Kurdî  ■  كوردی  ■  عربي
WED, 24 JUL 2019 10:26 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hikûmeta Kurdistanê bersiva HRW da: Me zarokên DAIŞê îşkence nekirine
| KDP.info


Hewlêr-KDP.info- Hikûmeta Herêma Kurdistanê bersiva raporta HRW da û tohmetên wê rêxistina çavdêriya mafên mirovan red kir, ku Herêma Kurdistanê bi wê yekê tohmetbar kiriye, ku zarokên zindanî yên DAIŞî îşkence dike. Hikûmeta Herêma Kurdistanê dibêje, bi ti awayekê rêxistina navbirî serdana wî cihî nekiriye û tohmetbar û kesên daxwazkirî li gor yasaya bingehên darizandina sizayî serederî li gel wan tê kirin.

Îro Sêşembî 8ê Kanûna 2019, Rêxistina Çavêdriya Mafên Mirovan di raportekê de Hikûmeta Herêma Kurdistanê bi wê yekê tohmetbar kir, ku zarokên zindanî yên DAIŞî îşkence dike û û ragihandiye, îşkencekirina wan zarokan ji bo wê yekê tê kirin, ku îtirafê bi pêwendiya xwe li gel DAIŞê bikin.

Rêkxerê Raspardeyên Navdewletî li Hikûmeta Herêma Kurdistanê, Dr. Dîndar Zêbarî ew raporta HRW û tohmetbarkirina Hikûmeta Herêma Kurdistanê red kir û ragihand, “bi ti awayekê rêxistina navbirî (HRW) serdana wî cihî nekiriye, herwiha ti kesek bêyî biryara dadgehê nayê destgîrkirin bi ti tohmetekê û piştî destgîrkirinê jî tohmetbar û daxwazkirî li gor yasaya bingehên darizrandina sizayî serederî li gel wan tê kirin, di heman demê de tohmetbar mafê wê yekê heye, ku parêzerekê amade bie, lê belê eger nekarî, wê demê pêwîst e dadgeh parêzer jê re dabîn bike û kesûkarên wî agahdar bike, ku kesê navbirî hatiye girtin, paşê dosye ji dadgeha taybetmend re tê şandin, bo yekalîkirina wê li gor yasayê.”

Dîndar Zêbarî herwiha dibêje: “Ew kesên ku temenê wan ji 18 sal kêmtir e û guman li wan tê kirin, ku pêştir pêwendiya wan bi DAIŞê hebûbe, weke qurbaniyê destê DAIŞê serederî li gel tê kirin, ne weke tawanbar û bi şêweyekê asayî û ji aliyê mirovî ve aliyên pêwendîdar serederiyê li gel dikin, weke hemû zarokên veguhastî, bi berçavgirtina rewşa wan a taybet.”

Li gor yasayê, îşkencedana tohmetbaran û kesên cezakirî bi şêweyekê giştî bo wergirtina îtîraf û zanyariyan bi tawan tê zanîn, li gor madeya 333 a yasaya sizadana Iraqî ya hejmar 111 a sala 1969 a hemwarkirî, bi ti şêweyekê rê nayê dayîn ku efser û karmendên polîs, kesên desteserkirî û girtî îşkence bikin.

 




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP