Kurdî  ■  كوردی  ■  عربي
TUE, 18 JUN 2019 16:38 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Çawa me pilanên dijî Kurdistanê şikandin, emê welat pêş bixin û geş bikin
| KDP.info


 

Hewlêr-KDP.info- Polîtburoya PDKê bi hatina 72yemîn salvegera avakirina PDKê peyamek belav kir û tê de tekez dike ku ewê berdewam bin li ser xebata xwe ji bo bidestxistina mafên rewa yên gelê Kurd û herwiha çawa wan pilanên li dijî hebûna Herêma Kurdistanê jinav birne dê wisa kar û xebatê bikin ji bo pêşxistin û geşekirina Kurdistanê.

Polîtburoya PDKê di peyama xwe de ragihand: “Beriya 72 salan, dema ku bêhêviyeke reş ketibû nava neteweya Kurdî de, PDK wek çirayekê hat pêxistin û dîsa hêvî xist dilê miletê Kurd de. PDK ji bo bidawîhatina bindestiyê hat avakirin. Hat avakirin ji bo ku xebatê bike ji bo ku neteweya Kurd bighê mafê xwe. PDK û di bin siya hizr û felsefeya Barzaniyê Nemir û rêbaza wî de, Kurdayetî da ber xwe û aştî û demokrasî û edalet ji xwe re kir pîvan.”

Peyama PDKê wiha dom dike: “PDK karî qonax bi qonax mafên gelê Kurdistanê li Başûrê Kurdistanê bidest bîne û heta roja îro jî xebata me berdewam e û tevî hemû astengî û girêkan PDK katiye wek çiyayekî mezin xebatê ji bo mafê gelê Kurd û ji bo Kurdistanê bike. Niha piştî 72 salan ji damezrandina PDKê, hêj em bi heman moral û bawerî û li ser rêbaza Barzaniyê nemir berdewam in li ser parastin û bihêztirkirina Kurdistanê, nexasim di van 5 salên dawî de Kurdistan rastî gelek pilan û pirsgirêk û kirîzan bû ji bo ku hebûna Herêma Kurdistanê jinav bibin û keda 100 sala borî jinav bibin. Lê PDK rûbirûyê wan pilanan bû û ew pilan şikandin.”

Polîtburoya PDKê ragihand: “Di şerê birçîkirin û qutkirina nanê xelkê Kurdistanê de, PDK nehişt Kurdistan çoga xwe daxe û teslîm bibe û pilana jinavbirina Herêma Kurdistanê şikand. PDK cezayên nerewa yên ser Kurdistanê şikandin û dîsa Kurdistan vegerand ser lingê wê. PDK bi tenê berpirsî li xwe girt û bar avêt ser milê xwe û rewşa Kurdistanê ji kirîzan rizgar kir. Bi hêviya xwedê û gelê Kurdistanê PDK dê di hilbijartinên bê de serkeftineke mezin bidest bîne û dê diyar bibe ku PDK nûneratiya îradeya gelê Kurd dike.”

Peyama PDKê wiha dom dike: “Hilbijartinên vê carê dê destpêka qonaxeke nû bin ji bo destpêkirina avedanî û geşkirin û pêşxistina Kurdistanê, ku di salên borî de ji ver şer û siyaseta birçîkirinê û hevrikiyên partiyên Herêma Kurdistanê, ew avedanî hatibûn rawestandin. Çawa me pilanên dijî Kurdistanê şikandin, emê wisa welat pêş bixin û geş bikin. Dê parlamentoyek û hikûmeteke bihêz bên avakirin ji bo ku em bibin xwedî destûrekî serdem û rêveberî û îdareyeke bihêz li gorî destûr Herêma Kurdistanê birêve bibe.”




Nûçeyên din

Şêwirmendê Sekreterê NY: Tawanên DAIŞê li Kurdistanê jenosayd in

TUESDAY, 18 JUNE 2019 16:06:36

Hewlêr-KDP.info- Serok Barzanî pêşwaziya Yarîdeder û Şêwirmendê Taybetî yê Sekreterê Giştî yê Rêxistina Neteweyên Yekgirtî kir û di wê hevdîtinê de şanda mêvan got ku tawanên DAIŞê li Iraq û Kurdistanê dikevin xala çarçoveya jenosaydê de.

 
Berdevkê PDKê: Divê parêzgarê Kerkûkê berbijêrê YNK û yê PDK jî be

MONDAY, 17 JUNE 2019 23:06:39
Hewlêr-KDP.info- Berdevkê fermî yê Partiya Demokrata Kurdistanê (PDK) Mehmûd Mihemed ragihand ku divê berbijêrê ji bo kursiyê parêzgarê Kerkûkê berbijêrê PDK û YNKê be.
 
Mesrûr Barzanî: Em xelkê Kurdistanê gelekî li hêviya avakirina hikûmetê nahêlin

MONDAY, 17 JUNE 2019 23:06:09
Silêmanî-KDP.info- Piştî civîna Mesrûr Barzanî Serokwezîrê erkdarkirî bi avakirina hikûmeta nû ya Kurdistanê, û Tevgera Goran, Mesrûr Barzanî ragihand ku ew xelkê Kurdistanê gelekî li hêviya avakirina hikûmeta nû nahêlin.
 
Serok Barzanî û Necmedîn Kerîm pêşhatên dawî gotûbêj kirin

MONDAY, 17 JUNE 2019 19:06:36

Hewlêr-KDP.info- Serok Mesûd Barzanî pêşwaziya Necmedîn Kerîm kir û di wê hevdîtinê de herdû aliyan rewşa siyasî û pêşhatên dawî gotûbêj kirin.

Mesrûr Barzanî: Wezareta Karûbarên Şehîdan dê ji bo Partiya Sosyalîst be

MONDAY, 17 JUNE 2019 16:06:55

Silêmanî-KDP.info- Serokwezîrê erkdarkirî ji bo avakirina kabîneya nû ya Herêma Kurdistanê Mesrûr Barzanî pişka Partiya Sosyalîst Demokrat a Kurdistanê di kabîneya nû de eşkere kir û got: “Di kabîneya nû de Wezareta Şehîdan dê ji Partiya Sosyalîst re were dayîn.”

 


 
© 2018 Kurdistan Democratic Party, KDP