Kurdî  ■  كوردی  ■  عربي
TUE, 25 SEP 2018 22:42 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokwezîrê Holandayê: Em amade ne hêj alîkariya Kurdistanê bikin
| KDP.info


Hewlêr-KDP.info- Serokwezîrê Herêma Kurdistanê Nêçîrvan Barzanî û Serokwezîrê Holandayê Mark Rutte civiyan û di wê hevdîtinê de Serokwezîrê Holanda got ku ji bo jinavbirina metirsiya terorê û ji bo proseya çaksazî û reforma Wezareta Pêşmerge ew ji bo alîkariyê amade ne.

Serokwezîr Nêçîrvan Barzanî îro piştî nîvro gihişte ofîsa Serokwezîriya Holandayê û ji aliyê serokwezîrê wî welatî Mark Rutte ve hate pêşwazîkirin.

Di wê hevdîtinê de Serokwezîrê Herêma Kurdistanê behsa pêwendiyên Herêma Kurdistanê û Holanda kir û amaje kir bi alîkariyên Holanda yên bo gelê Kurdistanê di dema rêjîma Sedam de, ku gelek penaberên Kurdistanê berê xwe dan Holenda û Holanda pêşwazî li wan kir. Herwiha Holanda di çarçoveya hêzên Hevpeymaniya Navdewletî de alîkariya Kurdistanê kir li dijî DAIŞê û hêj li ser pêşkêşkirina alîkariyên leşkerî û mirovî bo Herêma Kurdistanê. Herwiha Nêçîrvan Barzanî serdana dawî ya Wezîrê Bazirganiyê yê Holanda bo Herêma Kurdistanê bilind nirxand.

Serokwezîrê Kurdistanê spasiya Serokwezîrê Holanda kir li ser serdanên berpirsên Holanda bo Herêma Kurdistanê di demên zehmet û dijwar de ku piştevaneke mezin bûne bo xelk û Hikûmeta Herêma Kurdistanê. Nêçîrvan Barzanî got ku Hikûmeta Kurdistanê ji bo her alîkariyekê ligel Hikûmeta Holanda amade ye û hêvî xwest ku Kurdistan bikaribe ji hemû aliyan ve sûdê ji ezmûna Holanda bibîne, nexasim jî ji aliyê çandiniyê ve.

Nêçîrvan Barzanî behsa rewşa Iraqê û pêkanîna hikûmeta nû kir û got ku girîng e aliyên Kurdistanî di wê hikûmetê de rolê bibînin. Herwiha tekez kir ku Hikûmeta Kurdistanê amade ye ji çareserkirina pirsgirêkên xwe re ligel Bexdayê bi rêya diyalogê û li gorî destûr.

Ji aliyê xwe ve, Serokwezîrê Holanda kêfxweşiya xwe bi serdana Nêçîrvan Barzanî û şanda pê re nîşan da û amaje bi pêwendiyên xwe ligel kurdistanê kir û got ku ew kêfxweş in bi pêşkeftina wan pêwendiyan û hêvî kir ku têkeliyên wan bihêztir bibin.

Serokwezîrê Holanda mêrxasiya Hêzên Pêşmerge li hemberî DAIŞê û parastina hemû pêkhateyan ji metirsiyên terorê û hewandina hejmareke mezin ji koçber û penaberan ji aliyê xelk û Hikûmeta Kurdistanê ve, bilind nirxand.

Herwiha Serokwezîrê Holanda tekez kir ku ji bo jinavbirina metirsiya terorê û ji bo proseya çaksazî û reforma Wezareta Pêşmerge ew ji bo alîkariyê amade ne.


 




Nûçeyên din

Serok Barzanî: Ez wan tiliyan maç dikim ku deng dane serxwebûna Kurdistanê

TUESDAY, 25 SEPTEMBER 2018 19:09:09

Hewlêr-KDP.info- Serok Mesûd Barzanî ragihand ku ew wan tiliyên ku di referanduma 25ê Îlona 2018ê ya serxwebûna Kurdistanê de deng dane serxwebûnê maç dikim. Herwiha got: “Gelê me tawanek nekir dema ku got ku ew dixwazin çawa bijîn. Dixwestin îrade û kerameta me bişkînin, lewma me biryar da ku em bimrin lê îrade û kerameta me neşke.”

 
Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”



 
© 2018 Kurdistan Democratic Party, KDP