Kurdî  ■  كوردی  ■  عربي
SUN, 17 FEB 2019 19:47 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî û Yekîtiya Ewropa li ser pirsa gelê Kurd li Sûriyê axivîn
| KDP.info


Hewlêr-KDP.info- Serok Mesûd Barzanî pêşwazî li şandeke Ewropî kir û nîgeraniyên xwe yên di derbarê paşaroja Kurdan li Sûriyê nîşan da, û nêrîn û pêşniyarên xwe di derbarê çawaniya çareserkirina pirsgirêkên gelê Kurd li Sûriyê û pêşhatên nû de, eşkere kir.

Îro Çarşema 30.01.2019 li Selaheddîn Serok Mesûd Barzanî pêşwaziya şandeke Yekîtiya Ewrupa kir ku ji Jean-Christophe Belliard Cîgirê Emîndarê Giştiyê Yekîtiya Ewrupa yê Karubarê Siyasî û Ramon Blecua Balyozê Yekîtiya Ewrupa li Iraqê û Clarisse Pasztory Berpirsê Nivîsîngeha Yekîtiya Ewrupa li Hewlêrê pêkhatibûn.

Di hevdîtinê de rewşa siyasî ya navçeyê û pêwendiyên di navbera Hewlêr û Bexda de û herwiha proseya siyasî ya Herêma Kurdistanê gotûbêj kirin û Cîgirê Emîndarê Giştiyê Yekîtiya Ewrupa yê Karubarê Siyasî ji bilî balkişandina li ser rol û pêgeha Serok Barzanî ya li proseya siyasiya Iraqê, wê yekê xisterû ku keşêkî erênî li navbera Hewlêr û Bexda de hatiye holê û ji bo Yekîtiya Ewrupa aramiya Herêma Kurdistanê û baştirbûna pêwendiyên wan yên li gel Bexda gelek girîng e.

Di derbarê hilbijartinan û proseya siyasî ya Herêma Kurdistanê de Cîgirê Emîndarê Giştiyê Yekîtiya Ewrupa yê Karubarê Siyasî ragihand ku Herêma Kurdistanê li ser rêyeke rast û dirust pêngavan diavêje û hêvî xwest ku Herêma Kurdistanê bibe mînakek ji bo cihên din ê navçeya Rojhilata Navîn. Tekez jî li wê yekê kir ku Yekîtiya Ewrupa amade ye ji bo alîkarî û hevkarî û şêwiran û pêdana rawêjê bi Herêma Kurdistanê di warên kargêrî û çaksazî û darayî de.

Gefên terorê li ser asayîşa navçeyê mijareke din a vê hevdîtinê bû û Serok Barzanî jibilî ku behsa qurbanîdana xelkê Kurdistanê du şerê terorê de kir, got ku yên ku bi qehremanî û cangorî efsaneya DAIŞê şikand, Hêzên Pêşmerge bûn. Herwiha ragihand ku DAIŞ bi rûyê serbazî ve hatiye şikestin lê belê metirsiyên wê yên li Iraq û Sûriyê her mane.

Di beşeke din a vê hevdîtinê de rewşa Sûriyê û paşaroja gelê Kurd li wî welatî hat gotûbêjkirin û Serok Barzanî nîgeraniyên xwe yên di derbarê paşaroja Kurd li wir nîşan da, û herwiha nêrîn û pêşniyarên di derbarê çawayiya çareserkirina kêşeyên gelê Kurd li Sûriyê û pêşhatên nû, ji şanda mêvan re eşkere kir.




Nûçeyên din

Kurdistan û Îmarat dixwazin pêwendiyên xwe bihêztir bikin

SUNDAY, 17 FEBRUARY 2019 15:02:00

Almanya-KDP.info- Di duyemîn roja Kongreya Munich a Asayişê de Mesrûr Barzanî û Wezîrê Dewletê yê ji bo Karûbarê Derve yê Îmarat Enwer Qerqaş civiyan û herdû aliyan tekez kir ku ew dixwazin pêwendiyên xwe bihêztir bikin.

 
Wezîra Almanya: Kurdistaneke bihêz girîng e

SUNDAY, 17 FEBRUARY 2019 13:02:03

Almanya-KDP.info- Mesrûr Barzanî û Wezîra Bergîriyê ya Almanya li Munichê civiyan û di wê hevdîtinê de wezîra Almanî got ku welatê wê dê berdewam be li ser alîkarî û piştevaniya Hêzên Pêşmerge.

 
Mesrûr Barzanî: Rewşa Kurdên Rojava yek ji mijarên civînan bû

SUNDAY, 17 FEBRUARY 2019 13:02:36

Munich-KDP.info- Şêwirmendê Encûmena Asayişa Herêma Kurdistanê Mesrûr Barzanî li Munichê ragihand ku, dixwazin hevkarî û piştgîriya navdewletî ya zêdetir ji Herêma Kurdistanê re peyda bikin. Herwiha got jî ku rewşa Kurdên Sûriyê û metirsiyên serhildana DAIŞê mijarên civînên wî bûn ligel berpirsên welatan.

 
Mesrûr Barzanî û Wezîrê Bergîriyê yê Tirkiyê rewşa navçeyê gotûbêj kirin

SATURDAY, 16 FEBRUARY 2019 18:02:50

Munich-KDP.info- Mesrûr Barzanî û Wezîrê Bergîriyê yê Tirkiyê civiyan û di wê civînê de herdû aliyan behsa rewşa navçeyê û pêwendiyên Herêma Kurdistanê û Tirkiyê kirin.

 
Mesrûr Barzanî û Wezîrê Bergîriyê yê Brîtanya: Divê mafê Kurdan li Sûriyê parastî be

SATURDAY, 16 FEBRUARY 2019 17:02:40

Munich-KDP.info- Mesrûr Barzanî û Wezîrê Bergîriyê yê Brîtanya civiyan û di wê civînê de herdû alî hevnêrîn bûn ku pêwîst e mafê pêkhateyan di pêşeroja Sûriyê de parastî be, di nav wan de jî mafê gelê Kurd.

 


 
© 2018 Kurdistan Democratic Party, KDP