Kurdî  ■  كوردی  ■  عربي
MON, 10 DEC 2018 21:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Neteweyên Yekbûyî: Hikûmeta nû ya Kurdistanê dê hikûmeteke çalak û bihêz be
| KDP.info


Hewlêr-KDP.info- Serok Barzanî pêşwaziya Nûnerê Taybetî yê Sekreterê Giştî yê rêxistina Neteweyên Yekgirtî (UN) Jan Kubis kir û di wê hevdîtinê de Jan Kubis ragihand ku li Ewrupa û li welatên rojava bi çavekî mezin berê xwe didin pêgeh û dîrok û xebata Serok Barzanî û malbata Barzanî. Herwiha got jî ku hikûmeta nû ya Kurdistanê dê hikûmeteke çalak û bihêz be.

Îro Sêşema 04.12.2018 li Selaheddîn Serok Mesûd Barzanî pêşwaziya Jan Kubis Nûnerê Taybetî yê Sekreterê Giştî yê Rêxistina Neteweyên Yekgirtî kir.

Di wê hevdîtinê de ku Nûnerê Taybetî yê Sekreterê Giştî yê Rêxistina Neteweyên Yekbûyî ji bo bidawîhatina karê xwe ya li Iraqê û xatirxwestin kirinê, serdana Serok Barzanî kiribû, spasî Serok Barzanî û Hikûmeta Herêma Kurdistanê kir ku di dema karê wî de piştevan û hevkar bûne jê re.

Herwiha pêzanînên xwe ji bo rol û pêgeha Serok Barzanî hebû û ragihand ku li Ewrupa û li welatên rojava bi çavekî mezin berê xwe didin pêgeh û dîrok û xebata Serok Barzanî û malbata Barzanî.

Di beşekî dinê vê hevdîtinê de Nûnerê Taybetî yê Sekreterê Giştî yê Rêxistina Neteweyên Yekkbûyî behsa proseya siyasî ya Iraqê û serdana Serok Barzanî bo Bexdayê bi girîng û erênî wesif kir û balkişand ser wê yekê ku ew serdan ji aliyê Iraqiyan ve bi serdemek ji bo çareserkirina kêşeyan û cihê hêviyê hatiye zanîn û bi pêwîst jî zanî ew derfeta ku li piştî serdana Serok Barzanî hatiye holê bê bikaranîn û Bexda jî bersiv û pêngavên erênî bavêje di derbarê sînor û petrol û kêşeyên din ê di navbera Herêm û Bexda.

Herwiha Jan Kubis pîrozbahî li Partiya Demokrat a Kurdistanê kir li ser biryara wê ya diyarkirina kandîdên kursiyên serokê Herêma Kurdistanê û serokê Hikûmeta nû ya Kurdistanê û tekez jî kir ku hikûmeta nû ya Kurdistanê dê hikûmeteke çalak û bihêz be.

Ji aliyê xwe ve Serok Barzanî spasî erk û keda Nûnerê Taybetî yê Sekreterê Giştî yê Rêxistina Neteweyên Yekbûyî Jan Kubis kir û hêviya serkeftinê ji bo wî xwest. Di derbarê pêwendiyên Herêma Kurdistanê û Bexda û serdana xwe ya Bexda de, Serok Barzanî tekezî li ser wê yekê kir ku di hemû qonaxan de ji bo çareseriya kêşeyan peyama me peyama aştî û diyalog û ji hevdû têgihiştin bûye û piştî hilbijartinên Iraqê û pêkanîna hikûmeta nû derfeteke nû û hêviyeke nû çêbûye û ji bo çareserkirina kêşeyan jî pêwîst e bawerî bi diyalog û zimanê aştiyê hebe û di heman demê de jî nêteke paqij ji bo çareseriyan hebe. Diyalog û aştîxwaziya me jî nabe li ser hesabê pîvan û prensîp û babetên stratejîk yên me be.

Serok Barzanî di dirêjahiya axaftina xwe de piştevaniya xwe ji bo hikûmeta Adil Abdulmehdî nîşan da û hêviya wê yekê xwest ku ew hikûmet bikaribe kêşeyan çareser bike û xizmetguzariyan pêşkêşî xelkê bike.

Herwiha di derbarê Hikûmeta nû ya Herêma Kurdistanê de jî, Serok Barzanî got ku diruşma PDKê Kurdistaneke bihêz e û em piştrast in ku hikûmeta nû ya Kurdistanê dê hikûmeteke bihêz be û di xizmeta xelkê de be û ji bo diyarkirina herdû kandîdên serokê Herêmê û serokê Hikûmetê xelkê Kurdistanê jî pêşwazî li biryarên PDK kirine.

 




Nûçeyên din

Brîtanya: Emê berdewam bin li ser piştgiriya Herêma Kurdistanê

MONDAY, 10 DECEMBER 2018 18:12:16

Hewlêr-KDP.info- Serokwezîrê Herêma Kurdistanê di hevdîtina li gel Balyozê Brîtanya yê li Iraqê de, tekezî li ser encamdana reforman di saziyên hikûmetê û zêdekirina çavkaniyên dahatê di sektora giştî û taybetî ya Herêma Kurdistanê de kir.

 
Serok Barzanî peyameke sersaxiyê ji Patriyakê Dêra Aşûrî re şand

SUNDAY, 09 DECEMBER 2018 21:12:35

Hewlêr-KDP.info- Serok Masûd Barzanî peyameke sersaxiyê ji Qedasetê Patriyak Mar Gorgîsê Sêyem Silêwe re şand. Ev jî tekesta wê peyamê ye:

 
Qaymeqamê Mûsilê: Em spasiya Serok Barzanî dikin

SUNDAY, 09 DECEMBER 2018 21:12:54

Mûsil-KDP.info- Piştî ku qaymeqamê Mûsilê daxwaz ji Serok Barzanî kir bi hewara xelkê Mûsilê ve biçe ji ber ku lehî li Mûsilê çêbibû, Serok Barzanî jî bersiva bangewaziya qaymeqamê Mûsilê da û Dezgeha Xêrxwaziyê ya Barzanî erikdar kir ku alîkariya xelkê Mûsilê bike, Qaymeqamê Mûsilê Zuhêr Ehrcî ragihand: “Em spasiya helwesta Serok Barzanî dikin.”

 
Heşda Şeibî û hêzên Iraqê nahêlin alîkarî bighên Çiyayê Şingalê

SUNDAY, 09 DECEMBER 2018 16:12:29

Şingal-KDP.info- Fermandarê Fermandeya Pêşmerge li Şingalê Qasim Şeşo dibêje, hêzên Iraqê û Heşda Şeibî nahêlin rêxistinên navdewletî û xêrxwazî alîkariyan bighînin koçberên ser Çiyayê Şingalê.

 

Brîtanya: Emê alîkariya pêşketin û avedankirina Kurdistanê bikin

SUNDAY, 09 DECEMBER 2018 16:12:10

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî û Balyozê Brîtanya li Iraqê Jon Wilks civiyan û di wê hevdîtinê de şanda mêvan got ku welatê wan dê hevkar be ji bo ku Herêma Kurdistanê zêdetir pêşketî û avedan be.

 



 
© 2018 Kurdistan Democratic Party, KDP