Kurdî  ■  كوردی  ■  عربي
SAT, 23 MAR 2019 14:28 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Biro: Rûsya rijd e ku mafê Kurdan li Sûriyê bê garentîkirin..Ji PYDê dilgiran in
| KDP.info


Rojavayê Kurdistanê-KDP.info- Rûsya hewlên xwe ji bo çareserkirina kirîza Sûriyê û danîna destûrekî ji Sûriyê re û vegerandina penaberan, zêde kiriye. Serkirdeyekî ENKSê jî dibêje, Rûsya rijd e ku mafê Kurdan li Sûriyê bê garentîkirin û Rûsya ji PYDê dilgiran e.

Îbrahîm Biro serkirdeyê ENKSê ji malpera KDP.info re ragihand: “Hefteya çûyî şandeke me wek opozisyona Sûriyê serdana Rûsyayê kir û ligel wezîrê derve yê Rûsya û çend berpirsên mezin ên Rûsya civiya, û di wan civînan de rewşa niha ya Sûriyê û çawaniya çareserkirina kirîsa Sûriyê hatin gotûbêjkirin.”

Biro wiha got: “Şanda opozisyonê û wezîrê derve yê Rûsya bi hûrî behsa çawaniya çareserkirina siyasî ji kirîza Sûriyê re kirin, wek danîna destûrekî nû ji Sûriyê re, herwiha pirsa vegerandina penaberên Sûriyê û avakirina wî welatî.”

Îbrahîm Biro wiha domand: “Helwesta Rûsya ji çareserkirina pirsa Kurdî li Sûriyê re gelekî erênî bû. Mosko xwedî helwêsteke zelal e ku naxweze mafê Kurdan bê xwarin, lê mixabin ragihandina Kurd bi eşkere behsa wê helwesta Rûsya nake. Rûsya rijd e ku di destûrê nû yê Sûriyê de mafê Kurdan bê garentîkirin û em jî ji xwe vê yekê dixwazin.”

 




Nûçeyên din

Serok Barzanî li ser bûyera li Mûsilê peyama sersaxiyê belav kir

FRIDAY, 22 MARCH 2019 12:03:21
Hewlêr-KDP.info- Serok Mesûd Barzanî bi peyamekê, sersaxî ji malbatên qurbaniyên bûyera li Mûsilê re xwest, ku li Mûsilê keştiyek li ser çemê Dîcleyê qûlipî û zêdetirî 70 kesan jiyana xwe ji dest dan.
 
Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 


 
© 2018 Kurdistan Democratic Party, KDP