Kurdî  ■  كوردی  ■  عربي
TUE, 25 SEP 2018 22:43 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

“Pêwîst e Kurd bi merc di hikûmeta Iraqê de beşdar bin”
| KDP.info


 

Hewlêr-KDP.info- Çavdêrên siyasî dibêjin, hatina şandên Iraqî bo Hewlêrê ji bo 2 mebestan e, ew jî avakirina hevpeymaniyekê û normalkirina pêwendiyên ligel Kurdan e, lewma jî pêwîst e Kurd bi merca hebûna hevbeşî û hevsengî û tifaqê beşdar bin di hikûmeta nû ya Iraqê.

Siyasetmedarê Kurd Dr. Mehmûd Osman ji malpera KDP.info re ragihand: “Hejmartina dengan bi destan ti guhertineke mezin li ser encamên hilbijartinan nake. Li Iraqê jî ew alî biser ketine ku xwedî hêz û milîs in, lewma jî pir zehmet e ku encam bên guhertin. Bêguman rewş xerabtir dibe û ti bêşbînî tune ne ku rewşa Iraqê beş bibe û dê avakirina hikûmeta nû hêj dirêj bibe.”

Osman wiha got: “Pêwîst e Kurd di vê rewşa Iraqê de di serî de yekgirtî bin û berjewendiya xwe bidin ber çavê xwe û nêzîkî wan aliyan bibin ku mafê gelê Kurdistanê nas bike. Pêwîst e Kurd nêzîkî wan aliyan bibin ku hevbeşî û hevsengî û tifaqê nas dikin, ku ev hersê pîvan bibin mercên Kurdan. Ji ber ku eger ev 3 merc pêk werin dê mafê Kurdistanê bicîh werin.”

Ji aliyê xwe ve, çavdêrê siyasî Dr. Ebdulhekîm Xesro ji malpera KDP.info re ragihand: “Hatina wan şandên Iraqê bo Herêma Kurdistanê ji bo 2 mebestan e, avakirina hevpeymaniyekê û bihêzkirina pêwendiyên xwe ligel Herêma Kurdistanê, bi taybetî jî Dewleta Qanûn dixwaze pêwendiyên xwe ligel Kurdan bihêz bike.”

Dr. Ebdulhekîm Xesro wiha got: “Şîe bi hemû awayekî hewl didin ku deselat di destê wan de be, lewma jî hewlên xwe zêde kirine ji bo razîkirina Kurd û Suneyan, ji ber ku bê Kurd û Suneyan hikûmeta Iraqê pêk nayê. Pêwîst e Kurd bi merc di hikûmeta Iraqê de beşdar bin, ew jî hebûna tifat û hevsengî û wekhevî li Iraqê be.”




Nûçeyên din

Serok Barzanî: Ez wan tiliyan maç dikim ku deng dane serxwebûna Kurdistanê

TUESDAY, 25 SEPTEMBER 2018 19:09:09

Hewlêr-KDP.info- Serok Mesûd Barzanî ragihand ku ew wan tiliyên ku di referanduma 25ê Îlona 2018ê ya serxwebûna Kurdistanê de deng dane serxwebûnê maç dikim. Herwiha got: “Gelê me tawanek nekir dema ku got ku ew dixwazin çawa bijîn. Dixwestin îrade û kerameta me bişkînin, lewma me biryar da ku em bimrin lê îrade û kerameta me neşke.”

 
Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”



 
© 2018 Kurdistan Democratic Party, KDP