Kurdî  ■  كوردی  ■  عربي
TUE, 19 MAR 2019 13:46 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî rênmayî û şîretên pêwîst da şanda ENKSê
| KDP.info


Hewlêr-KDP.info- Serok Mesûd Barzanî ligel şanda serkirdayetiya ENKSê civiya û di civînê de derbarê pêşhatên dawî de, Serok Barzanî rênmayî û şîret da şanda ENKSê.

Serok Barzanî îro Pêncşema 10.1.2019 pêşwazî li şanda Serkirdayetiya Encûmena Niştimanî ya Kurd li Sûriyê (ENKS) kir.

Di hevdîtinê de rewşa siyasî, pêşhatên dawî yên li Sûriyê û guhertinên hevkêşeyên li ser erdê yên Sûriyê hatin nirxandin û şanda mêhvan bi kurtî di derbarê rewşa welatiyên Kurd li Sûriyê û dilgiraniyên wan yên li ser paşaroja Kurd di wî welatî de, gihand Serok Barzanî.

Di beşeke din a vê civînê de, şanda ENKSê sipasa Serok Barzanî kir ku herdem piştevan û xemxwirê gelê Kurd li Sûriye bûye. Herwiha pesnê helwesta vê dawiyê ya Serok Barzanî dan, ku di derbarê çarenivîsa gelê Kurd li Sûriyê de dilgiraniya xwe nîşan dabû.

Şanda ENKSê daxwaz jî kir ku Serok Barzanî deng û zilma li ser gelê Kurd bigihîne navendên dîplomasî û navdewletî.

Her di vê civînê de, Serok Barzanî di derbarê çawayiya karpêkirina ligel pêşhatên nû û parastina gelê Kurd li Sûriyê rênmayî û şîretên pêwîst li şanda mêhvan kir.




Nûçeyên din

Qaymeqamê Şingalê: Heta PKK û Heşda Şeibî li Şingalê bin dê aramî nebe

MONDAY, 18 MARCH 2019 17:03:02

Şingal-KDP.info- Qaymeqamê Şingalê behsa şerê duhî di navbera artêşa Iraqê û PKK li Şingalê dike û dibêje, hêzên PKK rojane li ser sînorê di navbera Sûriye û Iraqê çûn û hatinê dikin û heta PKK û Heşda Şeibî li Şingalê bin dê qet rewş li wir aram nebe.

 
Biro: Guhertineke mezin li Rojavayê Kurdistanê çêdibe

SUNDAY, 17 MARCH 2019 20:03:49

Rojavayê Kurdistanê-KDP.info- Berpirsê Pêwendiyên Derve yên ENKSê Îbrahîm Biro ragihand ku guhertineke mezin li Rojavayê Kurdistanê û li rojhilatê Ferat dê çêbibe û dê îdareyeke nû ava bibe.

 
Nêçîrvan Barzanî: Emê sektora geştyariyê bikin çavkaniyek baş a abûriya Kurdistanê

SUNDAY, 17 MARCH 2019 15:03:12

Hewlêr-KDP.info- Serokwezîrê Herêma Kurdistanê Nêçîrvan Barzanî piştî vekirina Pêşangeha Rojhilata Navîn a ji bo Geştûguzariyê li Hewlêrê (METEX) gotarek pêşkêş kir û ragihand: “Pêşxistina sektora geştyariyê yek ji armancên sereke yên hikûmetê ye û emê geştyariyê bikin çavkanî ji dahata Kurdistanê re.”

 
Serok Barzanî: Divê mirovatî bi şermî li hember Helebce raweste

SATURDAY, 16 MARCH 2019 15:03:47

Hewlêr-KDP.info- Bi boneya derbasbûna 31 salan di ser kîmyabarana Helebce, Serok Barzanî radigihîne, divê mirovayetî bi şermî li hember Helebce raweste.

 
Hikûmeta Kurdistanê daxwaz ji Iraqê dike ku Helebçe qerebû bike

SATURDAY, 16 MARCH 2019 15:03:30

Hewlêr-KDP.info- Encûmena Wezîran a Herêma Kurdistanê di 31emîn salvegera kîmyabarana Helebçe de peyamek belav kir û daxwaz dike ku hikûmeta Iraqê, ji aliyê madî û menewî ve Helebeçeyê qerebû bike.

 


 
© 2018 Kurdistan Democratic Party, KDP