Kurdî  ■  كوردی  ■  عربي
WED, 24 JUL 2019 10:31 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Brîtanya: Emê berdewam bin li ser piştgiriya Herêma Kurdistanê
| KDP.info


Hewlêr-KDP.info- Serokwezîrê Herêma Kurdistanê di hevdîtina li gel Balyozê Brîtanya yê li Iraqê de, tekezî li ser encamdana reforman di saziyên hikûmetê û zêdekirina çavkaniyên dahatê di sektora giştî û taybetî ya Herêma Kurdistanê de kir.

Îro Duşema 10.12.2018 Serokwezîrê Herêma Kurdistanê, Nêçîrvan Barzanî pêşwazî li Balyozê Brîtanya yê li Iraqê John Wileks û şandeke pê re, ku ji Lord Francis Mod û Konsulê Giştî yê Brîtanya li Kurdistanê, Maretn War pêk hatibû, kir.

Di vê civînê de, Nêçîrvan Barzanî û John Wilkes derbarê çend mijarên weke rewşa navçeyê, xurtkirina pêwendiyên navbera Herêma Kurdistan û Brîtanya û hewlên jibo bêtir vejandina rewşa aboriya Herêma Kurdistanê gotûbêj kirin.

Serokwezîrê Herêma Kurdistanê spasiya piştgirî û hevkariyên Brîtanya bo Kurdistanê di rojên zehmet de kir û behsa programa berê ya Hikûmeta Herêma Kurdistanê û proseya reforman di dezgehên hikûmetê de kir û tekezî li ser berdewamiya reforman û zêdekirina çavkaniyên dahatê di sektorên giştî û taybetî de kir.

Balyozê Brîtanya li Iraqê, John Wilkes jî di vê hevdîtinê de behsa geşedanên herî dawî yên siyasî û ewlehiyê yên li navçeyê û pêwendiyên navbera Hewlêr û Bexdayê kir û tekezî li ser berdewamiya piştgiriya Brîtanya bo Herêma Kurdistanê û diyaloga navbera Hewlêr-Bexdayê kir.

Balyozê Brîtanya yê li Itaqê herwiha encamdana reforman di saziyên Hikûmeta Herêma Kurdistanê de bilind nirxand, ku ew demek e di warên cuda cuda de dest pê kiriye.

 




Nûçeyên din

Li Kerkûkê bi erebkirin berdewam e..Êdî Turkmanan jî ji Tileifer tînin Kerkûkê

MONDAY, 22 JULY 2019 15:07:26

Kerkûk-KDP.info- Birêberê Çandiniyê yê Kerkûkê Mehdî Mubarek ragihand ku proseya bi erebkirina parêzgehê berdewam e û niha jibilî bi erebkirina derdora Kerkûkê niha bi şêweyekî berfireh ew prose li nava bajarê kerkûkê jî destpê kiriye. Herwiha Turkman jî Tileifer berê xwe didin nahyeya Taze ya sînorê Kerkûkê.

 

Qaymeqamê Soran: PKK ne li navçeya me be, Tirkiye êrîş û bombebaran nedikir

MONDAY, 22 JULY 2019 15:07:20

Soran-KDP.info- Ji ber PKK 130 gundên sînorê Sîdekan li Soran vala bûne û metirsiya valabûnê li ser 20 gundên din jî li wê navçeyê heye. Herwiha ji sala 1991ê ve û heya îro 200 welatiyên sivîl ên Herêma Kurdistanê şehîd bûne û zêdetirî 500 kesî jî birîndar bûne. Qaymeqamê Soran dibêje, ne ji hebûna PKKê bana dê Tirkiye êrişî naveçeyên me nekirba.

 

Serkirdeyekî Sunne: Ji bo aramiya Iraqê gerek Bexda bi Kurdistanê re pirsgirêkan çareser bike

MONDAY, 22 JULY 2019 13:07:12

Hewlêr-KDP.info- Serkirdeyekî Sunneyan dibêje, Hikûmeta Herêma Kurdistanê ji bo çareserkirina pirsgirêkên Hewlêr û Bexdayêm bi komeke pêşniyar serdana Bexdayê kiriye û Hikûmeta Iraqê jî eger bixwaze aramî li Iraqê hebe pêwîst e bi Herêma Kurdistanê re lihev bike û pirsgirêkan çareser bike.

 
Serokê Herêma Kurdistanê destxweşî li Asayiş û Dije-Terora Kurdistanê kir

SUNDAY, 21 JULY 2019 15:07:06

Hewlêr-KDP.info- Serokê Herêma Kurdistanê Nêçîrvan Barzanî piştî girtina tometkarên êrîşa li Hewlêrê peyamek belav kir û tê de destxweşiyê li hêzên Asayişê û hêza Dije-Terorê ya Kurdistanê dike û dibêje ku hewla serekî ya desthilata Herêma Kurdistanê li ser girtina tawanbaran û hevkarên wan bû û dê wiha be jî.

 
Mesrûr Barzanî: Kurdistan dê bi xebata hêzên dilsoz herdem aram bimîne

SUNDAY, 21 JULY 2019 15:07:08

Hewlêr-KDP.info- Serokwezîrê Herêma Kurdistanê Mesrûr Barzanî ji bo girtina tometbarên êrîşa li Hewlêrê destxweşî li hêzên Asayiş û Dije-Terora Kurdistanê kir û got: “Herêma Kurdistanê, dê bi xebata wan hêzên dilsoz û bi alîkariya welatiyên me herdem aram bimîne.”

 


 
© 2018 Kurdistan Democratic Party, KDP