Kurdî  ■  كوردی  ■  عربي
WED, 21 NOV 2018 15:44 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Xelkê Duhokê wek çiyayekî bilind li pişta PDKê ne..PDK dê serkeftineke din bidest bîne
| KDP.info


Duhok-KDP.info- Endamê Polîtburoya Partiya Demokrat a Kurdistanê (PDK) Mesrûr Barzanî di rêwresma lîsta 183 ya PDKê li parêzgeha Duhokê de gotarek pêşkêş kir û ragihand, 30 Îlonê PDKê serkeftineke mezin tomar dike, serkeftina PDKê serkeftina Kurdistanê ye. Mesrûr Barzanî got ku xelkê Duhokê wek çiyayekî bilind li pişta PDKê ne.

Îro 13-9-2018 PDKê li Duhokê bi rêwresmekê bi fermî dest bi bangeşeya hilbijartina Parlemantoya Kurdistanê kir û di destpêkê de berbijarên parêzgeha Duhokê dan nasandin.

Endamê Polîtburoya PDKê Mesrûr Barzanî di gortarekê de ragihand, “Em hemû soz didin bo serxistina lîsta 183 ya PDKê û serxistina berbijaran. Di meha Îlonê de pir destkeft ji gelê Kurd re hatin û PDK wek endezyar û avakera wan destkeftinan bû. di 11ê Îlonê de Şoreşa Îlonê dest pê kir, ku mezintirîn şoreşa niştimanî û netewa Kurd li seranserî Kurdistanê bû û çendîn destkeftên mezin ji Kurd re anîn.”

Herwiha got: “25ê Îlona sala bûrî çareke din vîna gelê Kurd biser ket, dema ji sedî 93 gelê Kurd dengê xwe da serxwebûnê û dubare ew destkeft, destkefta PDKê bû.”

Mesrûr Barzanî got: “Me par qonexeke nexweş derbas kir. destkeftên mezin jî ji bo me hebûn, lê bi xweragiriya gelê Kurd bi awayekî giştî û bi serokatiya Serok Barzanî me karî wê qonaxê derbas bikin û careke din pêgeha bihêz a Kurdistanê di cîhanê de biçespînin. Spas bo helwest û piştevaniya gelê me, ew piştevaniya bo PDKê cihê şanaziya me ye.”

Herwiha amaje bi wê jî kir: “Berî çend mehan, hilbijartinên parlemantoya Iraqê hate birêvebirin û bi piştevaniya we, PDK bû yekem partî li ser astê Iraqê û zêdetirîn kursî wek partî bidest anî.

Diyar kir jî, “Em di qonaxa diyarkirina çarenivîsa milet û welatê xwe de ne, em hîna negihîştine dawî qonax ji xebata xwe, ji ber wê her biryarek di wê derbarê de bê dayîn, dibe ku bandorekê li ser riya çareseriya pirsa miletê me bike.”

Ameje bi girîngiya vê xula parlemantoyê kir û da zanîn, “Ev parlemantoya vê carê roleke wê ya bibandor bo diyarkirina biryar û derbaskirina yasayan dibe û ji bo çavdêriya hikûmeteke bihêz ku hêvîdar in li ser destê PDK bê damezrandin bikin û herwiha deng û baweriya we biguhêzin û bergîrî li maf û daxwazên we bikin, dengên xwe bidin wan berbijarên ku di parlemantoyê de berevaniyê di ber daxwaz û mafên we de bikin.”

Herwiha Endamê Polîtburoya PDKê Mesrûr Barzanî got: “Hilbijartinên bûrî rikberiyek bû, bo hewl û planên nehezan ên têkdana aramiya Kurdistanê û dagîrkirinê jinav bibin. Çend hewl hatibû dan jî bo pêgeha PDKê li ser astê Kurdistanê û navçê kêm bibe, lê bi xwîna Pêşmerge û xweragiriya gelê Kurdistanê, hemû plan hatin şikandin û ji wê zêdetir pêgeha Herêma Kurdistanê gihîşt asteke pir bilind.”

 




Nûçeyên din

Serok Barzanî pîrozbahiya salvegera ji dayikbûna Pêxemberê Misilmanan kir

MONDAY, 19 NOVEMBER 2018 22:11:02

Bi navê xwedayê mezin û dilovan

Bi helkefta salvegera ji dayikbûna Pêxemberê me yê mezin Mihemed Mistefa (Silavên Xwedê li ser bê) pîrozbahiyê li hemû misilmanên cîhan û Iraq û misilmanên Kurdistanê bi taybetî dikim.

Êzdî: PKK karekî metirsîdar li Şingalê dike..Armanca wan ziyana Êzdiyan e

MONDAY, 19 NOVEMBER 2018 19:11:11

Şingal-KDP.info- Serokê Encûmena Parêzgeha Mûsilê Seydo Çeto dibêje, PKK karekî metirsîdar li Şingalê dike û pêwîst e rê li pêşiya wan bê girtin. Berpirsê Asayişa Rojavayê Diclê Emîd Aştî Koçer jî dibêje, hebûna PKKê li Şingalê armanc jê tenê ew e ku ziyanê bighînin berjewendiyên gelê Kurdistanê û Êzdiyan.

 
Hikûmeta Kurdistanê: Rewşa Şingalê ya xerab nayê qebûlkirin

MONDAY, 19 NOVEMBER 2018 18:11:55

Hewlêr-KDP.info- Berdevkê Hikûmeta Herêma Kurdistanê Sefîn Dizeyî ragihand ku ew naxwazin ti pirsgirêk li Şingalê çêbibe lê ew rewşa xerab ya ku niha li Şingalê heye bi awayekî nayê qebûlkirin û divê Hikûmeta Iraqê wan hêzên nerewa mîna Heşda Şeibî û PKK ji wir derxîne û Hêzên Pêşmerge û polîsên federal li wir bicîh bibin da ku xelkê Şingalê vegerin ser mal û halê xwe.

 
Pêşmergeyên PDK û YNKê (70 û 80) dibin yek hêz

MONDAY, 19 NOVEMBER 2018 18:11:52

Hewlêr-KDP.info- Cîgirê Serfermandarê Hêzên Pêşmerge di Wezareta Pêûmerge de Lîwa Salar Cebarî ragihand ku proseya yekxistina herdû hêzên 70 û 80 yên Pêûmerge destpê kiriye.

 
Şand Wezareta Pêşmerge li Hingarya çend mijarên girîng gotûbêj dike

SUNDAY, 18 NOVEMBER 2018 18:11:22

Hewlêr-KDP.info- Rêveberê Hevahengî û Pêwendiyên Wezareta Pêşmerge ya Hikûmeta Kurdistanê ragihand ku li ser vexwendineke fermî şandeke Wezareta Pêşmerge çû welatê Hingarya.

 


 
© 2018 Kurdistan Democratic Party, KDP