Kurdî  ■  كوردی  ■  عربي
SAT, 25 MAY 2019 10:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berdevkê PDKê: Em dixwazin hikûmeteke bihêz û gelek alî ava bikin
| KDP.info


Hewlêr-KDP.info- Berdevkê fermî yê PDKê aşkera kir ku, li bendê ne YNK xwe zelal bike ku guftûgoyên pêkanîna kabîneya nû ya hikûmeta herêma Kurdistanê bikin. Herwiha got jî: “Em dixwazin hikmeteke bihêz ava bikin ku gelek alî tê de beşdar bin.

Berdevkê fermî yê PDKê Mehmûd Mihemed di civînekî çapemeniyê ya piştî civîna encûmena rêveberiya PDKê de ragehand, di civînê de behsa rewşa herêma Kurdistanê û tevgera milmilaneya navnetewî ya li ser navçeyê û bandorên wê li ser herêma Kurdistanê û herwaha rêkeftina li gel YNKê û Gorran û pirsa pêkanîna kabîneya nû ya hikûmeta herêma Kurdistanê hatine gotûbêj kirin.

Derbarê sedemê rawestana gotûbêjan çend rojên borî de jî got: “Em li bendê ne ku hevalên YNKê xwe zelal bikin. Ji ber di gotûbêjên me de derket ku pêwîste serokatiya parlamentoyê bê temam kirin û ew namzed diyar bikin. Piştre karên pêwîstî bo yasaya serokatiya herêma Kurdistanê bê kirin. naha parlamento dixwaze lijneyên xwe ava bike. Pêwîst e endamên YNKê di civînê de beşdariyê bikin. Piştre bo erkdarkirina serokê kabîneya nû bê kirin.”

Herwaha tekez kir ku hewl didin di wan çend rojane de li gel YNKê û aliyên din bicivin. Û got: “Herçend biryar bû civînên xwe bikin û piştre me agahdar bikin jî, lê wisa dizanim ku hîn ne civiyane û dem jî pir derbas bû û zêde derbas kirina demê jî zererê dide proseyê.”

Mehmûd Mihemed got: “Bo babeta Bexdayê hewldanek cîdî heye ku rewş bê rêkxistin û rêkeftinek di navbera PDKê û YNKê de hebe bo vê babetê jî. Ev beşek bû li wan guftûgoyên serok Barzanî û Kosret Resûl. Herwaha babeta Kerkûkê jî hatiye behs kirin û dimîne li ser rêkeftinê.”




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP