekê de li gel Cîgirê Wezîrê Derve yê Tirkiyê Sedat Onal û şandeya pê re ragihand, Herêma Kurdistanê ji bo pêşvebirina zêdetir a pêwendiyên bi Tirkiyê re, di hemû waran de û bi taybetî jî di warên aborî û bazirganî de amade ye.

Îro Serokwezîrê Herêma Kurdistanê, Nêçîrvan Barzanî pêşwazî li Cîgirê Wezîrê Derve yê Tirkiyê, Sedat Onal û şandeya pê re kir. Di hevdîtinê de peyvendiyên navbera Herêma Kurdistanê û Tirkiyê hatin gotûbêjkirin û herdu aliyan tekezî li ser pêşxistin û geşedana wan pêwendiyan di hemû waran de kirin.

Serokwezîrê Herêma Kurdistanê, Nêçîrvan Barzanî di civînê de spasiya serdana şandeya Tirkiyê bo Herêma Kurdistanê kir û ji ber erkê wî yê nû ku weke cîgirê wezîrê derve yê Tirkiyê dest bi kar bûye, hêviya serkevtinê ji Onal re xwest.

Nêçîrvan Barzanî ragihand, Herêma Kurdistanê berdewam dixwaze li gel cîranên xwe û bi taybet jî li gel Tirkiye, xwediyê peywendiyên baş be. Serokwezîr Barzanî herwiha amadebûna Herêma Kurdistanê ji bo pêşvebirina zêdetir a peywendiyan di hemû aliyan de û bi taybet jî di warên aborî û bazirganiyê de nîşan da.

Di beşeke din ê axavtina xwe de, Serokwezîrê Herêma Kurdistanê behsa peywendiyên navbera Hewlêr û Bexdayê kir ku vê dawiyê li gel Serokwezîrê Iraqê Adil Ebdulmehdî hewl hatine dayîn, ji bo ku çend pirsgirêkên Hewlêr û Bexdayê bêne çareserkirin.

Ji bo çareseriya pirsên din jî, Nêçîrvan Barzanî amadebûna Herêma Kurdistanê ya ji bo destpêkirina diylogên ciddî nîşan da û tekezî li ser giringiya rola welatên dost di vê derbarê de kir.

Cîgirê Wezîrê Derve yê Tirkiyê, Sedat Onal jî kêfxweşiya xwe li hember serdana bo Herêma Kurdistanê nîşan da û ji ber berbijêriya wî ji bo posta Serokê Herêma Kurdistanê, pîrozbayî li Nêçîrvan Barzanî kir.

Onal herwiha hêvî kir ku di demekî nêzîk de kabîneya nû ya Hikûmeta Herêma Kurdistanê pêk bê.

Di beşeke din a hevdîtinê de, Onal amaje bi pêwendiyên kevnar û dostane yên di navbera Herêma Kurdistanê û Tirkiyê de kir û amadebûna welatê xwe ji bo pêşxistina zêdetir a pêwendiyan di hemû waran de nîşan da.

Gotûbêjkirina rewşa siyasî ya navçeyê bi giştî û çend babetên girêdayî pêwendiyên dualî jî aliyeke din ê hevdîtinê bûn.

 




Nûçeyên din

Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 
PKK û artêşa Iraqê bûne bela serê Şingalê

TUESDAY, 19 MARCH 2019 18:03:48

Şingal-KDP.info- Îro careke din şer û pevçûn di navbera artêşa Iraqê û hêzên PKKê de li Şingalê derket. Berpirsê PDKê li wê navçeyê jî dibêje, ew hêz bûne bele ji xelkê Şingalê re û dibe ku bûyerên xerabtir jî biqewimin.

 


 
© 2018 Kurdistan Democratic Party, KDP