Kurdî  ■  كوردی  ■  عربي
SUN, 19 AUG 2018 09:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berpirsê Pêwendiyên PDKê: Dorpêça ser Kurdistanê hat şikestin..Pêwendiyên Kurdistanê pir baş bûne
| KDP.info


Hewlêr-KDP.info- Berpirsê Pêwendiyên Derve yên PDKê Hoşyar Sîweylî ragihand, niha Herêma Kurdistanê pêwendiyên wê yên dîplomatîk pir baş in û ew dorpêça ku Bexda avêtibû ser Kurdistanê me karî bişkînin.

Hoşyar Sîweylî ji malpera KDP.info re ragihand: “Dema şandên navdewletî û Iraqî serdana Herêma Kurdistanê dikin, xuya dibe ku pêwendiyên Kurdistanê ligel civaka navdewletî pir baş in, nexasim jî ligel welatên Amerîka û Ewropa û Çîn û Rûsya. Berê jî pêwendiyên me ligel wan welatan baş bûn, lê piştî referandumê hinekî pêwendiyên me sar bibûn, lê me karî paşê dîsa pêwendiyên xwe wek berê bikin û bihêztir jê bikin.”

Sîweylî diyar dike ku Bexda dixwest konsulxaneyên welatan li Herêma Kurdistanê nemînin û ji Kurdistanê vekşin, lê ew yek ji Bexda re neçû serî û konsulxane li Hewlêrê man, ew jî bi hewlên Hikûmeta Kurdistanê, ku kar li ser baştirkirina pêwendiyên Kurdistanê ligel derve dikir.

Wî berpirsê PDKê wiha got: “Bexda dorpêça dîplomatîk avêtibû ser Herêma Kurdistanê, lê Kurdan karî wê dorpêçê bişkînin. Bexda hemû hewlên xwe da ku nehêle berpirsên welatan serdana Kurdistanê bikin û berpirsên Kurdistanê jî nikaribin serdana serve bikin, lê paşê bi hewlên Serokwezîrê Kurdistanê Nêçîrvan Barzanî me karî wan dorpêçên dîplomatîk bişkînin.”

Hoşyar Sîweylî wiha got: “Niha pêwendiyên dîplomatîk ên Kurdistanê di asteke pir baş de ne û dê bi ew pêwendî baştir û berfirehtir jî bibin. Amerîka konsulxaneyeke mezin li Hewlêrê vedike û Çîn jî dixwaze li nêzîkî wê konsulxaneya xwe veke. Nêçîrvan Barzanî serdana welatan dike û bi germî pêşwazî li wî tê kirin, ku ev hemû tişt gotina min piştrast dikin ku çiqasî pêwendiyên me pêş ketine.”




Nûçeyên din

“PKK 300 zarok û xortên Êzdî revandine”

SATURDAY, 18 AUGUST 2018 21:08:18

Şingal-KDP.info- PKK tometbar e bi revandine zarokên Kurdên Êzdî. Li gorî zanyariyan 300 zarokên Êzdî ji aliyê PKK ve hatine revandin ji bo Qendîlê hatine veguhestin û li wir tên perwerdekirin.

 
Heder Şeşo: Divê çareseriyeke navdewletî ji Şingal re bê dîtin

SATURDAY, 18 AUGUST 2018 17:08:59

Şingal-KDP.info- Fermandarê Giştî yê Hêza Parastina Êzîdxanê li Şingalê Heder Şeşo ragihand ku pirsa Şingalê bûye pirsgirêkeke navdewletî û ji destê Iraqê jî derketiye û kes nizane dê çarenivîsa wê çi be.

 
Zêbarî: Bexda alîkariya PKKê dikir û niha jî rê dide Tirkiyê ku li wan bixe

SATURDAY, 18 AUGUST 2018 16:08:57

Şingal-KDP.info- Serfermandarê berê yê Artêşa Iraqê Babekir Zêbarî dibêje, Bexda ji aliyekî ve alîkariya PKKê dike û ji aliyekî din ve rêkeftinê ligel Tirkiyê dike li dijî PKKê, ku ev yek jî tenê ji bo ku ziyanê bighîne xelkê Şingalê.

Rêya Hewlêr – Kerkûk tê vekirin

SATURDAY, 18 AUGUST 2018 15:08:26

Hewlêr-KDP.info- Rêveberê Polîsê Hewlêrê Lîwa Ebdulxaliq Telhet ragihand ku îro şandên Herêma Kurdistanê û Bexda civîna xwe ya dawî li ser vekirina rêya Hewlêr – Kerkûk lidar xistin û biryar hat stendin ku sibe ew rê vebe.

Fedrasyona Komeleyên Kurdî li Sovyêta berê pîrozbahî li PDK û Serok Barzanî kir

SATURDAY, 18 AUGUST 2018 14:08:14

Hewlêr-KDP.info- Fedrasyona Navdewletî ya Komeleyên Kurdî li welatên Yekîtiya Sovyêta Berê bi boneya 72yemîn salvegera damezrandina PDK û jidayikbûna Serok Mesûd Barzanî peyameke pîrozbahiyê şandiye ji PDKê re.

 


 
© 2018 Kurdistan Democratic Party, KDP