Kurdî  ■  كوردی  ■  عربي
TUE, 19 MAR 2019 13:48 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Almanya: Emê berdewam bin li ser perwerdekirin û alîkariya Hêzên Pêşmerge
| KDP.info



Hewlêr-KDP.info- Serok Barzanî pêşwaziya Konsola nû ya Almanya li Hewlêr kir û di wê hevdîtinê de şanda mêvan tekez kir ku ewê berdewam bin li ser perwerdekirin û alîkariya Hêzên Pêşmerge.
Îro Çarşema 08.08.2018 li Selaheddîn Serok Mesûd Barzanî pêşwaziya xanima Barbara Wolf Konsola Giştî ya nû ya Almanya li Hewlêrê kir.
Di hevdîtinê de peywendiyên di navbera Herêma Kurdistan û Almanya guftûgo kirin û Konsola Giştî ya nû ya Almanya tekez kir ku welatê wan berdewam dibê li meşq û rahênan û hevkariya hêzên Pêşmergeyên Kurdistanê û hemû şiyanek jî ji bo pêşxistina zêdetirê peywendiyên di navbera Almanya û Herêma Kurdistanê didin.

Her di vê hevdîtinê de rewşa siyasiya Iraqê ya li piştî hilbijartinan û proseya pêkanîna Hikûmetê xistin ber behs. Her li hevdîtinê de Konsola Giştî ya Almanya ragihand ku welatê wan piştevanê proseya demokrasiya li Herêma Kurdistanê û serweriya yasa û birêveçûna hilbijartinên Kurdistanê di dema diyarkiriya xwe da dike.

Ji aliyê xwe ve Serok Barzanî ji bilî bixêrhatina Konsola nû ya Almanya, pîrozbahiya wergirtina wê erka nû ya birêz xanima Barbara Wolf kir û hêviya serkeftinê ji bo wê xwest.

Serok Barzanî peywendiyên di navbera gelê Kurdistanê û gelê Almanya bi dostane û mînakî wesif kir û piştevaniya xwe ji bo zêdetir pêşxistina peywendiyên Herêma Kurdistanê li gel Almanya xisterû. Her wiha spasî gel û hikûmeta Almanya jî kir ku li şerê dijî terorîstan da hevkariyeke karîger pêşkêşî hêzên Pêşmergeyên Kurdistanê kirine. Daxwaz jî kir peywendiyên di navbera her dû aliyan bê berfirehtir kirin û destxweşiyê li wan hewlan kir ku bi mebesta pêşxistina aborî xistine bernameya karê xwe.

Her yek ji birêzan Dr. Fuad Husên Serokê Dîwana Serokayetiya Herêma Kurdistanê û Dilşad Barzanî Nûnerê Hikûmeta Herêma Kurdistanê li Almanya, amadeyê vê hevdîtinê bûn.

 




Nûçeyên din

Qaymeqamê Şingalê: Heta PKK û Heşda Şeibî li Şingalê bin dê aramî nebe

MONDAY, 18 MARCH 2019 17:03:02

Şingal-KDP.info- Qaymeqamê Şingalê behsa şerê duhî di navbera artêşa Iraqê û PKK li Şingalê dike û dibêje, hêzên PKK rojane li ser sînorê di navbera Sûriye û Iraqê çûn û hatinê dikin û heta PKK û Heşda Şeibî li Şingalê bin dê qet rewş li wir aram nebe.

 
Biro: Guhertineke mezin li Rojavayê Kurdistanê çêdibe

SUNDAY, 17 MARCH 2019 20:03:49

Rojavayê Kurdistanê-KDP.info- Berpirsê Pêwendiyên Derve yên ENKSê Îbrahîm Biro ragihand ku guhertineke mezin li Rojavayê Kurdistanê û li rojhilatê Ferat dê çêbibe û dê îdareyeke nû ava bibe.

 
Nêçîrvan Barzanî: Emê sektora geştyariyê bikin çavkaniyek baş a abûriya Kurdistanê

SUNDAY, 17 MARCH 2019 15:03:12

Hewlêr-KDP.info- Serokwezîrê Herêma Kurdistanê Nêçîrvan Barzanî piştî vekirina Pêşangeha Rojhilata Navîn a ji bo Geştûguzariyê li Hewlêrê (METEX) gotarek pêşkêş kir û ragihand: “Pêşxistina sektora geştyariyê yek ji armancên sereke yên hikûmetê ye û emê geştyariyê bikin çavkanî ji dahata Kurdistanê re.”

 
Serok Barzanî: Divê mirovatî bi şermî li hember Helebce raweste

SATURDAY, 16 MARCH 2019 15:03:47

Hewlêr-KDP.info- Bi boneya derbasbûna 31 salan di ser kîmyabarana Helebce, Serok Barzanî radigihîne, divê mirovayetî bi şermî li hember Helebce raweste.

 
Hikûmeta Kurdistanê daxwaz ji Iraqê dike ku Helebçe qerebû bike

SATURDAY, 16 MARCH 2019 15:03:30

Hewlêr-KDP.info- Encûmena Wezîran a Herêma Kurdistanê di 31emîn salvegera kîmyabarana Helebçe de peyamek belav kir û daxwaz dike ku hikûmeta Iraqê, ji aliyê madî û menewî ve Helebeçeyê qerebû bike.

 


 
© 2018 Kurdistan Democratic Party, KDP