Kurdî  ■  كوردی  ■  عربي
MON, 27 MAY 2019 17:01 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Pispor: PDK sozên xwe bicîh tîne û bi rastî Kurdistaneke avedan û bihêz ava dike
| KDP.info


 

Duhok-KDP.info- PDK di bin dirûşma “Emê Kurdistaneke Bihêz Ava Bikin” derbasî hilbijartinên Herêma Kurdistanê bû û ji 45 kursî bidestve anî. Niha jî çavdêr û pispor dibêjin, PDK bi rastî Kurdistaneke avedan û bihêz ava dike.

Duhî PDK Nêçîrvan Barzanî kir kandîdê xwe ji bo kursiyê serokatiya Herêma Kurdistanê û Mesrûr Barzanî jî kir kandîd ji bo serokatiya Hikûmeta Kurdistanê.

Mamosteyê zanîngehê Îbrahîm Şerefanî ku mamosteyê zanîngeha Duhokê ye û psporê yasayî û siyasî ye, ji malpera KDP.info re ragihand: “Dirûşma Kurdistaneke bihêz ji aliyê PDKê ve pêngaveke girîng e. Hikûmeteke bihêz jî pêwîstiya wê bi bingehên bihêz heye, lewma PDK dixwaze bi bingeheke bihêz ji avedaniyê re hikûmeta nû ava bike. Ez bawer im ku hikûmeta nû dê li ser bingeha adadîmî û felsefeya dewletê bê damezrandin û dê xizmeta gel û welat û Kurdistaneke bihêz bike.”

Herwiha derbarê avakirina Hikûmeta Kurdistanê, Parlamentera Tirkmanan di Parlamentoya Kurdistanê de Mûna Qehwecî ji malpera KDP.info re ragihand: “Her ku PDK li Kurdistanê deselat be, aramî li Kurdistanê dibe û ev yek jî destkefeteke pir mezin e. Em jî bibînin ku pêwîst e Tirkman di hemû beşên hikûmeta nû de beşdar bin û xwedî beşdariyeke mezin bin.”

Serfermandarê berê yê Iraqê Babekir Zêbarî jî ji malpera KDP.info re ragihand: “Dû kesayetiyên siyasî bihêz, ku Nêçîrvan Barzanî û Mesrûr Barzanî ne, ku di bin rênmayên Lêvegera Kurdî Serok Barzanî de ne û di eniya çareserkirina pirsgirêkan de de û kar ji bo derbaskirina kirîzên abûrî û siyasî kirine û karîne li ser asta asayiş û ewlehiyê û vegera pêgeha Herêma Kurdistanê kar bikin bi pilan û karê dîplomatîk û siyaseteke nerim, ku bi vê yekê cîhan bi xwe ve anîne, lewma jî em karin bêjin PDK sozên xwe yên dema hilbijartinan bicîh tîne û bi rastî kar ji bo Kurdistaneke bihêz dike.”

 




Nûçeyên din

Hevpeymaniya Navdewletî dê heta dawiya salê Pêşmerge perwerde bike

MONDAY, 27 MAY 2019 12:05:28

Hewlêr-KDP.info- Cîgirê Serfermandarê Pêşmerge Lîwa Qareman Kemal dibêje pilaneke Hevpeymaniya Navdewletî heye ku berdewam be li ser perwerdeya leşkerî ya Hêzên Pêşmerge heya dawiya salê.

 
Serkirdeyekî Sunne: Heya Bexda navçeyên Kurdistanî îdare bike dê pirsgirêk berdewam bin

MONDAY, 27 MAY 2019 12:05:56

Bexda-KDP.info- Serkirdeyê Îtîlafa Hevpeymaniya Niştimanî ya Sunneyan Dr. Elî Mekî dibêje, heta Bexda îdareya navçeyên Kurdistanî yên madeya 140 bike dê pirsgirêk berdewam bin û pêwîst e Bexda ji bo birêvebirina Iraq û navçeyên Kurdistanî jî sûdê ji ezmûna Herêma Kurdistanê bibîne.

 
Fermandarên Pêşmerge: Em ji Serok Barzanî fêrî berxwedan û xweneçemandinê bûn

SUNDAY, 26 MAY 2019 12:05:40

Duhok-KDP.info- Fermandarên Hêzên Pêşmerge dibêjin, ew ji Serok Mesûd Barzanî hîn û fêrî pêşmergayetî û xweneçemandin û parastina ax û niştimanperweriyê bûne, ji ber ku ew kesê ku Serok Barzanî li çeperên şer dîtibe, dizane nirxê Kurdistanê çiqas e û pêşmerkayetî jî çiqasî pîroz e.

 
“Daxwaza vegera Pêşmerge bo Xaneqîn gihîştiye Parlamentoya Iraqê”

SUNDAY, 26 MAY 2019 12:05:50

Hewlêr-KDP.info- Pêncşema derbasbûyî komîteyeke taybet bi rewşa Xaneqîn ji Parlamentoya Iraqê serdana Xaneqîn kir û Serokê wê komîteyê jî dibêje, rewşa Xaneqîn ji hemû aliyekî ve xerab e û tê daxwazkirin ku Hêzên Pêşmerge vegerin navçeyê.

 
NY di perawêza nameyeke Nêçîrvan Barzanî de

SUNDAY, 26 MAY 2019 12:05:14

Remezan Nesredîn Kêvlî

 


 
© 2018 Kurdistan Democratic Party, KDP