Kurdî  ■  كوردی  ■  عربي
WED, 24 JUL 2019 10:36 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Em hewl ji bo hikûmeteke niştimanî û bihêz didin
| KDP.info


Hewlêr-KDP.info- Di hevdîtina xwe de ligel Konsulê Komara Çîk, Berpirsê Ofîsa Pêwendiyên Derve yên PDKê Hoşyara Sîweylî ragihand ku ew niha hewl didin ji bo avakirina hikûmeteke niştimanî û bihêz li Herêma Kurdistanê.

Di wê hevdîtinê de, Hoşyar Sîweylî sipasiya gel û hikûmeta Çîk kir li ser piştgîrî û hevkariya wan a ku pêşkêşî gel û Hikûmeta Herêma Kurdistanê kirine.

Sîweyîlî pêwendiyên di navbera Kurdistan û Çîk de bilind nirxand û wek pêweniyeke bihêz û dîrokî binav kir. Herwiha got ku pêwîst e hemû alî pêkve hevkar bin û hevaheng bin ji bo şikandin û lawazkirina wî dijminê hevbeş ku rêxistinên tundrew in, ku ew yek jî tenê bi rêya leşkerî pêk nayê, lê belê pêwîstî bi bernameyeke hevbeş û demdirêj heye.

Derbarê pêwendiyên Hewlêr û Bexda jî, Hoşyar Sîweylî got ku pir girîng e hikûmeta nû ya Iraqê şaşîtiyên hikûmetên berê xwe dûbare neke û deselat hizra xwe bughere û dest ji piştgukirina pêkhateyan berde û destûrê Iraqê bibe bingeha kar.

Derbarê avakirina hikûmeta nû ya Kurdistanê jî, wî berpirsê PDKê ragihand: “Danûstandin berdewam in û PDK hewl dide ji bo avakirina hikûmeteke niştimanî û bihêz ku bikaribe parastina berjewendiyên gelê Kurdistanê biparêze û aramî û pêşxistina abûrî berdewam bike û baştirîn xizmetguzarî pêşkêşî Kurdistanê bike, ku ew jî erkê sereke yê hikûmetê ye.

Ji aliyê xwe ve, Konsulê Komara Çîk li Herêma Kurdistanê Mîxal Svoboda behsa kar û bernameyên welatê xwe kir, ku ew dixwazin pêwendiyên xwe yên perwerde, abûrî, kiltûrî, bazirganî û leşkerî ligel Herêma Kurdistanê bihêztir bikin.

Herwiha amaje bi vekirina şaxekê ji Zanîngeha Ostrava li bajarê Hewlêrê kir û got ku ew pêngav ji bo bihêzkirina pêwendiyên Kurdistan û Çîk in di warê perwerdeyê de.




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP