Kurdî  ■  كوردی  ■  عربي
WED, 21 NOV 2018 15:46 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Eger PDK neba dê hemû Kurdistan di bin dagirkeriyê de ba..Bihêzbûna PDK, bihêzbûna Kurdistanê ye
| KDP.info


Hewlêr-KDP.info- Serok Mesûd Barzanî ji berbijêr û endamên PDKê re got: “Bînin bîra xelkê Kurdistanê ku ne ji PDKê ba dê pilana jinavbirina Herêma Kurdistanê biser ketiba û dê îro hinek kesên din li Hewlêrê serwer bana, û dê niha hemû Kurdistan di bin dagîrkariyê de ba. Lê bi xwîna zarokên gelê Kurdistanê û bi xebata PDKê ew pilan biser neket û hat şikandin.”

Îro Sêşema 9-11-2018 li Hewlêrê Partiya Demokrat a Kurdistanê (PDK) bi rêwresmekê dest bi kampanya bangeşeya hilbijartinên Parlamentoya Kurdistanê kir. Di rêwresmê de Serok Barzanî gotarek pêşkeş kir.

Serok Barzanî di gotara xwe de wiha got: “Niha salvegera destpêkirina Şoreşa Îlonê ye, ku bi rêberatiya Barzaniyê nemir bû. Ew şoreşa ku ji bo azadî û serfiraziya gelê me bû. Ev destkeft û azadiya ku niha li Başûrê Kurdistanê heye, ji ber ked û xebata Hêzên Pêşmerge û gelê Kurdistanê û xwîna şehîdan û Şoreşa Îlonê ye. PDK jî ji dema avakirina xwe de û heta niha jî tenê ji bo wê yekê ye ku mafên rewa yên gelê Kurdistanê bidestve bîne. Em niha ber bi hilbijartineke çarenivîsaz li Kurdistanê diçin. PDK ji bo avakirina Kurdistaneke bihêz niha dest bi bangeşeya hilbijartinan dike.”

Serok Barzanî wiha domand: “Beriya çend mehan hilbijartinên parlamentoya federal birêve çûn, ez spasiya gelê Kurdistanê dikim ku dengê xwe da PDKê û nehiştin pilan û hêviya neyaran pêk were, ku dixwestin dawiya PDKê bibînin, lê nizanîbûn dê PDK bibe partiya yekemîn li ser asta hemû Iraqê. Ji bo ku Kurdistan bihêz be pêwîst e PDK bihêz be ji bo avakirina rêveberiyeke baş li Başûrê Kurdistanê. Lewma jî roja 30 Îlonê dîsa xewna neyaran bişkînin û bihêlin ala PDKê, ku ala berxwedan û şeref û kerametê bilind bikin.”

Serok Barzanî ji berbijêr û endamên PDKê re got: “Di bangeşeya hilbijartinan de, dev navêjin kesî û bersiva kesî jî nedin. Xelkê Kurdistanê ji xwe aciz nekin. Behsa dîrok û destkeftên PDKê bikin. PDK xwedî gelek destkeftên mezin e, behsa wan bikin. Behsa destkeft û dastanên xwe bikin. Bi xerabî behsa partiyên din nekin. Behsa kêmasiyên me bikin, û behsa destkeftên me jî bikin. Behsa vê ewlehiya ku li Kurdistanê heye, bikin. Ji xelkê Kurdistanê re behs bikin ku kê DAIŞ şikand. Bînin bîra xelkê Kurdistanê ku ne ji PDKê ba dê pilana jinavbirina Herêma Kurdistanê biser ketiba û dê îro hinek kesên din li Hewlêrê serwer bana, û dê niha hemû Kurdistan di bin dagîrkariyê de ba. Lê bi xwîna zarokên gelê Kurdistanê û bi xebata PDKê ew pilan biser neket û hat şikandin. Piştrast bin, piştrast bin hemû pilanên bi wî awayî dê bên şikandin û biser nakevin.”

Serok Barzanî wiha domand: “Gotin û sozên mezin ku zehmet e bên cîbicîkirin, nedin xelkê Kurdistanê. Bînin bîra xelkê Kurdistanê ku piştî raperîna 1991 PDKê kar kir ku hilbijartin li Herêma Kurdistanê bê kirin û demokrasî pêk were û deselat bikeve destê nûnerên xelkê.”

Serok Barzanî wiha got: “Eger PDK di van hilbijartinan de serkeftin bidestve anî, ku piştrast im ku dê serkeftinê bidestve bîne, pêwîst e serkeftineke mezin be. Eger ev yek jî pêk hat, dê hikûmeteke bihêz were avakirin û dê kar bike ji bo çaksaziyeke mezin û dê guhertineke mezin di hemû waran de bike. Em sozên mezin nadin, lê ji bo xizmetkirina gelê Kurdistanê tişta ku ji destê me were, emê bikin. Em sozê didin we ku emê rastgo bin bi we re û mafê we aramnca me ya yekê be. Dengê xwe bidin lîsta 183 ya PDKê ji bo ku PDK bihêz be û Kurdistan bihêz be. Di dawiyê de daxwaz ji we dikin ku hûn bi hêviyeke mezin ber bi pêşve biçin û xwe neçemînin.”




Nûçeyên din

Serok Barzanî pîrozbahiya salvegera ji dayikbûna Pêxemberê Misilmanan kir

MONDAY, 19 NOVEMBER 2018 22:11:02

Bi navê xwedayê mezin û dilovan

Bi helkefta salvegera ji dayikbûna Pêxemberê me yê mezin Mihemed Mistefa (Silavên Xwedê li ser bê) pîrozbahiyê li hemû misilmanên cîhan û Iraq û misilmanên Kurdistanê bi taybetî dikim.

Êzdî: PKK karekî metirsîdar li Şingalê dike..Armanca wan ziyana Êzdiyan e

MONDAY, 19 NOVEMBER 2018 19:11:11

Şingal-KDP.info- Serokê Encûmena Parêzgeha Mûsilê Seydo Çeto dibêje, PKK karekî metirsîdar li Şingalê dike û pêwîst e rê li pêşiya wan bê girtin. Berpirsê Asayişa Rojavayê Diclê Emîd Aştî Koçer jî dibêje, hebûna PKKê li Şingalê armanc jê tenê ew e ku ziyanê bighînin berjewendiyên gelê Kurdistanê û Êzdiyan.

 
Hikûmeta Kurdistanê: Rewşa Şingalê ya xerab nayê qebûlkirin

MONDAY, 19 NOVEMBER 2018 18:11:55

Hewlêr-KDP.info- Berdevkê Hikûmeta Herêma Kurdistanê Sefîn Dizeyî ragihand ku ew naxwazin ti pirsgirêk li Şingalê çêbibe lê ew rewşa xerab ya ku niha li Şingalê heye bi awayekî nayê qebûlkirin û divê Hikûmeta Iraqê wan hêzên nerewa mîna Heşda Şeibî û PKK ji wir derxîne û Hêzên Pêşmerge û polîsên federal li wir bicîh bibin da ku xelkê Şingalê vegerin ser mal û halê xwe.

 
Pêşmergeyên PDK û YNKê (70 û 80) dibin yek hêz

MONDAY, 19 NOVEMBER 2018 18:11:52

Hewlêr-KDP.info- Cîgirê Serfermandarê Hêzên Pêşmerge di Wezareta Pêûmerge de Lîwa Salar Cebarî ragihand ku proseya yekxistina herdû hêzên 70 û 80 yên Pêûmerge destpê kiriye.

 
Şand Wezareta Pêşmerge li Hingarya çend mijarên girîng gotûbêj dike

SUNDAY, 18 NOVEMBER 2018 18:11:22

Hewlêr-KDP.info- Rêveberê Hevahengî û Pêwendiyên Wezareta Pêşmerge ya Hikûmeta Kurdistanê ragihand ku li ser vexwendineke fermî şandeke Wezareta Pêşmerge çû welatê Hingarya.

 


 
© 2018 Kurdistan Democratic Party, KDP