Kurdî  ■  كوردی  ■  عربي
TUE, 20 AUG 2019 09:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Almanya: Rol û pêgeha Herêma Kurdistanê pir girîng e
| KDP.info


Hewlêr-KDP.info- Şêwirmendê Encumena Asayişa Herêma Kurdistanê Mesrûr Barzanî pêşwazî li balyozê Almanya li Iraqê kir û di wê hevdîtinê de balyozê Almanya got ku Herêma Kurdistanê xwedî rol û pêgeheke pir girîng e û welatê wî dê berdewam be li ser alîkariya Kurdistanê.

Îro Sêşema 5.2.2019 Mesrûr Barzanî li Hewlêrê pêşwazî li balyozê Almanya li Bexdayê, Cyrill Nunn û şanda pê re kir.

Di civînê de, ku konsûla Almanya li Hewlêrê jî amade bû, pêwendiyên Herêma Kurdistanê û Almanya û çend mijarên din hatin axaftin.

Şêwirmendê Encumena Asayişa Kurdistanê rola Almanya di piştevanîkirin û alîkarîkirina Herêma Kurdistanê de bi taybetî vekirina nexweşxaneyeka pêşketî bo Pêşmerge, girîng nirxand û tekestî li ser berfirehkirin û bihêzkirina pêwendiyên Hewlêr û Almanya kir.

Mesrûr Barzanî herwiha da xuyakirin, Herêma Kurdistanê di hemû waran de reforman dike û di vê mijarê de jî bi welatên xwedan ezmûn yên mîna Almanya re dişêwire û vê yekê jî lazim dibîne.

Balyozê Almanya jî behsa girîngiya rola Herêma Kurdistanê kir û piştevaniya xwe bo berfirehbûna pêwendiyên Kurdistan û Almanya di gelek waran de anî ziman.

Wî dîplomatê Almanî destnîşan kir ku dê Almanya li ser alîkarîkirin û piştevanîkirina Kurdistanê berdewam be û got, vekirina nexweşxaneya Pêşmerge beşek ji wezîfeyên welatê me li hember rol û mêrxasiya Pêşmerge bû.

Di beşeke din a civînê de behsa tirsa jînbûna terorê bi taybet DAIŞê hat kirin ji ber wê jî tekesî li ser hevkariya navbera Pêşmerge û artêşa Iraqê hat kirin. Di vir de Şêwirmendê Encumena Asayişa Kurdistanê daxwaz kir ku mekanîzmek were dîtin bo çareserkirina rewşa aloz ya deverên Kurdistanî yên li derveyî Herêma Kurdistanê bi taybet Kerkûkê.

Di dawiyê de behsa pêkanîna hikûmeta Kurdistanê û pêwendiyên partiyên siyasî yên Kurdistanê hat kirin.

 




Nûçeyên din

Serokatiya Herêma Kurdistanê teqîna terorîstî ya li Qamişlo şermezar kir

MONDAY, 19 AUGUST 2019 09:08:24

Hewlêr-KDP.info- Serokatiya Herêma Kurdistanê, teqîna îro ya li bajarê Qamişloyê yê Rojavayê Kurdistanê wek "teqîneke terorîstî" bi nav dike û vê teqînê bi tundî şermezar dike.

 
ENKS li ser Navçeya Aram bi Wezareta Derve ya Amerîka re dicive

SUNDAY, 18 AUGUST 2019 15:08:10

Mosko-KDP.info- Berpirsê Ofîsa Pêwendiyên Derve ya ENKSê Kamîran Haco dibêje, şandek ji ENKSê dê derbarê Navçeya Aram û rewşa Rojavayê Kurdistanê û Sûriyê ligel Wezareta Derve ya Amerîka bicive.

 
Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 
Serok Barzanî û Balyozê Yekîtiya Ewropa civiyan

SATURDAY, 17 AUGUST 2019 15:08:15

Hewlêr-KDP.info- Serok Mesûd Barzanî pêşwaziya Balyozê Yekîtiya Ewropa li Iraqê kir.



 
© 2018 Kurdistan Democratic Party, KDP