Kurdî  ■  كوردی  ■  عربي
TUE, 19 MAR 2019 13:45 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî bo Wezîrê Derve yê Amerîka: Em ber rewşa Rojavayê Kurdistanê dilgiran in
| KDP.info


Hewlêr-KDP.info- Mesrûr Barzanî û Wezîrê Derve yê Amerîka Mike Pompeo civiyan û di wê hevdîtinê de Mesrûr Barzanî ji bo qonaxa li piştî DAIŞê daxwaza rêkeftineke sitratejîk nû ji Amerîka kir. Mesrûr Barzanî behsa pêşhatên dawî yên Rojavayê Kurdistanê jî kir û got: “Em ji ber rewşa Rojavayê Kurdistanê dilgiran in.”

Îro Çarşema 9.1.2019 Şêwirmendê Encûmena Asayişa Herêma Kurdistanê Mesrûr Barzanî ligel Wezîrê Derve yê Amerîkayê Mike Pompeo û şanda pê re civiya.

Di civînê de pêşhatên dawî yên deverê, bihêztirkirina têkiliyên dualî yên di navbera Kurdistan û Amerîkayê de, proseya siyasî ya li Iraqê û herwiha rêya pêşdebirina hevahengiya navbera herdu aliyan, ji bo pêşîgirtina li dubareserhildana gefa terorê, hatin gotûbêjkirin.

Di berdewamiya civînê de Mesrûr Barzanî hevahengî û hevkariyên di navbera Amerîka û Kurdistanê de yên di şerê dijî terorê de bi ezmûneke serkeftî wesif kir.

Mesrûr Barzanî behsa rêkeftina jihevfêmkirinê ya Amerîka û Kurdistanê ku beriya niha ji bo şerê li dijî DAIŞê hatibû îmzekirin, kir û daxwaza Kurdistanê bi îmzekirina rêkeftineke din jihevfêmkirinê bo pêvajoyên piştî DAIŞê, di navbera Kurdistan û Amerîkayê de, nîşan da û got ku pêwîst e ev rêkeftina han warên hevkariyên teknîkî, reformên abûrî û ewlekarî lixwe bigire.

Mesrûr Barzanî di beşeke din ji axaftinên xwe de behsa pêvajoya nû ya têkiliyên navbera Hewlêr û Bexdayê kir û anî ziman ku destûr bingeh û çavkaniya yekane ya çareseriya tevahiya kêşeyan e.

Derbarê rewşa Rojavayê Kurdistanê de jî Mesrûr Barzanî dilgiraniya xwe anî ziman û hêviya wê yekê xwest ku bi çareseriya aştiyane tevahiya eger û metirsiyên şerê wêranker, werin jinavbirin.

Di berdewamiya civînê de Wezîrê Derve yê Amerîkayê Mike Pompeo jî tekezî li ser berfiretirkirin û bihêztirkirina têkiyên navbera Amerîka, Kurdistan û Iraqê kir û pêbendbûna Amerîkayê jî ya ji bo parastina ewlehiya deverê diyar kir.

Pompeo rola Kurdistanê di şerê dijî terorîstan de bi roleke bi bandor wesif kir û xwesteka welatê xwe ya bo hevahengiya dualî ya bi mebesta pêşîgirtin ji serîhildana metirsiyên teroroê li deverê diyar kir.

Pempeo herwiha kêfxweşiya xwe ya li hember pêşveçûnên heyî yên di têkiliyên navbera Hewlêr û Bexdayê de diyar kir û hêviya wê yekê xwest ku bilez derfeteke baş bo qonaxên avedankirin û pêşdebirina seranserî were afirandin.

Wezîrê Derve yê Amerîka herwiha hêviya serkeftinê jî ji bo Mesrûr Barzanî di serokatîkirina kabîneya nû ya hikûmeta Kurdistanê de xwest û amadebûna welatê xwe jî bo bihêztir û berfirehtirkirina têkilî û hevkarî û piştgîrîkirina zêdetir ya Kurdistanê diyar kir.




Nûçeyên din

Qaymeqamê Şingalê: Heta PKK û Heşda Şeibî li Şingalê bin dê aramî nebe

MONDAY, 18 MARCH 2019 17:03:02

Şingal-KDP.info- Qaymeqamê Şingalê behsa şerê duhî di navbera artêşa Iraqê û PKK li Şingalê dike û dibêje, hêzên PKK rojane li ser sînorê di navbera Sûriye û Iraqê çûn û hatinê dikin û heta PKK û Heşda Şeibî li Şingalê bin dê qet rewş li wir aram nebe.

 
Biro: Guhertineke mezin li Rojavayê Kurdistanê çêdibe

SUNDAY, 17 MARCH 2019 20:03:49

Rojavayê Kurdistanê-KDP.info- Berpirsê Pêwendiyên Derve yên ENKSê Îbrahîm Biro ragihand ku guhertineke mezin li Rojavayê Kurdistanê û li rojhilatê Ferat dê çêbibe û dê îdareyeke nû ava bibe.

 
Nêçîrvan Barzanî: Emê sektora geştyariyê bikin çavkaniyek baş a abûriya Kurdistanê

SUNDAY, 17 MARCH 2019 15:03:12

Hewlêr-KDP.info- Serokwezîrê Herêma Kurdistanê Nêçîrvan Barzanî piştî vekirina Pêşangeha Rojhilata Navîn a ji bo Geştûguzariyê li Hewlêrê (METEX) gotarek pêşkêş kir û ragihand: “Pêşxistina sektora geştyariyê yek ji armancên sereke yên hikûmetê ye û emê geştyariyê bikin çavkanî ji dahata Kurdistanê re.”

 
Serok Barzanî: Divê mirovatî bi şermî li hember Helebce raweste

SATURDAY, 16 MARCH 2019 15:03:47

Hewlêr-KDP.info- Bi boneya derbasbûna 31 salan di ser kîmyabarana Helebce, Serok Barzanî radigihîne, divê mirovayetî bi şermî li hember Helebce raweste.

 
Hikûmeta Kurdistanê daxwaz ji Iraqê dike ku Helebçe qerebû bike

SATURDAY, 16 MARCH 2019 15:03:30

Hewlêr-KDP.info- Encûmena Wezîran a Herêma Kurdistanê di 31emîn salvegera kîmyabarana Helebçe de peyamek belav kir û daxwaz dike ku hikûmeta Iraqê, ji aliyê madî û menewî ve Helebeçeyê qerebû bike.

 


 
© 2018 Kurdistan Democratic Party, KDP