Kurdî  ■  كوردی  ■  عربي
TUE, 20 AUG 2019 09:13 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Balyozê Almanya: Serok Barzanî bo hemû gelê Kurd li Rojhilata Navîn cihê hêviyeke mezin e
| KDP.info


Hewlêr-KDP.info- Serok Barzanî pêşwazî Balyozê Almanya li Iraqê û Konsola Almanya li Hewlêr kir û nîgeraniyên xwe li ser paşaroja gelê Kurd li Sûriyê bi şanda Almanî ragihand. Balyozê Almanya jî got, Serok Barzanî bo hemû gelê Kurd li Rojhilata Navîn cihê hêviyeke mezin e.

Malpera fermî ya Serok Barzanî belav kir, roja sêşem 05.02.2019 li Selaheddîn Serok Mesûd Barzanî pêşwazî li şandeke Hikûmeta Almanya kir ku ji Cyrill Nunn Balyozê Almanya li Iraqê û Barbara Wolf Konsola Almanya li Hewlêr pêk hatibûn.

Di hevdîtinê de Balyozê Almanya li Iraqê bal kişand li ser peywendiyên di navbera welatê xwe û Iraq û Kurdistanê û da zanîn ku Almanya di warê hevkariya mirovî û vegerandina aramiyê li Iraqê de kar dike.

Herwiha jibilî balkişandinali ser pêgeha Herêma Kurdistanê û Serok Barzanî ya ji bo welatê xwe, diyar kir ku Serok Barzanî ji bo hemû gelê Kurd li navçeya Rojhilata Navîn cihê hêviyeke mezin e.

Her li vê civînê de rewşa siyasî ya Iraq û navçeyê û peywendiyên di navbera Herêm û Bexdayê hat nirxandin û herwiha ronahî xistin li ser pêşhatekên dawî û metirsiyên terorê û tundrewiya li ser asayîşa Iraq û navçeyê.

Di beşeke din a vê civînê de, di derbarê rewşa Sûriye û paşaroja Kurd li wî welatî de danûstandina bîr û ramanan kirin û Serok Barzanî nîgeraniyên xwe li ser paşaroja gelê Kurd li Sûriye bi şanda Almanî ragihand.

Di derbarê peywendiyên di navbera Hewlêr û Bexda Serok Barzanî jibilî balkişandina li ser wan keşûhewaya erênî ku di navbera her du aliyan de hatiye holê, tekez li ser rêkarên siyasî û aştiyane û diyalogê yên li ser çareserkirina peywendiyên Herêm û Bexda kir.

 




Nûçeyên din

Serokatiya Herêma Kurdistanê teqîna terorîstî ya li Qamişlo şermezar kir

MONDAY, 19 AUGUST 2019 09:08:24

Hewlêr-KDP.info- Serokatiya Herêma Kurdistanê, teqîna îro ya li bajarê Qamişloyê yê Rojavayê Kurdistanê wek "teqîneke terorîstî" bi nav dike û vê teqînê bi tundî şermezar dike.

 
ENKS li ser Navçeya Aram bi Wezareta Derve ya Amerîka re dicive

SUNDAY, 18 AUGUST 2019 15:08:10

Mosko-KDP.info- Berpirsê Ofîsa Pêwendiyên Derve ya ENKSê Kamîran Haco dibêje, şandek ji ENKSê dê derbarê Navçeya Aram û rewşa Rojavayê Kurdistanê û Sûriyê ligel Wezareta Derve ya Amerîka bicive.

 
Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 
Serok Barzanî û Balyozê Yekîtiya Ewropa civiyan

SATURDAY, 17 AUGUST 2019 15:08:15

Hewlêr-KDP.info- Serok Mesûd Barzanî pêşwaziya Balyozê Yekîtiya Ewropa li Iraqê kir.



 
© 2018 Kurdistan Democratic Party, KDP