Kurdî  ■  كوردی  ■  عربي
TUE, 20 AUG 2019 09:17 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Biro: Serok Barzanî got ku ewê alîkar be di danûstandinên “Navçeya Aram” de
| KDP.info


 

Hewlêr-KDP.info- Endamekî Kurd di Şanda Danûstandinkar a Opozisyona Sûriyê derbarê civîna xwe ya ligel Serok Barzanî li Hewlêrê dibêje, “Serok Barzanî ji me re got ku ewê alîkar be di danûstandinên “Navçeya Aram” de, ji bo ku çareseriya siyasî ji bo pêşeroja Sûriyê çêbibe.”

Duhî 2.2.2019 Serok Barzanî pêşwazî li şanda Desteya Danûstandinkar a Opozisyona Sûriyê kir, ku Serokê Desteyê Dr. Nesir Herîrî serokatiya wê şandê dikir û nûnerên ENKSê jî di wê şandê de cih digirtin.

Derbarê wê civîna ligel Serok Barzanî, endamê şanda Desteya Danûstandinkar a Opozisyona Sûriyê Îbrhîm Biro ku ew jî di civînê de amade bû, ji malpera KDP.info re ragihand: “Piştî ku şanda Desteya Danûstandinkar a Opozisyona Sûriyê di dema derbasbûyî de serdana hejmarek mezin ji paytextên welatên herêmê û navdewletî kir, me xwest ku em serdana Hewlêrê jî bikin û ligel Serok Barzanî bicivin. Di wê civînê de, di serî de me spasiya cenabê Serok Barzanî kir ji ber ku ew piştevanê me bûye û ji ber ku Herêma Kurdistanê pêşwazî li hejmareke mezin ji penaberên Sûriyê kiriye.”

Îbrahîm Biro wiha got: “Herwiha me daxwaz ji Serok Barzanî kir ku rola wî hebe di çareserkirina kirîza Sûriyê de, nexasim ku niha Amerîka biryar daye ku hêzên xwe ji Sûriyê vekşîbe. Em axivin ku çawa wm karibin ligel welatên navdewletî û herîmî kar bikin û rola Serok Barzanî di çareserkirina kirîza Sûriyê de hebe, da ku şer bidawî were û em karibin di vê qonaxê de alîkarê hev bin heta ku aramî li herêmê pêk were.”

Biro wiha domand: “Di civînê de, me danûstandinên siyasî yên ji bo pêşeroja Sûriyê gotbêjkirin û Serok Barzanî ji me re got ku ewê alîkar be di danûstandinên navçeya aram de, ji bo ku çareseriya siyasî ji bo pêşeroja Sûriyê çêbibe.”

Îbrahîm Biro wiha dibêje: “Îro Iraq û Herêma Kurdistanê û Tirkiye rasterast bi rewşa Sûriyê ve girêdayî ne, û ew navçeya ku hêzên Amerîka dê jê derkevin di sînorê Herêma Kurdistanê û Tirkiyê de ye, lewma jî divê ligel welatên mezin rola wan jî hebe. Em dibînin ku Herêma Kurdistanê dê roleke sereke bibîne di alîkariya xelkê Sûriyê de, bi taybetî jî li navçeya rojhilatê Furatê de, da ku şer û zehmetî li wir nebe.”

Amerîka dixwaze li bakurê Sûriyê “Navçeya Aram”ava bike.




Nûçeyên din

Hikûmeta Kurdistanê bang li Tirkiye û PKKê dike: Êdî ziyanê neghînin xelkê me

TUESDAY, 20 AUGUST 2019 09:08:27

Hewlêr-KDP.info- Hikûmeta Herêma Kurdistanê bi daxuyaniyekê bang li Hikûmeta Tirkiyê û PKKê kir ku nebin sedema ziyangihandina welatiyên Herêma Kurdistanê.

 
Serokatiya Herêma Kurdistanê teqîna terorîstî ya li Qamişlo şermezar kir

MONDAY, 19 AUGUST 2019 09:08:24

Hewlêr-KDP.info- Serokatiya Herêma Kurdistanê, teqîna îro ya li bajarê Qamişloyê yê Rojavayê Kurdistanê wek "teqîneke terorîstî" bi nav dike û vê teqînê bi tundî şermezar dike.

 
ENKS li ser Navçeya Aram bi Wezareta Derve ya Amerîka re dicive

SUNDAY, 18 AUGUST 2019 15:08:10

Mosko-KDP.info- Berpirsê Ofîsa Pêwendiyên Derve ya ENKSê Kamîran Haco dibêje, şandek ji ENKSê dê derbarê Navçeya Aram û rewşa Rojavayê Kurdistanê û Sûriyê ligel Wezareta Derve ya Amerîka bicive.

 
Hêzên Iraqê nikarin Xaneqîn biparêzin û DAIŞ bi eşkere êrîş dike

SATURDAY, 17 AUGUST 2019 15:08:42

Xaneqîn-KDP.info- Berpirsê Şaxa 15 ya PDK li Xaneqîn Şêx Ceifer Şêx Mistefa dibêje, tevgera DAIŞê li sînorên Xaneqîn pir zêde bûye û niha bi eşkere êrîş dikin û hêzên Iraqê niharin navçeyê biparêzin û ditirsin.

 
Şandek ji Wezareta Pêşmerge ji bo mûçeyê Pêşmerge diçe Bexdayê

SATURDAY, 17 AUGUST 2019 15:08:56

Hewlêr-KDP.info- Biryar e di çend rojên bê de şandeke pilebilind ji Wezareta Pêşmerge serdana Bexdayê bike ji bo gotûbêjkirina pere û mûçeyên Pêşmerge û ji bo gotûbêjkirina tevgera DAIŞê li navçeyên Kurdistanî yên madeya 140.

 


 
© 2018 Kurdistan Democratic Party, KDP