Kurdî  ■  كوردی  ■  عربي
MON, 27 MAY 2019 17:03 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêzîkî 52 hezar kes li Şingalê di rewşeke kambax de ne..metirsiyeke mezin li ser wan heye
| KDP.info


Şingal-KDP.info- Qayimeqamê Şingalê Mehma Xelîl dibêje, niha li Şingalê û derdora wê zêdetirî 52 hezar kes di rewşeke kambax de dijîn û metirsî li ser jiyana wan heye û pêwîstiya wan bi alîkariyê heye.

Şingal niha di bin destê milîsên Heşda Şeibî û çekdarên PKKê de ye, ku nahêlin îdareya şeriî vegere Şingalê û xizmeta wî bajêrî bike.

Derbarê rewşa niha ya Şingalê, Qayimeqamê Şingalê Mehma Xelîl ji malpera KDP.info re ragihand: “13 hezar malbat vegeriyane Şingalê, ku hejmara wan zêdetirî 52 hezar kes e. Hemû di rewşeke xerab û kambax de dijîm. Metirsî li ser jiyana wan heye. Zivistan û serma hatiye û ti alîkarî negihaye wan. Herwiha riyên ku ji Herêma Kurdistnê diçin Şingalê, girtî ne û xelkê ku di Şingalê de ne, dorpêçkirî ne.”

Qayimeqamê Şingalê ji bo derbasbûna vê rewşa xerab a Şingalê, daxwaz ji rêxistinên navdewletî dike ku bilez bi hewara Şingalê ve biçin.

Mehma Xelîl tekez dike ku nexasim ew xelkê Şingalê yên ku li ser Çiyayê Şingalê dijîn û yên ku li kampa Serdeşt dijîn, ku hejmara wan 3 hezar kes e, rewşa wan pir kambax û xerab e.

Xelîl wiha got: “Sedema sereke ku rewşa Şingalê wisa xerab e, ew e hêzên ne rewa ew bajêr dagîr kirine û ne xizmet û ne ewlehî li wir nehiştine.”




Nûçeyên din

Hevpeymaniya Navdewletî dê heta dawiya salê Pêşmerge perwerde bike

MONDAY, 27 MAY 2019 12:05:28

Hewlêr-KDP.info- Cîgirê Serfermandarê Pêşmerge Lîwa Qareman Kemal dibêje pilaneke Hevpeymaniya Navdewletî heye ku berdewam be li ser perwerdeya leşkerî ya Hêzên Pêşmerge heya dawiya salê.

 
Serkirdeyekî Sunne: Heya Bexda navçeyên Kurdistanî îdare bike dê pirsgirêk berdewam bin

MONDAY, 27 MAY 2019 12:05:56

Bexda-KDP.info- Serkirdeyê Îtîlafa Hevpeymaniya Niştimanî ya Sunneyan Dr. Elî Mekî dibêje, heta Bexda îdareya navçeyên Kurdistanî yên madeya 140 bike dê pirsgirêk berdewam bin û pêwîst e Bexda ji bo birêvebirina Iraq û navçeyên Kurdistanî jî sûdê ji ezmûna Herêma Kurdistanê bibîne.

 
Fermandarên Pêşmerge: Em ji Serok Barzanî fêrî berxwedan û xweneçemandinê bûn

SUNDAY, 26 MAY 2019 12:05:40

Duhok-KDP.info- Fermandarên Hêzên Pêşmerge dibêjin, ew ji Serok Mesûd Barzanî hîn û fêrî pêşmergayetî û xweneçemandin û parastina ax û niştimanperweriyê bûne, ji ber ku ew kesê ku Serok Barzanî li çeperên şer dîtibe, dizane nirxê Kurdistanê çiqas e û pêşmerkayetî jî çiqasî pîroz e.

 
“Daxwaza vegera Pêşmerge bo Xaneqîn gihîştiye Parlamentoya Iraqê”

SUNDAY, 26 MAY 2019 12:05:50

Hewlêr-KDP.info- Pêncşema derbasbûyî komîteyeke taybet bi rewşa Xaneqîn ji Parlamentoya Iraqê serdana Xaneqîn kir û Serokê wê komîteyê jî dibêje, rewşa Xaneqîn ji hemû aliyekî ve xerab e û tê daxwazkirin ku Hêzên Pêşmerge vegerin navçeyê.

 
NY di perawêza nameyeke Nêçîrvan Barzanî de

SUNDAY, 26 MAY 2019 12:05:14

Remezan Nesredîn Kêvlî

 


 
© 2018 Kurdistan Democratic Party, KDP