Kurdî  ■  كوردی  ■  عربي
SAT, 25 MAY 2019 10:54 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Yazdê Adarê, destkefteke netewî û serkeftineke dîrokî
| KDP.info


Hewlêr-KDP.info- Di dîroka nû ya Kurdistanê de, roja 11ê Adarê bûyereke pir girîng tê de hatiye tomarkirin, ku bi “Rêkeftinameya 11ê Adara 1970ê” tê naskirin û di sedeya 20mîn de ew rêkeftiname bûye destkeft û serkeftineke netewî û dîrokî bû û herwiha rehendeke zindî ya yasayî û sitratekîj pir mezin tê de hat bidestxistin.Ew rêkeftin piştî nêzîkî 9 salan ji xebata dijwar a gelê me bidest hat. Ked û xebata Şoreşa Îlonê bi rêbertiya Barzaniyê Nemir û bi pêşrewiya PDK bû. Şoreş û rêber û rêbazek ku karîn bi xebata xwe, rêjîma wê demê ya Iraqê neçar bikin ku bo cara yekem û bi fermî hebûna Kurdan û beşek ji mafên wan nas bike.

Ew rêkeftin ji 15 xalan pêk hatibû. Piştî 2 salan ji gotûbêjan û di 10.3.1970 de, ew rêkeftin di navbera serkirdatiya şoreşa Kurdistanê û rêjîma Iraqê de hat îmzekirin. Roja 11.3.1970 li Bexda û ji aliyê Ehmed Hesen Bekir Serokmarê wê demê yê Iraqê ve û bi amadebûna nûnerên şoreşa Kurdistanê, ew rêkeftin hat xwendin.

Gelek mafên girîng yên netewî ji bo Kurdistanê bidest hatin

Di wê rêkeftinê de, serkirdatiya Şoreşa Îlonê karî çendîn mafên girîng û dîrokî û netewî bo Kurdistanê bidest bîne, ku ya girîng di nav wan de razîkirina rêjîma Iraqê bû ku bi fermî îtîrafê bi mafê otonomiyê bo gelê me û damezrandina deselata xweceyî bû ji bo Başûrê Kurdistanê, herwiha zimanê Kurdê jî bû zimanê sereke di xwendinê de li dibistanên Kurdistanê. Ew mafên Kurdistanê di bin bandor û daxwazên şoreşa Kurdistanê de, bidest hatin, ku yek ji hikûmetên dagîrker ji Kurdistanê re bi fermî ew maf dan gelê me.

Piştî rêkeftinê nûnerên Kurdistanê çûn hember deselat li Bexdayê, Pêşmerge hatin nava bajaran û proseya xwerêxistinê destpê kir, da ku hêzeke rêxistî û fermî erkê xwe li Kurdistanê berdewam bike, projeya avakirin û pêşxistina Kurdistanê destpê kir. Li piraniya wan pêşketin û geşekirin û pêşveçûn çêbû. Ew 4 salên piştî rêkeftinê, ku 1970 û heta 1974an bû, qonaxeke zêrîn a geşekirin û pêşkeftinê bûn. Ew rola ku PDKê dît di wê pêşkeftinê de, hemû bû ezmûneke îdarî û şaristanî bi berhem. Em dikarin bêjin ku pêşkeftina îro ya Kurdistanê berdewamiya wê pêşkeftinê ye.

Barzaniyê Nemir qet razî nedibû em dest ji Kerkûkê berdin

Serkirdatiya şoreşê bi rêjîma Iraqê re di gotûbêjan de bû bo cîbicîkirina naveroka Rêkeftinameya 11ê Adarê. Ew danûstandin 4 salan dirêj kirin. Yek ji xalên sereke yên rêkeftinê diyarkirina sînorê Kurdistanê bû. Mixabin rêjîma Iraqê beşek ji xalên rêkeftinê cîbicî nekir. Bi taybetî jî razî nebûn ku Kerkûk di sînorê otonomiya Kurdistanê de be. Lê serkirdatiya şoreşê û kesê Barzaniyê Nemir bi xwe jî qet razî nebûn ku wê daxwaz û armanca rêjîma Iraqê qebûl bikin û amade nebûn dest ji Kurdistanîbûna Kerkûkê berdin. Di encamê de, beriya ku sala 1974 bidawî bibe, rêjîma Iraqê dîsa dest bi şerê Kurdistanê û şoreşa wê kir, lê Pêşmerge û xelkê Kurdistanê jî bi ferman û di bin serkirdatiya Barzanî û PDKê de bi merdane ketin çeperên xwe de û bergîrî li Kurdistanê kirin, ew jî heta nêviya sala 1975 ku şerekî dijwar û mezin çêbû û Şoreşa Îlonê vê carê jî zext û guvaşeke mezin xist ser rêjîma Iraqê û kêm mabû ku ew hêza wan a xwedî gelek çek, bişkesta, lê rêjîma Iraqê xwe avêt Îran û welatên dagîrker û welatên navçeyê û cîhanê, wek hercar jî wan li dijî Kurdan destê xwe dan hev û dijatiya şoreşa Kudistanê a rewa û di encamê de roja 6.3.1975 di navbera Iraq û Îranê de û di bin siya welatên mezin ên ku li berjewendiya xwe digeriyan, li welatê Cezayir rêkeftineke reş û xiyanetkar li dijî Kurdan hat îmzekirin, ku wek “Rêkeftina Cezayir” tê naskirin. Bi vê yekê jî Rêkeftinameya 11ê Adarê bidawî bû. Dijminan karîn demeke kin şoreşa gelê me bisekinînin, lê nikarîn îradeya Kurdan ji xebatê dûr bixin.

Niha 49 sal bi ser wê rêkeftinameyê re derbas dibe. Tevî ku wê demê rêkeftinameya 11ê Adarê negihîşt encama xwe, lê bû bo dokomênteke yasayî û siyasî girîng ji bo mafên gelê me. Bû destkefteke dîrokî û sitratejîk û heta heta dê wek nexşeyeke erênî be ji bo maf û daxwazên neteweya me. Herwiha destkeftên me yên îro berhema wan ked û xebat û destkeftên wek Şoreşa Îlonê û 11ê Adarê ne.

 




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP