Kurdî  ■  كوردی  ■  عربي
SUN, 26 MAY 2019 15:22 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî beşdarî li rêwresma salvegera 72 saliya damezrandina Partiya Demokrata Kurdistanê kir
| KDP.info


Hawlêr-KDP.info-  Êvariya roja pênçşem 16.Tebaxa 2018 li bajarê Hewlêrê Serok Mesûd Barzanî beşdarî li rêwresma salvegera 72 saliya damezrandina Partiya Demokrata Kurdistanê da kir.

Li vê merasîma ku bi amadebûna hejmarekî zêdeyê ji kesayetiyên siyasî û Serok û sekreter û endamên aliyên siyasî û Konsol û Nûnerê welatan û rêkxistinên civaka medenî û berpirsên îdarî yên Herêma Kurdistanê li Otel Rotana ya bajarê Hewlêrê birêveçû, di destpêkê de gotara bixêrhatina mîhvanan ji aliyê Hoşyar Zêbarî Endamê Mekteba Siyasî ya PDK bi zimanê Erebî û Ingilîzî hate xwendin. Paşê Serok Barzanî gotarekî ji bo amadebûyên rêwresmê pêşkêş kir.

Serok Barzanî li gotara xwe da piştî bi xêrhatina mîhvanan, silav ji bo damezrênerê PDK û hevalên Barzaniyê Nemir şand û spasî endam û alîgir û kadîr û cemawerê PDK jî kir ku herdem pişt û penayê Partiya Demokrata Kurdistanê bûne. Her wiha balkişand li ser wê yekê ku PDK penageh bûye ji bo têkoşer û xebatgêrên Kurdistanê û ji bo demeke dûr û dirêj her ji damezrandina wê ve heta şoreşa Eylûl PDK nehişt ku gelê Kurd tûşî bêhêviyê bibe.

Li dirêjahiya gotara xwe de Serok Barzanî balkişand li ser girîngiya şoreşa Eylûl û wê yekê xisterû ku şoreşa Eylûl şoreşekî siyasî û neteweyî û civakî û seranserî ya Kurdistanê bûye û tu demekî wekî dijminan dest ji bo êş û azardana xelkê nebir û şoreşa Eylûl wiha kir ku nakokî li gel rejîmê nebê nakokiya di navbera neteweyan.

Serok Barzanî ji bilî balkişandina bi qehremanî û xweragiriya xelkê Kurdistanê û serkirde û Pêşmergeyan li şerê Da'îş û rûdanên 16 cotmehê wê yekê dûpat kir ku niha dema eweye hemû aliyek bi xwe da biçîn û PDK jî destê birayetî û hevkariyê ji bo hemû aliyek dirêj dike ji ber ku destkeft tenê di dema pêkvebûnê de pêktên û têne parastin. Daxwaz jî kir ku aliyên Kurdistaniyan li şûna hevdû şikandinê pêkve guftûgo li gel Bexdayê da bikin.

Serok Barzanî tekez li wê yekê kir ku pêwîste li şûna wê yekê ku ew alî bîr li paşxistina hilbijartinê bikin kar ji bo hilbijartinekî baş û bihêz bikin bo ku hikûmetekî bihêz dirust bibê ku bikarê çaksazî bike û kêşeyên xelkê çareser bike.

Di dawiya gotara xwe da Serok Barzanî Destana bêwêneya Xwakurkê bi bîr anî û pêzanînên xwe ji bo qehremaniya Pêşmerge ya li rûbirûbûna dijmin de hebû.




Nûçeyên din

Fermandarên Pêşmerge: Em ji Serok Barzanî fêrî berxwedan û xweneçemandinê bûn

SUNDAY, 26 MAY 2019 12:05:40

Duhok-KDP.info- Fermandarên Hêzên Pêşmerge dibêjin, ew ji Serok Mesûd Barzanî hîn û fêrî pêşmergayetî û xweneçemandin û parastina ax û niştimanperweriyê bûne, ji ber ku ew kesê ku Serok Barzanî li çeperên şer dîtibe, dizane nirxê Kurdistanê çiqas e û pêşmerkayetî jî çiqasî pîroz e.

 
“Daxwaza vegera Pêşmerge bo Xaneqîn gihîştiye Parlamentoya Iraqê”

SUNDAY, 26 MAY 2019 12:05:50

Hewlêr-KDP.info- Pêncşema derbasbûyî komîteyeke taybet bi rewşa Xaneqîn ji Parlamentoya Iraqê serdana Xaneqîn kir û Serokê wê komîteyê jî dibêje, rewşa Xaneqîn ji hemû aliyekî ve xerab e û tê daxwazkirin ku Hêzên Pêşmerge vegerin navçeyê.

 
NY di perawêza nameyeke Nêçîrvan Barzanî de

SUNDAY, 26 MAY 2019 12:05:14

Remezan Nesredîn Kêvlî

 
Serok Barzanî: Di salvegera Şoreşa Gulanê de îradeya gelê Kurdistanê ji bo mafên rewa bihêz e

SUNDAY, 26 MAY 2019 12:05:19

Hewlêr-KDP.info- Serok Mesûd Barzanî bi helkefta 43yemîn salvegera Şoreşa Gulanê peyamek belav kir û tê de got, Şoreşa Gulanê şoreşek bû ji berdewamiya xebat û qurbanîdana gelê Kurdistanê li dijî zilm û dagîrkariyê.

 
Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 


 
© 2018 Kurdistan Democratic Party, KDP