Kurdî  ■  كوردی  ■  عربي
WED, 17 OCT 2018 04:40 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Malbatên girtiyan daxwaz ji PYDê dikin çarenivîsa wan diyar bike
| KDP.info


 

Dihok-KDP.info- Serkirdeyekî ENKSê dibêje, xelkê Rojavayê Kurdistanê û malbatên wan kesên ku di zindanên PYDê de ne, daxwaz ji wê rêveberiya PYDê dikin ku çarenivîsa wan girtiyan diyar bike.

Serkirdeyê ENKSê Muslim Mihemed ji malpera KDP.info re ragihand: “Baweriya PYDê bi tifaq û lihevkirin û jiyana siyasî li Rojavayê Kurdistanê, nayê. Bi dehan xelk avêtine binê zindanan tenê ji ber ku nêrîna wan a siyasî newek a PYDê ye, ku ew kes çarenivîsa wan nediyar e, lewma jî xelkê wan kesan daxwaz dikin ku bilez çarenivîsa wan bê diyarkirin û ji zindanan bên azadkirin.”

Muslim Mihemed wiha got: “Bi dehan alîgir û serkirdeyên me girtî ne, ku hejmara serkirdeyên girtî 10 in û em heroj daxwaz dikin ku çarenivîsa girtiyan eşkere bibe, lê ti bersivê nadin me. Herwiha jiyana siyasî li me qedexe kirine û deriyê ofîsên me girtine.”

Mihemed wiha domand: “PYD netenê jiyana siyasî, lê belê jiyana civakî jî wêran kiriye û ji aliyê neteweyî ve jî bê piroje ne û her ku tên şikestin dest bi girtina endam û alîgir û serkirdeyên me dikin û ofîsên me dişewitînin.”

Wî serkirdeyê ENKSê ragihand: “PYDê li Efrînê serkirde û endamên me avêtibûn zindanan, lê ew bajar ket destê Tirkiyê de û çarenivîsa wan girtiyan winda ye û kes tiştekî li ser wan nizane.”




Nûçeyên din

Kerkûkî:Em xayinên 16ê Cotmehê efû nakin û divê bên dadgehkirin

TUESDAY, 16 OCTOBER 2018 17:10:56

Hewlêr-KDP.info- Xelk û çalakvanên Kerkûkê dibêjin em xayinên 16ê Cotmehê efû nakin û daxwaza dadgehkirina wan xayinan dikin.

 
Îsmaîl Beşikcî: Karesata Kerkûkê xiyaneteke mezin bû û birîneke mezin e ji Kurdan re

TUESDAY, 16 OCTOBER 2018 16:10:14

Duhok-KDP.info- Dostê gelê Kurd, ronakbîr û dîroknivîsê Tirk Îsmaîl Beşikcî di salvegera xiyaneta 16ê Cotmeha 2017ê de dibêje, xiyaneta Kerkûkê xiyaneteke mezin bû û birîneke mezin bû ji Kurdan re.

 
Serok Barzanî: Me qet texmîn nedikir ku li Kerkûkê destekî Kurdî ji pişt ve xencerê li me bide

TUESDAY, 16 OCTOBER 2018 15:10:11

Hewlêr-KDP.info- Serok Mesûd Barzanî di salvegera bûyerên 16 Cotmeha 2017an de peyamek belav kir û têde ragihand, “16 Cotmehê rojeka tarî ye di dîroka gelê me de û di wê rojê de bû ku xiyaneta necamêrane li hêvî û xewnên gelekî mezlûm hat kirin.”

 
Cîgirê Wezîrê Derve yê Amerîka: Em piştgiriya Kurdistanê dikin

MONDAY, 15 OCTOBER 2018 23:10:33

Hewlêr-KDP.info- Bi serokatiya Cîgirê Wezîrê Derve yê Amerîkayê şandeke payebilind a Amerîkî li gel Serokwezîrê Herêma Kurdistanê Nêçîrvan Barzanî civiya û piştgiriya wî welatî bo Herêma Kurdistanê piştrast kir.

 
Beşikcî: Serok Barzanî rêberiya doza rewa ya gelê Kurdistanê dike

MONDAY, 15 OCTOBER 2018 14:10:08

Hewlêr-KDP.info- Serok Mesûd Barzanî pêwazî li dostê gelê Kurd, ronakbîr û dîroknivîsê Tirk Îsmaîl Beşikcî kir û Serok Barzanî ragihand, Beşikcî ji bo me hemûyan cihê şanazî ye û sembol, nêrînên wî yên di derbarê gelê Kurdistanê de cihê girîngîdaneke zêde ye.

 


 
© 2018 Kurdistan Democratic Party, KDP