Kurdî  ■  كوردی  ■  عربي
TUE, 25 SEP 2018 22:45 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Ferizkirina leşkerî û zordarî li ser navçeyên Kurdistanî nayê qebûlkirin
| KDP.info


Hewlêr-KDP.info- Serok Mesûd Barzanî ligel Encumena Serkirdatiya Yekîtiya Ciwanên Demokrat a Kurdistanê civiya û di wê hevdîtinê de got pêwîst e çanda pêşmergayetiyê di nava ciwanan de bê geşkirin, ku çanda fîdekarî û dilsoziya welat e.

Îro 8-7-2018 Serok Barzanî li Selahedînê ligel Encumena Serkirdatiya Yekîtiya Ciwanên Demokrat a Kurdistanê civiya û di civînê de şanda Encumena Serkirdatiya Yekîtiya Ciwanên Demokrat a Kurdistanê bi awayekî kurt behsa kar û çalakiyên xwe û hewldan bo çareserkirina kêşeyên ciwanan li Kurdistanê de kir û behsa wê yekê jî kir ku dest kirine bi amadekar ji bo lidarxistina kongreya xwe.

Di beşeke din ya civînê de Serok Barzanî jî spasiya Yekîtiya Ciwanên Demokrat a Kurdistanê û tevahiya endamên yekîtiya han kir û hêviya serkeftinê bo wan xwest û behsa rola girîng a yekîtiya han di nava qonaxên cuda cuda yên tevgera azadîxwaz a Kurdistanê kir.

Serok Barzanî di berdewamiya axaftinên xwe de balkêşande ser rola jinan di nava jiyana siyasî,çandî, civakî û daxwaz kir di kongreya wan de pêgeha jinan were bihêztir kirin.

Serok Barzanî di beşeke din ya axaftinên xwe de behsa erkê herî girîng ya ciwanan kir ku ev jî bihêztir kirina hişiyariya netewiye û got: “Pêwîst e ciwan li hember çanda ku dixwaze nirxên civakê bê wate bike û ciwanên Kurdistanê ber bi bêomîdiyê ve dibe û wan ji azadîxwazî û nîştimanperweriyê dûr dixe, rawestin.”

Serok Barzanî wiha domand: “Pêwîst e çanda pêşmergayetiyê di nava ciwanan de bê geşkirin, ku çanda fîdekarî û dilsoziya welat e.”

Serok Barzanî di dawiya axaftinên xwe de amaje bi qonaxa beriya referandumê û piştî referandumê û anî ziman ku ferizkirina siyasî, leşkerî û zordarî li Kerkûk û deverên din ên Kurdistanî nayê qebûlkirin û pêwîst e bi dawî bibe.

 




Nûçeyên din

Serok Barzanî: Ez wan tiliyan maç dikim ku deng dane serxwebûna Kurdistanê

TUESDAY, 25 SEPTEMBER 2018 19:09:09

Hewlêr-KDP.info- Serok Mesûd Barzanî ragihand ku ew wan tiliyên ku di referanduma 25ê Îlona 2018ê ya serxwebûna Kurdistanê de deng dane serxwebûnê maç dikim. Herwiha got: “Gelê me tawanek nekir dema ku got ku ew dixwazin çawa bijîn. Dixwestin îrade û kerameta me bişkînin, lewma me biryar da ku em bimrin lê îrade û kerameta me neşke.”

 
Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”



 
© 2018 Kurdistan Democratic Party, KDP