Kurdî  ■  كوردی  ■  عربي
THU, 21 MAR 2019 09:25 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

“Beljîka û Ewropa beşdarî avedankirina Kurdistanê dibin”
| KDP.info


Hewlêr-KDP.info- Abûriya Herêma Kurdistanê li hemberî pêşveçûneke berçav de ye û berpirsekî Yekîtiya Şandin û Anîna Kelûpelan dibêje, welatên Ewropa biryar dane ku şirketên xwe bişînin Herêma Kurdistanê û ji bo vê yekê jî şandeke girîng ji Beljîka dighê Hewlêrê.

Endamê Yekîtiya Şandin û Anîna Kelûpelan Geylan Hacî Seîd ragihand: “Qebareya şandin û anîna kelûpelan ber bi zêdebûn ve diçe. Bi taybetî jî piştî biryara Hikûmeta Herêma Kurdistanê bi nehiştina kêmkirina mûçeyê fermanberan. Em pêşbînî dikin ku tevgera bazirganî îsal bi şêweyekî berçav geşe bibe. Pêşketina abûrî îsal bi salên derbasbûyî re nayê ber hev.”

Hacî Seîd wiha got: “Hefteya borî tevger ket bazarê di hemû waran de. Biryara hikûmetê û nêzîkbûna avakirina hikûmeta nû rasterast bandoreke baş li ser jiyan û rewşa welatiyan kiriye.”

Geylan Hacî Seîd wiha domand: “Hejmareke berçav ji şirketên biyanî û bi taybetî jî yên Ewropî di dema borî de biryar dane ku bên Herêma Kurdistanê û di avedankirina Kurdistanê de beşdar bin û di sektora bazirganî de beşdar bin.”

Hacî Seîd ragihand: “Biryar e hefteya bê şandeke bazirganî ji Beljîka serdana Herêma Kurdistanê bike û ligel Hikûmeta Kurdistanê û bazirganan behsa pilanên xwe ji bo beşdariya Beljîka di sektora bazirganî û abûrî ya Herêma Kurdistanê de bikin, ku şandeke mezin a bazirganî ye û dê rola wan hebe di pêşxistina abûriya Herêma Kurdistanê de.”




Nûçeyên din

Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 
PKK û artêşa Iraqê bûne bela serê Şingalê

TUESDAY, 19 MARCH 2019 18:03:48

Şingal-KDP.info- Îro careke din şer û pevçûn di navbera artêşa Iraqê û hêzên PKKê de li Şingalê derket. Berpirsê PDKê li wê navçeyê jî dibêje, ew hêz bûne bele ji xelkê Şingalê re û dibe ku bûyerên xerabtir jî biqewimin.

 


 
© 2018 Kurdistan Democratic Party, KDP