Kurdî  ■  كوردی  ■  عربي
SAT, 23 MAR 2019 14:29 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: PDK nayê şikandin û qet nakeve..PDK nasnameya miletekî qehreman e
| KDP.info


 

Hewlêr-KDP.info- Bi amadebûna Cîgirê Serokê Partiya Demokrat a Kurdistanê Nêçîrvan Barzanî karnevaleke cemawerî ya berfereh li Hewlêrê bo piştevanîkirina li lîsta PDKê bo hilbijartinên Parlemantoya Kurdistanê birêve çû û tê de Nêçîrvan Barzanî gotarek pêşkêş kir û got: “PDK nayê şikandin û qet nakeve. PDK nasnameya miletekî têkoşer û qehreman e.”

Nêçîrvan Barzanî gotarek pêşkêş kir û got: “Destpêkê dixwazim spasiya cemawerê Kurdistanê li hemû bajar û bajarokan bikim bo piştevaniya wan, ku bûne sedema serkeftinê di dîroka nû ya Kurdistanê de. Hêvîdar in ev cemawer roja dengdanê bi reng, aheng û xweşî binkeyên dengdanê bixemilînin.”

Herwiha got: We di hilbijartinên 12ê Gulanê de careke din piştevaniya xwe ji PDKê re nîşan da, du rojên din em dilniya ku hûn ji wê zêdetir bibin xwedî û piştevanê Partiya Demokrat a Kurdistanê û deng bidin lîsta 183.

Got jî: Bi taqîkirin derket ku hûn û PDKê du rûyên yek diravê ne, ti rûyek bê yê din nabe. Hûn pişt û piştevanê PDKê ne, ji ber wê hezaran rûpelên dîrokê derxistiye ku yek pênaseya PDKê heye, ew jî parêzerê Kurdistanê û gelê qehreman e, ji ber wê hûn îro deng didin lîsta 183, hûn ji wê dilniya ne ku we dengê xwe daye xwe, daye Kurdistan û navê şehîdan.

Cîgirê Serokê PDKê ragihand, Hûn dizanin ku em PDKê bi xebata berdewam û bi xwîna şehîdên nemir pêşgeng in, ti kes li pişt me nebû ji bilî we. Hûn her dem pişt û piştevanê PDKê bûn. PDK nayê şikandin û qet nakeve. PDK nasnameya miletekî têkoşer û qehreman e.

Nêçîrvan Barzanî li dawiyê jî got: “Diyar û aşkere ye her çend nehezan dixwastin PDKê bişikînin, PDK nayê şikandin, ji ber yek sedemê, ji ber ku em ne partiyek in wek partiyeke din in destkirdê rewş û derfetên nişkivayî bûn. PDK wek darê berû ye li çiyayên Kurdistanê bilind dibe. Em dilniya ne ku dengê we tenê ji lîsta 183 ê PDKê re ye.”

 




Nûçeyên din

Serok Barzanî li ser bûyera li Mûsilê peyama sersaxiyê belav kir

FRIDAY, 22 MARCH 2019 12:03:21
Hewlêr-KDP.info- Serok Mesûd Barzanî bi peyamekê, sersaxî ji malbatên qurbaniyên bûyera li Mûsilê re xwest, ku li Mûsilê keştiyek li ser çemê Dîcleyê qûlipî û zêdetirî 70 kesan jiyana xwe ji dest dan.
 
Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 


 
© 2018 Kurdistan Democratic Party, KDP