Kurdî  ■  كوردی  ■  عربي
MON, 27 MAY 2019 16:57 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serkirdeyekî ENKSê: PYD qet xizmeta doza gelê me nake
| KDP.info


Duhok-KDP.info- Li Rojavayê Kurdistanê PYD wek hêza bi rêvebirinê di bin navê Rêveberiya Xweser rêvebriya wî perçeyê Kurdistanê dike. Serkirdeyekî ENKSê jî dibêje, hêj PYD astengiyan ji wan re çêdike. Serkirdeyekî PYDê jî dibêje, gerek helwêstên ENKSê derbarê şoreşa li Rojavayê Kurdistanê, zelal bin.

Silêman Oso Serkirdeyê ENKSê ji malpera KDP.info re ragihand: “ENKS siyaseteke dirust birêve dibe û li ser asta cîhanê jî ENKS nûneratiya Kurdên Rojava dike, lê PYD astengiyên mezin ji me re derdixe û endam û alîgirên me davêjin zindanan, ku çarenivîsa gelek serkirdeyên me nexuya ye û winda ye.”

Ji bo egera nêzîkbûn û danûstandinên ligel PYDê, Oso wiha got: “Di serî de gerek PYD hemû serkirde û alîgirên me yên di zindanên xwe de azad bike, herwiha aliyeke sêyem hebe ji bo çavdêrêiya rêkeftinê, ji ber ku baweriya me bi PYDê nayê ku dê rêkeftinê cîbivî bike û ezmûna me bi wan re heye.”

Nûnerê PYDê li Herêma Kurdistanê Silêman Ereb dibêje, divê ENKS jî xwedî xwedî helwêstên zelal be derbarê pirsa Efrênê û derbarê hebûna xwe di nava opozisyona Sûriyê de, ku bajarê Efrînê dagîr kirine. Em û ENKSê ti rêkeftinekê nakin, divê ENKS di serî de şaşîtiyên xwe serast bike û bibe xwedî helwêsteke baştir.”

Derbarê wan gotinên nûnerê PYDê, Silêman Oso wiha got: “PYD ligel hemû aliyan û heta ligel rêjîma Sûriyê rêkeftinan dike, lê li dijî Kurdan disekine û ew bi vî karî qet xizmeta gelê me nakin.”

 




Nûçeyên din

Hevpeymaniya Navdewletî dê heta dawiya salê Pêşmerge perwerde bike

MONDAY, 27 MAY 2019 12:05:28

Hewlêr-KDP.info- Cîgirê Serfermandarê Pêşmerge Lîwa Qareman Kemal dibêje pilaneke Hevpeymaniya Navdewletî heye ku berdewam be li ser perwerdeya leşkerî ya Hêzên Pêşmerge heya dawiya salê.

 
Serkirdeyekî Sunne: Heya Bexda navçeyên Kurdistanî îdare bike dê pirsgirêk berdewam bin

MONDAY, 27 MAY 2019 12:05:56

Bexda-KDP.info- Serkirdeyê Îtîlafa Hevpeymaniya Niştimanî ya Sunneyan Dr. Elî Mekî dibêje, heta Bexda îdareya navçeyên Kurdistanî yên madeya 140 bike dê pirsgirêk berdewam bin û pêwîst e Bexda ji bo birêvebirina Iraq û navçeyên Kurdistanî jî sûdê ji ezmûna Herêma Kurdistanê bibîne.

 
Fermandarên Pêşmerge: Em ji Serok Barzanî fêrî berxwedan û xweneçemandinê bûn

SUNDAY, 26 MAY 2019 12:05:40

Duhok-KDP.info- Fermandarên Hêzên Pêşmerge dibêjin, ew ji Serok Mesûd Barzanî hîn û fêrî pêşmergayetî û xweneçemandin û parastina ax û niştimanperweriyê bûne, ji ber ku ew kesê ku Serok Barzanî li çeperên şer dîtibe, dizane nirxê Kurdistanê çiqas e û pêşmerkayetî jî çiqasî pîroz e.

 
“Daxwaza vegera Pêşmerge bo Xaneqîn gihîştiye Parlamentoya Iraqê”

SUNDAY, 26 MAY 2019 12:05:50

Hewlêr-KDP.info- Pêncşema derbasbûyî komîteyeke taybet bi rewşa Xaneqîn ji Parlamentoya Iraqê serdana Xaneqîn kir û Serokê wê komîteyê jî dibêje, rewşa Xaneqîn ji hemû aliyekî ve xerab e û tê daxwazkirin ku Hêzên Pêşmerge vegerin navçeyê.

 
NY di perawêza nameyeke Nêçîrvan Barzanî de

SUNDAY, 26 MAY 2019 12:05:14

Remezan Nesredîn Kêvlî

 


 
© 2018 Kurdistan Democratic Party, KDP