Kurdî  ■  كوردی  ■  عربي
THU, 21 MAR 2019 09:26 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî ji Hevpeymanan daxwaza piştevaniya zêdetir bo Pêşmerge kir
| KDP.info


Hewlêr-KDP.info- Di civînekê de ligel şandeke leşkerî pilebilind ji Hevpeymaniya Navdewletî, Şêwirmendê Encûmena Asayişa Herêma Kurdistanê Mesrûr Barzanî berdewamiya piştevaniya Hevpeymanan ji hêza Pêşmerge re bi girîng nirxand.

Şêwirmendê Encûmena Asayişa Herêma Kurdistanê Mesrûr Barzanî îro Çarşema 13.3.2019 pêşwazî li şandeke leşkerî pilebilind a Hevpeymaniya Navdewletî ya di warê çaksazî û rahênankirin hêza Pêşmerge de kir û daxwaza piştevaniya zêdetir ji hêza Pêşmerge re kir.

Di hevdîtinê de, ji bilî nirxanidina dawî mîkanîzm û birêveçûna proseya çaksazî û rêkxistina Wezareta Pêşmerge, egerê serîhildana DAIŞê û tevgera wan hatin guftûgokirin.

Di wê derbarê de Mesrûr Barzanî spasiya hewlên Hevpeymanan kir û hêviya berdewamiyê xwast, bi taybet di warê çaksazî û rêkxistina Pêşmerge de.

Herwiha Mesrûr Barzanî ji bo rêgirtin li metirsî û gefên teroristan hevkariya hemû aliyan û amadekirina zemîneya libar ji bo asayîkirin û çareserkirina pirsgirêkên siyasî, îdarî û destûrî bi pêwîstî zanî.

Ji aliyê xwe ve, şanda mêvan ji bilî tekezkirina li hevkariya zêdetir ji hêza Pêşmerge re ji bo pêşveçûna proseya çaksazî û rêkxistina Wezareta Pêşmerge, piştevaniya xwe ji bo hevahengiya di navbera hêzên Pêşmerge û hêzên Iraqî de li tevahiya navçeyan ragihand.




Nûçeyên din

Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 
PKK û artêşa Iraqê bûne bela serê Şingalê

TUESDAY, 19 MARCH 2019 18:03:48

Şingal-KDP.info- Îro careke din şer û pevçûn di navbera artêşa Iraqê û hêzên PKKê de li Şingalê derket. Berpirsê PDKê li wê navçeyê jî dibêje, ew hêz bûne bele ji xelkê Şingalê re û dibe ku bûyerên xerabtir jî biqewimin.

 


 
© 2018 Kurdistan Democratic Party, KDP