Kurdî  ■  كوردی  ■  عربي
TUE, 26 MAR 2019 06:11 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

“Amerîka dest ji dostên xwe bernade..Têkeliyên wê bi Kurdistanê re bihêztir dike”
| KDP.info


Hewlêr-KDP.info- Berpirsê Pêwendiyên Derve yên PDKê Hoşyar Sîweylî serdana Wezîrê Derve yê Amerîka Mike Pompeo bo Herêma Kurdistanê û civîna wî ligel Serok Barzanî nîşan dide ku çiqasî Serok Barzanî li Iraq û Herêma Kurdistanê lêvegerek e.

Duhî Çarşema 9.1.2019 Mike Pompeo serdana Herêma Kurdistanê kir û ligel Serok Barzanî civiya. Derbarê wê serdanê Hoşyar Sîweylî ji malpera KDP.info re ragihand: “Amerîka giringiyê bi dostê xwe dide. Amerîka dixwaze bêje ku ewê li Rojhilata Navîn bimînin û dest ji dostên xwe bernadin. Herwiha giringiya wê serdanê di wê yekê de ye ku pêbend e bi hevpeymanî û dostayetiya xwe ligel Herêma Kurdistanê.”

Derbarê civîna Mike Pompeo ligel Serok Barzanî, Hoşyar Sîweylî wiha got: “Ew civîna ligel Serok Barzanî nîşan dide ku Serok Barzanî lêvegerek e li Herêma Kurdistanê û Iraqê. Herwiha nîşan dide ku Serok Barzanî di her cihekî de be, xwedî pêgeheke taybet e.”

Sîweylî wiha domand: “Helwesta Amerîka li hemberî Kurdan piştrast dike ku ew welat dostê Kurdistanê ye û bi hemû şêweyekî hevkariya Kurdistanê dike. Herwiha Amerîka bi vekirina konsulxaneyeke mezin li Hewlêrê nîşan dide ku ew dixwazin li vir bimînin û pêwendî û têkeliyên xwe bihêztir bike û dê ev yek nêzîk bê dîtin ku çawa Amerîka dê têkeliyên xwe ligel Kurdistanê zêdetir pêşve bibe.”

 




Nûçeyên din

Berdevkê PDKê: Emê hikûmeteke bihêz ji bo xizmeta Kurdistanê ava bikin

SUNDAY, 24 MARCH 2019 20:03:11

Hewlêr-KDP.info- Berdevkê PDKê û Endamê Polîtbûroya PDKê Mehmûd Mihemed di civînekê de ligel şandeke Amerîka ragihand ku ewê hikûmeteke bihêz ji bo xizmeta xelkê Kurdistanê û Herêma Kurdistanê ava bikin.

 
Balafirên Tirkiyê li devera Bradost dan

SUNDAY, 24 MARCH 2019 18:03:50

Sîdekan-KDP.info- Îro danê sibehê careke din balafirên Tirkiyê li devera Bradost a ser bi bajerokê Sîdekanê dan û muxtarekî navçeyê jî dibêje, di encama bombebarana balafirên Tirkiyê de ziyaneke madî mezin gihştiye navçeyê.

 
PDK û YNK: Me gavên baş ji bo avakirina hikûmetê avêtin

SUNDAY, 24 MARCH 2019 17:03:21

Hewlêr-KDP.info- Îro şanda Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) li Pîrmamê ya ser bi Hewlêrê ve civiyan û pêkanîna kabîneya nû ya Hikûmeta Herêma Kurdistanê guftûgo kir.

 
Di ava Mûsilê de 100 kes mirin û 103 jî winda ne..Beşek ji wan Kurd in

SATURDAY, 23 MARCH 2019 17:03:24

Mûsil-KDP.info- Roja 21ê Adarî belemeke geştiyarî di ava çemê Dîcle de binav bû û li gorî amarên dawî, heta niha termê 100 kesî hatiye dîtin û 103 kes jî di nava avê de winda ne û hêj termê wan nehatiye dîtin.

Ji ber PKK balafirên Tirkiyê li gundekî Xristiyanan dan

SATURDAY, 23 MARCH 2019 16:03:14

Zaxo-KDP.info- Careke din balafirên şer ên Tirkiyê li devera Zaxo dan. Rêvebirê Nahyeya Derkarê ya ser bi Zaxo ve jî dibêje, balafiran gelek ziyan gihandin wî gundê ku lê dane.



 
© 2018 Kurdistan Democratic Party, KDP