Kurdî  ■  كوردی  ■  عربي
FRI, 24 MAY 2019 14:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: YNK yekrêziya Kurdistanê têk da..Pêngava YNKê destpêkeke metirsîdar e
| KDP.info


 

Hewlêr-KDP.info- Serokwezîrê Herêma Kurdistanê derbarê awayê hilbijartina Serokomarê Iraqê de ragihand, Ewê ji me re cihê nîgeraniyê ye, ew e ku ev post li derveyî îdareya Kurdistanê û hêzên siyasî yên Kurdistanê û ji aliyê xelkekî din bê yekalîkirin. Herwiha got jî, YNKê yekrêziya Kurdistanê xera kir û ew tişta ku wê partiyê kir destpêkeke metirsîdar e.

Serokwezîrê Herêma Kurdistanê Nêçîrvan Barzanî îro di konferanseke rojnamevanî de ragihand, aramî û ewlehiya xelkê gelekî girîng e, heger teqe di demên ragihandina encamên hilbijartinê bêne ragihandin, ew diyardeyeke gelek ne şîrîn e.

Derbarê postê Serokomarê Iraqê de, Nêçîrvan Barzanî got: “Posta Serokomar mafê Kurdan e û me hemû hewl dan, ji bo ku yekrêziya Kurdan li Bexdayê têk neçe.”

Herwiha got: “Bi nerîna me wek PDKê, divê ev post di nava firaksiyonên Kurdistanî yên di parlemantoya Iraqê de bihata yekalîkirin. Ew mîkanîzma ku di xulên berê de bûye, bi me xweş bû, ku vê care jî biba. Di xula bûrî de, di navbera 2 berbijarên YNKê de pirsgirêk hebû, bi dengdana di nava firaksiyonên Kurdistanî de berbijarê wê postê hat yekalîkirin.”

Got jî: “Ewê ji me re cihê nîgeraniyê ye, ku ev destpêkeke metirsîdar e, metirsî di wê de ye, ku ev post li derveyî îdareya Kurdistanê û hêzên siyasî yên Kurdistanê û ji aliyê xelkekî din bê yekalîkirin. Dibe 4 yan 8 salên din Kurdek xwe bike berbijarê wê postê, lê ti pêwendiya wî bi Herêma Kurdistanê ve nebe û ji aliyê xelekî din ve bê hilbijartin. Ewê biraderên YNKê kiriye, ji bo pêşeroj û rewşa Kurdistanê metirsîdar e.”

Tekez kir jî: “Heger me daxwaza wê postê kiriba, welatên derve daxwaz kirin ku ez xwe bikim berbijarê wê postê, lê min nekir, ji ber ku ew ne pirseke kesayetî ye, bingeha awayê hilbijartina Serokomar şaş e ku li derveyî îradeya gelê Kurd û ji aliyê xelkekî din ve bê hilbijartin. Şîeyan karîn xwe yekalî bikin, bi me ne şîrîn bû ku bi 2 berbijaran biçin hola parlemantoyê.”

Herwiha got: “Em bi biraderên YNKê re berdewam di guftûgoyan de de bûn. Me hemû nermî ji wan nîşan da. Çi gotin, me got em razî ne, lê bi mercê bi yek berbijarî biçin Bexdayê. Di dawiyê de daxwaz ji me kir ku hin postên herênê jî bidinê, me got ew jî ne pirsgirêk e, ev yek tenê ji bo yekrêzî têk neçe û neçe qalibê kê deng zêdetir aniye û kê kêmtir aniye, ji ber ku ew ne di berjewendiya Herêma Kurdistanê de ye. Pirs ne ew e ku PDKê li hember YNKê şikest, belkû ziyan gihîşt hemû gelê Kurd, ji ber ku YNK bi tekalî ew kar kir û ev destpêkek ne baş e ji bo Kurd.”

Derbarê dabeşbûna Herêma Kurdistanê li ser du îdareyan, Nêçîrvan Barzanî got: “Kes behsa 2 îdareyê nake. Em qewareyeke destûrî ne. Em wek Herêma Kurdistanê berdewam dibin. Dibe ku tişt wek nebin, heger li hilbijartinan binirin, ew tiştê ku divêbû em wek PDKê bi tenê biryarê li ser bidin, bi hevbeşî me biryar li ser da. Di dema kursiyên wan kêm bû, me bi hev re hikûmet pêk anî. Niha wiha pê diçe ku ew birader ber bi piranî û kêmanî ve diçin, bêgûman PDK jî hesabên xwe li hember wî tiştî dike û li ser binemaya nû serederiyê bi YNKê re dike, lê du îdareyî ne babet e.”

 




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP