Kurdî  ■  كوردی  ■  عربي
WED, 20 MAR 2019 11:03 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Asayişa Kurdistanê: Tawan di nava welatiyan de zêde bûne û emê kar ji bo nehiştina wê bikin
| KDP.info


 

Hewlêr-KDP.info- Encûmena Asayişa Herêma Kurdistanê derbarê zêdebûna rêjeya çend tawanan li bajar û bajarokên Herêma Kurdistanê daxuyaniyek belav kir.

Ev jî têkista daxuyaniyê ye:

“Li gor amaran eve meheke rêjeya tawanan li bajar û bajarokên Herêma Kurdistanê zêde kiriye, ev yeke jî cihê dilgiraniya welatiyan e.

Encûmena Asayîşa Herêma Kurdistanê bi hevkarî û hemahingiya aliyên pêwendîdar, ji wan jî Wezareta Navxwe, Wezareta Pêşmerge, komîteya asayîşa parêzgehan û hemû dezgehên ser bi Encûmena Asayîşa Herêma Kurdistanê dest bi cîbecîkirina rêyên pêwîst kiriye, daku, bi tûndî rûberûyê binpêkirin û tawanbaran bibin.

Encûmena Asayişa Herêma Kurdistanê hişyariyê dide hemû alî û kesên ku tawanbaran dihewînin, yan jî destêwerdanên di yasayan de dikin û rê ji diyardeya tawanan xweş dikin. Daxwaz ji hemû aliyan jî dikin hevkar bin bo Herêma Kurdistanê wek her dem nimûneya aramî û aştiyê be. Welatiyên xweşwîst jî dilniya dikin ku rê nadin asayişa herêmê û aramiya jiyana wan bibe qurbaniya berjewendî yan xemsariya ti kes û aliyekî.

Bi hurgilî pêdaçûnê li dû hemû wan rêkaran dikin, ku di vê demê de wê diyardeyê nehêlin.

Encûmena Asayişa Herêma Kurdistanê

24.6.2018”

 




Nûçeyên din

Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 
PKK û artêşa Iraqê bûne bela serê Şingalê

TUESDAY, 19 MARCH 2019 18:03:48

Şingal-KDP.info- Îro careke din şer û pevçûn di navbera artêşa Iraqê û hêzên PKKê de li Şingalê derket. Berpirsê PDKê li wê navçeyê jî dibêje, ew hêz bûne bele ji xelkê Şingalê re û dibe ku bûyerên xerabtir jî biqewimin.

 
Qaymeqamê Şingalê: Heta PKK û Heşda Şeibî li Şingalê bin dê aramî nebe

MONDAY, 18 MARCH 2019 17:03:02

Şingal-KDP.info- Qaymeqamê Şingalê behsa şerê duhî di navbera artêşa Iraqê û PKK li Şingalê dike û dibêje, hêzên PKK rojane li ser sînorê di navbera Sûriye û Iraqê çûn û hatinê dikin û heta PKK û Heşda Şeibî li Şingalê bin dê qet rewş li wir aram nebe.

 


 
© 2018 Kurdistan Democratic Party, KDP